A Raukea e Paulus i Here Lakea ne Huriki a Rom 4:18 - A Nitana Vure

¹⁸ E Abraham, e girihina ru gare hateka, ru uka dala ni vakabele a koma. Pali e Abraham i luhoi torea a Vure, i pasimata ge tahoka e tuna, ge tahoka a hamona ge kupo, a vuhuna a Vure i takia, i ta maea, “A hamomu ri gi ala kupo hateka, bara ni keri ni gi, i manga a maka hada na hunu.”

A Raukea e Paulus i Here Lakea ne Huriki a Rom 4:18 Iomraidhean Croise

Lukas 1:18

Pali e Sakarias i nanea a agelo, “Ga lohoka navai vona a ngavamu ge muholi? Maria e girihigu miri gare hateka.”

Apostolo 27:25

I mavonga mu kinigao, a vuhuna iau a luhoi a nitana Vure i vakalongo iau a agelo vona baroko, bara i bele muholi.

A Raukea e Paulus i Here Lakea ne Huriki a Rom 4:17

A ngava ni here puru hosi na Hinere i maea, “A ru ioe, ge ioe a vuhuna e huriki a kabu ala kupo.” A ngava iea i muholi na matana Vure, a Vure e Abraham i luhoi tora ia, ra Vure i vakamahuri mule e huriki ri mate pali, i vakabele a maki i uka ma i tabuli ma.

A Raukea e Paulus i Here Lakea ne Huriki a Rom 4:19

I gare liu. A pida vona i 100. I manga a kakaina i mate pali. Pali i uka ma i loho rua. E Sara i lame, pali e Abraham i uka ma i loho rua.

A Raukea e Paulus i Here Lakea ne Huriki a Rom 5:5

Na tahuna si pasimata na Vure, i uka ma si gi pasimata tavula, a vuhuna a Vure i habi ne hita a Hanu Kiripiripi. Ra Viri i vakasiri hita na Vure i ngaru hateka hita.

A Raukea e Paulus i Here Lakea ne Huriki a Rom 8:24

Na tahuna a Vure i korimule hita, si vakatubu ni pasimata vona. A maki i bele pali, i uka ma si gi pasimata vona.

Hibru 6:19

Ra maki a Vure i taki hita si gi pasimata vona, i rata hita si pesi tata, i manga a vago ni hori a aga vona, i ratea a aga i pasi na tabeke i taku kunana. I tuli hita si bele na matana Vure, i manga a prister dagi hosi ri dili na Tabeke Nitaba Hateka, na bitona lavalava dagi ni topi rike na roho na Vure.