A Raukea e Paulus i Here Lakea ne Huriki a Rom 5:8 - A Nitana Vure

⁸ Pali a Vure i vakasiri i ngaru hateka hita. Na tahuna si tabana ni muri mai a naro hale, e Kristo i mate ni korimule hita.

A Raukea e Paulus i Here Lakea ne Huriki a Rom 5:8 Iomraidhean Croise

Ioanes 15:13

A viri i ngaru hateka e huriki a turana, lakea i mate na murine ria, a ningaru vona i dagi hateka.

Ioanes 3:16

“I mavonga a vuhuna a Vure i ngaru hateka e huriki na malala, lakea i rudua e Tuna a bakovi a madiva ge mate, lakea e rei a viri i luhoi tora ia i uka ma ge velu, bara i bole a nimahuri vakaroro.

A Raukea e Paulus i Here Lakea ne Huriki a Rom 3:5

Hita e huriki a bakovi hale, pali a naro hale ne hita i vakasiri kavakava a Vure i malamala. Pali si gi ta navai? Si gi taki a Vure i uka ma i ramai a naro kamumu na tahuna i habi a nimadihi ne hita na naro hale ne hita? Ngane a ta manga a bakovi tavula kunana.

A Raukea e Paulus i Here Lakea ne Huriki a Rom 4:25

E Isu ni habi na limane huriki a bakovi hale, ri paditatea na kai tavalavala, ge puga vuroki a naro hale ne hita. A Vure i vakamahuri mulea na matenga ge kado purua a dala na Vure ge puga vuroki a naro hale ne hita.

A Raukea e Paulus i Here Lakea ne Huriki a Rom 5:20

A Vinara ne Moses i rata e huriki ri matakilaka vona a naro hale ne ria, ri rata virihi a Vure. Na tahuna ri matakilaka vona a narone ria i hale hateka, a Vure i rata kamumu hateka e huriki.

A Raukea e Paulus i Here Lakea ne Huriki a Rom 5:6

Na tahuna si keri ni korimule hita, e Kristo i mate na parava a Vure i vulakia ge mate vona, ge korimule hita e huriki a bakovi hale.

A Raukea e Paulus i Here Lakea ne Huriki a Rom 5:7

I uka tara viri koea na malala ge ngaru ni mate ni korimulea e turana. Pali a bakovi takutaku kunana bara i ngaru ni mate ne vona ni korimule a bakovi kamumu.

A Raukea e Paulus i Here Lakea ne Huriki a Rom 8:32

A Vure i uka ma i vakatokua e Tuna. I rudua i valai ge mate, ge korimule hita. I mavonga bara i rata kamumu hita, i habi ne hita a maki kamumu lobo.

Galesia 2:20

Ngane iau i uka ma a viri a mahuri, pali e Kristo i mahuri pololilo nau. A maki lobo a rata koea na malala, a rata a vuhuna a luhoi torea a Tuna Vure, ra i ngaru hateka iau, i mate na murigu.

Epesus 2:7

I rata mavonga ne vona ni vakasiri e huriki ri gi bele muri ma, na naro i rata kamumu hateka hita na tahuna i rata hita si rihi e Isu Kristo.

Epesus 5:2

Mu laho na naro na nivangaru, i manga e Kristo i ngaru hateka hita, i habi ia na Vure, i manga a nihabi manginoro.

1 Timoti 1:16

Iau a bakovi hale hateka. Pali e Isu Kristo i dodo iau ge vakasiri a naro muholi vona ni hatenono na rabu hale ne huriki. Lakea e huriki ranga bara ri masia, ri luhoi torea, ri bole a nimahuri vakaroro.

Hibru 8:3

E huriki a prister dagi lobo ri tahoka a leho ni habi a nihabi na Vure. E Kristo tara, i habi a nihabi na Vure, a vuhuna ia a prister dagi.

1 Petrus 3:18

E Kristo tara i bole a nimadihi. Ia a bakovi malamala, i mate balaka taku na naro hale ne hita, ge korimule e huriki a bakovi hale. I rata mavonga, ge tuli valai hita na Vure. A kakaina ni rabalaki, pali a Vure i vakamahuri mulea.

1 Ioanes 3:16

E Kristo i vakasiria ne hita a naro ni vangaru muholi. I mate na murine hita. I mavonga, hita ranga, i kamumu si gi ramai a narone Kristo, si gi lohopile mule hita, si gi vatuhori.