A Raukea e Paulus i Here Lakea ne Huriki a Rom 6:12 - A Nitana Vure

¹² Nahea a naro hale ge matakari a kakaine mua, a vuhuna a kakaine mua bara i mate, pali a hanune mua bara i tabuli vakaroro.

A Raukea e Paulus i Here Lakea ne Huriki a Rom 6:12 Iomraidhean Croise

A Vuhuna 4:7

Ioe bara o rata a rabu malamala bara ngarua a nihabi vomu. Ioe, i uka ma o rata a rabu malamala, a rabu hale i pesi kalidoga ge rabalaki ioe. O matakari a nilaho vomu, bara i lobo a naro hale vomu.”

E Levi 13:40

“Na tahuna a vuna bakovi i makudu tala na gina i lete, ra bakovi iea i mata­pado.

Ni Gi 33:55

“Pali mua i uka ma mu gu lili tala e huriki a tahotanga, bara ri habi a maregoa ne mua manga a barakau i kau a matane mua, a kamagane mua. Bara ri vaubi ne mua vona a robo iea mu made vona.

A Raukea e Paulus i Here Lakea ne Huriki a Rom 13:14

Naha ni longototo a ningaru hale na kakaine mua. Mu rihi e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 2:8

Pali e huriki ri luhoi mule ria kunana, ri marikoi ni longototoa a ngava muholi, ri longototo kunana ni rata a naro hale, a rongova na Vure bara i vakamadihi hateka ria.

A Raukea e Paulus i Here Lakea ne Huriki a Rom 5:21

I rata mavonga, a vuhuna a naro hale i matakari hita. A nitora na naro hale, a matenga. Na naro iea kunana, ngane a naro kamumu na Vure ge matakari hita. A nitora vona ni matakari hita, ra naro a Vure i gale hita si malamala na matana, si bole a nimahuri vakaroro na tahuna si luhoi torea e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 6:14

Nahea a naro hale ge vakavora mua, a vuhuna i uka ma mu ramai a Vinara ne Moses, lakea a Vure ge korimule mua. A Vure, na naro kamumu vona kunana, i korimule mua.

A Raukea e Paulus i Here Lakea ne Huriki a Rom 6:16

Mu luhoi kado. E rei a viri i habi mule ia na limana viri, ge vora vona, ge longototoa, ia ngane a vorakato. Hita bara si vora vora na naro hale, o bara si vorakato na Vure, si longototoa. A viri i vora na naro hale, bara i vurua. A viri i vora na Vure, a Vure bara i ravunu vuroki a naro hale vona.

A Raukea e Paulus i Here Lakea ne Huriki a Rom 8:11

A Hanuna Vure i vakamahuri mulea e Isu Kristo. Hita ranga, na tahuna a Hanuna Vure i made pololilo ne hita, a Vure bara i vakamahuri mule hita na matenga. A Hanuna Vure, ra i made pololilo ne hita, ge ratea a naro iea.

A Raukea e Paulus i Here Lakea ne Huriki a Rom 8:13

E huriki ri muri mai a ningaru hale na kakaine ria bara ri mate. Pali e huriki ri lobo ni ramai a ningaru hale na kakaine ria na nitora na Hanu Kiripiripi, bara ri bole a nimahuri vakaroro.

2 Korin 4:11

Na tahuna a made na malala, i tahoka e huriki ri ngaru ni rabalaki iau a vuhuna a ramaia e Isu. Na naro iea, e huriki bara ri matakilaka vona e Isu i mahuri mule pali na matenga.

2 Korin 5:4

Na tahuna si tabana na kakaine hita, ra i manga a kape, si bole a nimadihi, si dedo. I uka ma i manga si ngaru ni mate, si gi pe a kakaine hita. Pali si ngaru ni bole a kakaine hita karaba meli na hunu. A kakaine hita karaba, ra ge mahuri vakaroro, bara i kuloi a kakaine hita ra bara i mate.

Galesia 5:16

Pali iau a ta maea, mu laho turana Hanu Kiripiripi, lakea i uka ma mu gu ramai a ningaru hale na kakaine mua.

Galesia 5:24

E huriki a ngate ne Isu Kristo ri paditata pali na kai tavalavala a ningaru hale na kakaine ria.

Epesus 2:3

Muga hita ranga si ramai a naro hale manga ria, a rongova na Vure i rike ne hita. Si muri mai a ningaru hale, a niluhoi hale na kakaine hita.

Epesus 4:22

ngane mu vuroki a vilo hale hosi ne mua, a nilaho hosi ne mua, ra i mavuru na maka ningaru na taminga.

Vinara 7:2

Na tahuna e BAKOVI DAGI a Vure ne hita ge tuhori mua, mu ratapile ria, mu rabalaki lobo ria. Naha ni rata a ngava dagi turane ria, naha ni dodo ria.

1 Tesalonika 4:5

Nahea ge turari mua a ningaru na malala, mu gu rata a maka naro na molenga, i manga e huriki ri made na uvo ri rata. I uka ma ri lohoka na Vure.

2 Timoti 2:22

Lakea o malele ha vona a maka ningaru hale i bele na niluhoi ne huriki a bakovi karaba. O leho tora ni rata a naro kiripiripi, ni luhoi torea a Vure. O ngaru e huriki, o made na nivalemu ge manga e huriki ranga ri malamala, ri kavurikea a Vure.

Titus 2:12

A naro kamumu na Vure i tovo hita i uka ma si gi longotaroa a Vure, si gi lohopile a ningaru hale na malala. Ngane si made koea na malala, nahea si gi rata tavula a maki. Si gi ramai a niluhoi kamumu. Si gi ramai a naro kiripiripi na Vure.

Titus 3:3

O lohoka vona, hosi tarua tu manga a viri i manga. Tu longotaro a ngava. Tu longo mai a ngava taminga, tu vora na ningaru legelege na malala, ra tu ngaru ni rata. Hosi tu laho na naro hale. Tu rata a naro ni masigoro. E huriki ri tepu tarua; tarua ranga tu tepu ria.

1 Petrus 1:14

Naha ni longototo a ningaru hosi na kakaine mua, ra mu ramai hosi na tahuna i uka ma mu lohoka, a vuhuna ngane mua e huriki a tuna Vure, mu longototoa.

1 Petrus 2:11

Mua o huriki a turagu, mu manga a mosi, mu laho polo kunanea a malala iea. A taki tora mua mu gu pile a ningaru hale na kakaine mua. A ningaru hale nga ri vaubi na hanune mua.

Iuda 1:16

Re huriki a nitamina mari ni tovo, ra ri made turane mua, ri marikoi, ri hehe vona a naro kamumu na Vure. I uka ma ri vivi ranga, ri deke bala. Ri ramai kunana a ningaru hale na kakaine ria. Ri bibi rike mule ria. Ri tamilalu ni rata kamumu e huriki, ri gi bole a maka maki ne ria.

Iuda 1:18

Ri taki mua, ri ta maea, “Muri ma, na nilobona parava, e huriki a bakovi hale bara ri bele, ri biu a maka maki na Vure, bara ri ramai a ningaru hale na kakaine ria.”