A Raukea e Paulus i Here Lakea ne Huriki a Rom 6:2 - A Nitana Vure

² I uka liu. I manga si mate pali. I uka ma si gi rata tabu a naro hale.

A Raukea e Paulus i Here Lakea ne Huriki a Rom 6:2 Iomraidhean Croise

A Vuhuna 39:9

I uka a viri ge matakaria a ruma, iau kunana a matakaria. E girihimu i uka ma i hatekakaria nau tara maki. Ioe kunana i hatekakari iau vomu, a vuhuna ioe e girihina. Ga rata a naro hale navai na matana Vure?”

Lukas 20:16

Bara i valai, i rabalaki e huriki a bakovi nga, i bole mulea a hania na vain, i habi polo tabua ne huriki a bakovi ranga.” Na tahuna ri longoa a nivakakika iea ri ta maea, “A Vure, nahea ge rata mavonga!”

A Raukea e Paulus i Here Lakea ne Huriki a Rom 5:11

Tara maki tabu: si vivi vona a maka maki a Vure i rata ne hita, a vuhuna e Isu Kristo a Bakovi Dagi i mate na murine hita, si gi made na nivalemu turana Vure.

A Raukea e Paulus i Here Lakea ne Huriki a Rom 6:15

Ngane i uka ma si longototo a Vinara si gi bole a nimahuri vakaroro. Si roe vona a nidodo, a naro kamumu na Vure, ge ravunu vuroki a naro hale ne hita. Pali ge navai ngane? Si gi tabana ni rata vakaroro a naro hale, o i uka? I uka liu!

A Raukea e Paulus i Here Lakea ne Huriki a Rom 7:4

I mavonga kunana o huriki a turagu, mua ranga mu mate turane Kristo, lakea a vinara i uka ma i matakari tabu mua. Ngane a viri tara i matakari mua, ra Viri i pesi rike mule na matenga. Ngane si gi rata kunana a leho na Vure.

A Raukea e Paulus i Here Lakea ne Huriki a Rom 7:6

Pali ngane si matukapaga na vinara, i manga a vorakato i mate, i matukapaga na hini ia a vorakato vona. Ngane a Vinara ne Moses i uka ma i matakari tabu hita. A Hanuna Vure i habi a nimahuri karaba ne hita, i matakari hita.

Galesia 2:19

A vinara i rata iau a mate pali, a matukapaga na nitora vona. I bele mavonga, ga muri mai kunanea a Vure. I manga iau ni paditata na kai tavalavala turane Kristo.

Galesia 6:14

Pali iau i uka ma ga bibi rike mule a ragu. A maki a bibi rikea, a rane Isu Kristo a Bakovi Dagi ne hita, a vuhuna i mate na kai tavalavala. I rata mavonga, ngane i manga iau a mate, a vilo hale na malala i uka ma i matakari tabu iau.

Kolosi 2:20

Mu mate pali turane Kristo, lakea e huriki a hanitu i uka ma ri gi matakari tabu mua. Pali i navai mu tabana ni muri mai a vinara na malala, a vilo hosi na malala i ta maea,

Kolosi 3:3

Mu luhoi a maki na hunu, a vuhuna mu mate pali, mu kapiloho turane Kristo pololilo na Vure.

1 Petrus 1:14

Naha ni longototo a ningaru hosi na kakaine mua, ra mu ramai hosi na tahuna i uka ma mu lohoka, a vuhuna ngane mua e huriki a tuna Vure, mu longototoa.

1 Petrus 2:24

Na tahuna i tavore na kai tavalavala, i bole na kakaina a naro hale ne hita. I rata mavonga, si gi mate na naro hale, si gi mahuri mule na naro malamala. A harena lebo na kakaina i vakatavaga mua.

1 Ioanes 3:9

E rei a viri ni gale a tuna Vure i uka ma ge ramai tabu a naro hale, a vuhuna i bole pali a vilona Vure. Bara i keri ni ramai a naro hale, a vuhuna i bele manga a tuna Vure ngane.