A Raukea e Paulus i Here Lakea ne Huriki a Rom 6:3 - A Nitana Vure

³ Mu lohoka vona pali; na tahuna ni vahilolo hita, si rihi e Isu Kristo. Na naro iea kunana, i manga si mate turana.

A Raukea e Paulus i Here Lakea ne Huriki a Rom 6:3 Iomraidhean Croise

Mateo 28:19

I mavonga mu vano, mu lakea na tanga lobo na malala. Mu vahilolo e huriki na rane Tata, ne Tuna, na Hanu Kiripiripi. Mu tovo ria ri gi ramai a ngava lobo a habi ne mua. I mavonga bara mu rata ria ge ria e huriki a murimuri nau. Mu longo. Iau ga made vakaroro turane mua, ge vano ge harena na nilobona malala.”

Apostolo 19:5

Na tahuna ri longoa a ngava iea, ni vahilolo ria na rana e Isu a Bakovi Dagi.

Apostolo 2:38

E Petrus i koli, i ta maea, “Mua lobo, mu pulo a vilone mua, ni gi vahilolo na rane Kristo, lakea a Vure bara i puga vuroki a naro hale ne mua. Muri bara i habi ne mua a Hanu Kiripiripi.

Apostolo 8:16

a vuhuna i uka ma i bele ne ria ma. Ni vahilolo ria kunana na rane Isu Kristo a Bakovi Dagi.

A Raukea e Paulus i Here Lakea ne Huriki a Rom 6:16

Mu luhoi kado. E rei a viri i habi mule ia na limana viri, ge vora vona, ge longototoa, ia ngane a vorakato. Hita bara si vora vora na naro hale, o bara si vorakato na Vure, si longototoa. A viri i vora na naro hale, bara i vurua. A viri i vora na Vure, a Vure bara i ravunu vuroki a naro hale vona.

A Raukea e Paulus i Here Lakea ne Huriki a Rom 6:8

Si lohoka vona bara si mahuri turane Kristo, a vuhuna si mate pali turana.

A Raukea e Paulus i Here Lakea ne Huriki a Rom 7:1

Mua e huriki a turagu, mu lohoka vona a vinara. A vinara i matakari a viri na tahuna i mahuri kunana. Pali na tahuna i mate pali, a vinara i uka tabu a nitora.

1 Korin 10:2

A bubu i matakari ria, ri laho polo na Dari Vururu turane Moses. A naro nga ru rata e huriki nga, ria a tara ne Moses, i manga mona a viri ni vahilolo, i dili na tara ne Kristo.

1 Korin 12:13

E huriki ranga a Iuda, e huriki ranga a Grik, e huriki ranga a vorakato, e huriki ranga i uka ma ria a vora, hita lobo, a Hanu Kiripiripi i vahilolo hita, si bele manga a kakaine Kristo i taku kunana. Hita lobo si vaveru vona a Hanu Kiripiripi i taku kunana.

1 Korin 15:29

Ge muholi i uka tara viri ge mahuri mule na matenga, i navai e huriki ri bole a hilova na murine huriki ri mate pali?

1 Korin 3:16

Ra mua, i uka ma mu lohoka vona? Mua a roho na Vure. A Hanu Kiripiripi i made na kurukurune mua.

1 Korin 5:6

Ra hini mu bibi rike mule a rane mua, i uka ma i kamumu. Mu lohoka vona, a is popote kunana bara i rata a bret lobo i vava.

1 Korin 6:19

A kakaine mua a roho na Hanu Kiripiripi, ra i valai na Vure, i made pololilo ne mua. Ngane a Vure a tahone mua, i uka ma mua a tahone mua,

1 Korin 6:9

I navai? I uka ma mu lohoka vona? E huriki ri rata a naro hale i uka ma ri gi dili na harikianga na Vure. Naha ni tami mule mua. E huriki ri mole, e huriki ri kavurike a vure ranga, e huriki ri tuli e girihina viri tara, e huriki a bakovi ri radi a bakovi,

1 Korin 9:13

Mu luhoia, e huriki ri leho na Roho na Vure, ri kani na maki ni kani na Roho. E huriki ri leho ni habi a nihabi na dede, ri kani vona a nihabi.

1 Korin 9:24

Mu luhoia, e huriki ri varangi ni nunu, ria lobo ri rura ni mulangi. Pali a viri ala taku kunana bara i mulangi. I mavonga, mu nunu hateka, mu gu mulangi.

2 Korin 13:5

Mu luhoi kado a nimadene mua, mu luhoi tora muholi, o i uka? Bara mu luhoi tora muholi, e Isu Kristo bara i made pololilo ne mua. O ge uka, i uka ma i made pololilo ne mua.

Galesia 3:27

E rei a viri ne mua mu rihi e Kristo na naro ni vahilolo, i manga mu rodoa e Kristo, i manga a viri i rodo a varakia karaba.

Iakop 4:4

Mu ha taroa a Vure i manga a ngatavine i ha taroa e girihina, i vano i ngoi viliha. Mu longo, mu lohoka vona, e huriki ri ngaru a vilo na malala, ria a pile na Vure. I mavonga, e rei a viri ne mua i ngaru ni ramai a naro na malala, ia a pile na Vure.

1 Petrus 3:21

A hilova tara i maea. I korimule mua. I uka ma ne vona ni vahilolo a kuline mua. E Kristo i mahuri mule na matenga, lakea i korimule mua na tahuna mu takia a Vure ge puga vuroki a naro hale ne mua. Ngane i uka ma mu gu hataki manga mu tahoka a naro hale.