A Raukea e Paulus i Here Lakea ne Huriki a Rom 4:21 - A Nitana Vure

²¹ I lohoka vona a Vure, i kara ni rata a maki i ta muholi vona ge ratea.

A Raukea e Paulus i Here Lakea ne Huriki a Rom 4:21 Iomraidhean Croise

A Vuhuna 18:14

A maki lobo a maki tavula ne BAKOVI DAGI. Na tahuna a hamule valai tabu na tahuna maea na pida muri e Sara bara i tahoka pali e tuna a bakovi.”

Mateo 19:26

Lakea e Isu i mata lakea ne ria, i ta maea, “A maki iea, e huriki a bakovi ri keria. Pali a Vure, i uka tara maki ge keria.”

Lukas 1:1

O bakovi dagi Tiopilus, o lohoka vona pali, i kupo e huriki ri toni pali ni here puru a nuverei na maka maki e Isu Kristo i rata na matane mia. Ri here puru a ngavane huriki ri matai na matane ria a maka maki nga, i vakatubu na tahuna e Isu i tubu ni leho. Re huriki nga, ngane ri rata a leho ni vakalongo a nitana Vure. Lakea a luhoi bara i kamumu ga here puru kamumu a nuverei ne Isu, go gia, a vuhuna i paru hosi a vakatubu ni bole kamumu a ngava iea ne huriki ri masia e Isu.

Lukas 1:37

a vuhuna a Vure i uka ma i keri ni ratana tara maki.”

Lukas 1:45

A Vure ge rata kamumu ioe, a vuhuna o luhoi a ngava e Bakovi Dagi i taki ioe vona ge bele!”

A Raukea e Paulus i Here Lakea ne Huriki a Rom 14:4

Naha ni pelekadoa a vora na bakovi tara. A matakari vona kunana ge masia a leho vona i kamumu o i hale. A vora ne Bakovi Dagi bara i leho kamumu, a vuhuna e Bakovi Dagi i tuhori ia ge leho kamumu.

A Raukea e Paulus i Here Lakea ne Huriki a Rom 14:5

E huriki ranga ri luhoia a parava tara parava ni lotu. Pali e huriki ranga ri luhoi a parava lobo ri palupulupu. Hita takutaku si gi luhoi kamumu i vai a niluhoi i muholi si gi ramaia.

A Raukea e Paulus i Here Lakea ne Huriki a Rom 8:38

A Vure i ngaru hateka hita. I uka tara maki ge ratea a Vure ge lohopile hita, a vuhuna e Isu Kristo a Bakovi Dagi ne hita i korimule hita. A matenga, e huriki a agelo, e huriki a matakari, a maki mona, a maki ge bele muri ma, a maki i tahoka a nitora, a maki meli na hunu, a maki polotano, i uka tara maki ge ratea a Vure ge lohopile hita.

2 Korin 9:8

Muri a Vure bara i hate balala, i vakatahoka mua vakaroro a maki mu ngaru. Bara mu tahoka hateka a maki, lakea bara mu kara ni tuhori e huriki ranga.

2 Timoti 1:12

Ngane a bole a nimadihi a vuhuna a vakalongo e huriki na Velenga Kamumu. Pali iau i uka ma a maruhu, a vuhuna ra viri a luhoi torea, a lohoka vona. A lohoka vona bara i matakari kamumu a leho i ru na limagu ga rata, bara i tabuli kamumu vakaroro ge harena na parava e Kristo ge hamule valai.

Hibru 11:13

Re huriki a bakovi a ngatavine nga, i uka ma ri bole ma a maki a Vure i ta muholi vona ri gi bole. Pali ri vivi kunana ni lohoka vona a maki nga bara ri bele muri ma. I uka ma ri bole a maki nga, pali na tahuna ri mate, ri tabana ni luhoi torea a Vure. Ri lohoka vona, ri made manga a mosi kunana koea na malala.

Hibru 11:19

E Abraham i lohoka vona a Vure, i kara ni vakamahuri mule e huriki ri mate pali. I muholi hateka, bara si takia ngane e Abraham, i manga i bole mulea na matenga e tuna.