A Raukea e Paulus i Here Lakea ne Huriki a Rom 5:1 - A Nitana Vure

¹ Ngane si made na nivalemu turana Vure na dala e Isu Kristo i kado purua ne hita, a vuhuna a Vure i taki hita si malamala na tahuna si luhoi torea a Bakovi Dagi e Isu Kristo.

A Raukea e Paulus i Here Lakea ne Huriki a Rom 5:1 Iomraidhean Croise

Lukas 19:38

“A Vure ge rata kamumu a hariki i valai na rane Bakovi Dagi! Ngane e huriki a bakovi a ngatavine ri gi made na nivalemu turana Vure. Si gi kavurikea a rana Vure Meli Liu!”

Lukas 19:42

i ta maea, “Mua o huriki a bakovi o Ierusalem, bara mu lohoka nau, bara mu made na nivalemu. Pali i uka ma mu matakilala iau.

Lukas 2:14

“Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

Ioanes 14:27

Iau a habi a nivalemu ne mua. A nivalemu nau a habi ne mua. I uka ma a habi a nivalemu ne mua ge manga e huriki na malala ri habi. Naha ni loho lege lae, naha ni mangenge.

Ioanes 16:33

“A taki mua vona a maka ngava nga, lakea na tahuna mu made turagu, bara mu tahoka a nivalemu. Na tahuna mu made na malala bara mu bole a nimadihi. Pali mu tuhaka! A rangi pali a nitora na malala.”

Ioanes 20:31

Pali a here puru a maka ngava nga, mu gu luhoi torea e Isu ia e Kristo, a Tuna Vure. Lakea na tahuna mu luhoi torea, bara mu bole a nimahuri vakaroro na rana.

Ioanes 5:24

“A taki muholi mua, e huriki ri longo mai a ngavagu, ri luhoi tora a viri i rudu iau a valai, bara ri bole a nimahuri vakaroro. A Vure i uka ma ge pelekado ria, a vuhuna ri pea pali a matenga, ri bole a nimahuri.

Apostolo 10:36

Mu lohoka vona a ngava a Vure i taki mia e huriki a Israel vona, i vakalongo a Velenga Kamumu ne huriki bara ri made na nivalemu turana Vure na tahuna ri luhoi torea e Isu Kristo, a Bakovi Dagi ne huriki lobo.

A Raukea e Paulus i Here Lakea ne Huriki a Rom 1:17

A Velenga Kamumu i vakalongo hita vona, a naro a Vure i ravunu vuroki a naro hale ne huriki ri luhoi torea e Kristo. I manga a ngava ni here hosi na Hinere, i maea, “Ga ravunu vuroki a naro hale ne huriki ri luhoi tora iau, ri gi mahuri vakaroro.”

A Raukea e Paulus i Here Lakea ne Huriki a Rom 1:7

A herea a raukea iea i lakene mua e huriki a bakovi a ngatavine o Rom. A Vure i ngaru hateka mua, i gale mua ge mua a tara vona. A Vure e Tamane hita turana e Isu Kristo, a Bakovi Dagi ne hita, ru gu rata kamumu mua, ru gu habi a nivalemu ne mua.

A Raukea e Paulus i Here Lakea ne Huriki a Rom 10:10

E huriki ri luhoi torea e Isu na hatene ria, a Vure bara i taki ria ri malamala. E huriki ri ta tala na ngavane ria, ne Isu ia a Bakovi Dagi, a Vure bara i korimule ria.

A Raukea e Paulus i Here Lakea ne Huriki a Rom 10:15

Pali a Vure i uka ma ge rudu ria, ri gi vano, ri gi vara navai? A ngava ni here puru na Hinere i ta maea, “I namika hateka na tahuna a viri i bele i vara na Velenga Kamumu!”

A Raukea e Paulus i Here Lakea ne Huriki a Rom 14:17

A pelegona a harikianga na Vure, i uka ma a vinara na maki ni kani, a maki ni ninu. A pelegona a harikianga na Vure i maea, si gi laho malamala, si gi made na nivalemu, si gi vivi na nivivi na Hanu Kiripiripi.

A Raukea e Paulus i Here Lakea ne Huriki a Rom 15:13

A Vure a viri i rata mua mu pasimata vona ge rata a maki lobo i taki ge rata. Ge habi ne mua a nivivi, a nivalemu na tahuna mu luhoi tora ia. I mavonga, a Hanu Kiripiripi ge rata mua mu gu pasimata hateka.

A Raukea e Paulus i Here Lakea ne Huriki a Rom 15:33

A Vure, ra viri i habi a nivalemu ne hita, ge made turane mua.

A Raukea e Paulus i Here Lakea ne Huriki a Rom 3:22

a Vure ge ravunu vuroki a naro hale ne huriki lobo ri luhoi torea e Isu Kristo, a vuhuna e huriki lobo ri palupulupu na matana; e huriki a Iuda, e huriki i uka ma ria a Iuda.

A Raukea e Paulus i Here Lakea ne Huriki a Rom 3:30

a vuhuna a Vure i taku kunana. Ge ravunu vuroki a naro hale ne huriki a Iuda ri luhoi torea e Kristo. I mavonga, ge ravunu vuroki a naro hale ne huriki i uka ma ria a Iuda na tahuna ri luhoi torea e Kristo.

A Raukea e Paulus i Here Lakea ne Huriki a Rom 4:5

Pali i uka tara maki si gi ratea, a Vure ge vivi ne hita. Pali a Vure bara i gale hita si malamala na tahuna si luhoi tora ia, ra Vure, a Viri i rata e huriki a bakovi hale ri malamala na matana. Ngane a Vure i kori e huriki maea, i gale ria ri malamala, i uka ma a mapane ria. A Vure i kori tavula kunana ria.

A Raukea e Paulus i Here Lakea ne Huriki a Rom 5:11

Tara maki tabu: si vivi vona a maka maki a Vure i rata ne hita, a vuhuna e Isu Kristo a Bakovi Dagi i mate na murine hita, si gi made na nivalemu turana Vure.

A Raukea e Paulus i Here Lakea ne Huriki a Rom 5:18

Na naro iea kunana, e Adam i longotaroa a Vure, lakea a rongova na Vure i bele ne huriki lobo. I mavonga kunana, e Isu Kristo i longototoa a Vure, lakea a Vure, i kara ia ge ravunu a naro hale ne huriki, ge habi ne ria a nimahuri vakaroro.

A Raukea e Paulus i Here Lakea ne Huriki a Rom 6:23

A mapana naro hale a matenga. Pali a nimahuri vakaroro, a Vure i habi tavula ne hita, a vuhuna si rihi e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 9:30

Ngane e huriki i uka ma ria a Iuda, i uka ma ri toni ni laho malamala na matana Vure. Pali a Vure i rata ria ri malamala, a vuhuna ri luhoi tora ia.

Galesia 2:16

Pali ngane mi lohoka vona i uka tara viri ge ramai lobo a vinara na Vure, lakea a Vure ge galea a bakovi kamumu. A viri a Vure i galea a bakovi kamumu, ra viri i luhoi torea e Isu Kristo. I mavonga, mia ranga, mi luhoi torea e Isu Kristo, lakea a Vure i gale mia a bakovi kamumu. I uka ma mi gi ramai a vinara na Vure, lakea a Vure ge gale mia a bakovi kamumu, a vuhuna si keri ni ramai a vinara lobo vona, ge gale hita a bakovi kamumu.

Galesia 3:25

Pali ngane a naro ni luhoi torea e Kristo i bele, i mavonga a vinara i uka ma i matakari tabu hita,

Galesia 5:22

Pali a kanena Hanu Kiripiripi, a naro kamumu nga: a naro na nivangaru, a nivivi, a nivalemu, a naro ni hatenono, a naro ni rata kamumu e huriki, a naro ni hate balala, a naro ni ta muholi,

Epesus 2:7

I rata mavonga ne vona ni vakasiri e huriki ri gi bele muri ma, na naro i rata kamumu hateka hita na tahuna i rata hita si rihi e Isu Kristo.

Pilipai 3:9

ga rihi ia. I mavonga i uka ma ga malamala a vuhuna a ramai lobo a vinara. A Vure i rata iau a malamala a vuhuna a luhoi torea e Kristo. A naro ni bele malamala na matana Vure i bele na tahuna si luhoi torea e Kristo.

Kolosi 1:20

Na nimatene Kristo na kai tavalavala, a Vure i rata a maki lobo koea na malala, meli na hunu, ri made kamumu tabu turana na nivalemu.

Kolosi 3:15

A nivalemu ne Kristo ge matakari a niluhoi ne mua, ge ratea a niluhoi ne mua ge kamumu, a vuhuna a Vure i vulaki mua mu gu made palupu na nivalemu i manga a kabu i taku. Mu kavurike vakaroroa a Vure.

1 Tesalonika 5:23

A Vure a vuhuna a nivalemu. Ia a viri ge rata mua mu gu malamala liu na matana. Ge matakari a hanune mua, a niluhoi ne mua, a kakaine mua, lakea na tahuna e Isu Kristo a Bakovi Dagi ne hita ge hamule valai, bara i matai mua mu laho malamala.

2 Tesalonika 3:16

E Bakovi Dagi ia a vuhuna a nivalemu. Ge habi a nivalemu ne mua na parava vakaroro, ge habi a nivalemu ne mua na maki lobo, ge made turane mua.

Hibru 13:20

A Bakovi Dagi ne hita e Isu, ia a matakari dagi ne hita, re hita huriki a sipsip vona. I habi a darana ge vakatora a ngava karaba ge tabuli vakaroro. Lakea a Vure i vakamahuri mulea na matenga. Ngane ra Vure na nivalemu,