A Raukea e Paulus i Here Lakea ne Huriki a Rom 3:5 - A Nitana Vure

⁵ Hita e huriki a bakovi hale, pali a naro hale ne hita i vakasiri kavakava a Vure i malamala. Pali si gi ta navai? Si gi taki a Vure i uka ma i ramai a naro kamumu na tahuna i habi a nimadihi ne hita na naro hale ne hita? Ngane a ta manga a bakovi tavula kunana.

A Raukea e Paulus i Here Lakea ne Huriki a Rom 3:5 Iomraidhean Croise

A Vuhuna 18:25

I uka ma a naro kamumu ra naro ta go ratea, go ratapile e huriki a bakovi kamumu turana e huriki a bakovi hale. Bara o rata e huriki ri naro hale, e huriki ri naro kamumu ri palupulupu. I uka ma a naro kamumu na Matakari na malala ra naro go ratea.”

A Raukea e Paulus i Here Lakea ne Huriki a Rom 12:19

Mua e huriki a hategu, naha ni koli a naro hale. Mu davea a rongova na Vure ge koli, a vuhuna a ngava ni here puru na Hinere, i ta maea, “E Bakovi Dagi i ta maea, ‘A nikoli, a leho nau kunana. Iau kikeri a viri bara koli a vilo hale ne huriki ri rata virihi mua vona.’”

A Raukea e Paulus i Here Lakea ne Huriki a Rom 2:5

A Vure bara i vakamadihi hateka ioe, a vuhuna o putu ngingi, i uka ma o pulo a vilomu. Bara i habi a nimadihi vomu muri ma na tahuna a rongova vona ge bele kavakava, ge pelekado e huriki lobo na naro i taku kunana.

A Raukea e Paulus i Here Lakea ne Huriki a Rom 3:19

Si lohoka vona, a Vinara ne Moses ni here virihi mae e huriki a Iuda, re huriki a vinara i matakari ria. I mavonga, e huriki lobo na malala bara ri keri ni koli a ngava. E huriki lobo bara ri tahoka a ngava na matana Vure; e huriki a Iuda, e huriki i uka ma ria a Iuda.

A Raukea e Paulus i Here Lakea ne Huriki a Rom 3:7

Pali a viri tara bara i koke, i ta maea, “Na tahuna iau a tatami, e huriki ri matakilalea a Vure a Viri ni ta muholi, lakea ri kavurikea. I mavonga, a Vure, i navai ge taki iau a bakovi hale?

A Raukea e Paulus i Here Lakea ne Huriki a Rom 4:1

A bakovi e Abraham, ia a vuhune mia e huriki a Iuda. A ra maki si gi tovo vona a naro ni bele malamala na matana Vure?

A Raukea e Paulus i Here Lakea ne Huriki a Rom 5:8

Pali a Vure i vakasiri i ngaru hateka hita. Na tahuna si tabana ni muri mai a naro hale, e Kristo i mate ni korimule hita.

A Raukea e Paulus i Here Lakea ne Huriki a Rom 6:1

A ra si gi takia ngane? Si gi rata mavonga a naro hale, ge bele dagi a naro kamumu na Vure?

A Raukea e Paulus i Here Lakea ne Huriki a Rom 6:19

A ta vakakika na vorakato, a vuhuna a niluhoi ne mua i manga a niluhoi na viri na malala. I uka ma mu longokilala a nitana maki na Vure. Hosi mu habi a maka tabekena kakaine mua ni rata a naro na molenga, a naro hale legelege. Ngane a ngaru mu gu habi a maka tabekena kakaine mua, mu gu vora na naro kamumu, lakea bara mu malamala na matana Vure.

A Raukea e Paulus i Here Lakea ne Huriki a Rom 7:7

A ra si gi takia ngane? A Vinara na Vure i hale? I uka liu! Iau i uka ma ga lohoka na vinara, i uka ma ga lohoka vona a ra naro i kamumu, a ra naro i hale. A vinara tara i ta maea, “Naha ni ngutu na maki na viri tara.” Pali iau i uka ma ga lohoka vona a ngava iea, ra naro ni ngutu, i uka ma ga lohoka vona ge hale.

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

A Raukea e Paulus i Here Lakea ne Huriki a Rom 9:30

Ngane e huriki i uka ma ria a Iuda, i uka ma ri toni ni laho malamala na matana Vure. Pali a Vure i rata ria ri malamala, a vuhuna ri luhoi tora ia.

1 Korin 15:32

Hosi a vaubi na maka livoa o Epesus. I uka ma a luhoi a maki na malala, a rata mavonga. Iau bara luhoi kunana a maki na malala, i uka ma ga vaubi. Ge muholi i uka tara viri ge mahuri mule na matenga, bara i manga e huriki ranga ri taki, “Si gi kani, si gi ninu, a vuhuna kuduvi bara si mate.”

1 Korin 9:8

Ra ngava nga, i uka ma a niluhoi na bakovi. Ni here na Vinara.

2 Korin 6:4

A maki lobo a rata i vakasiri manga iau a vora na Vure. A hatenono na tahuna a bole a nimadihi, a maregoa, a vuranga,

2 Korin 7:11

Mu dodo na nidodo i valai na Vure, lakea i rata mua mu ngaru hateka ni vakasiri manga i uka ma mu tahoka a ngava vona a nimava iea. Mu tahate kamumu vona a maregoa i vakabele a bakovi iea. Mu mangenge hateka na maki i ratea. Mu ngaru hateka ni matai iau. Mu vakamadihi kamumua ra viri i vakabelea a maregoa iea. A maki lobo mu rata, mu vakasiri manga mu uka ngava vona a maki iea.

Galesia 2:18

Iau bara hae rike tabu a maki a puka pali, a vakasiri manga iau a viri ni putu puru a vinara.

Galesia 3:15

Mua e huriki a turagu, ga ta vakakika vona a naro na malala. Na tahuna e huriki a bakovi ri valongo pali a ngava, i uka tara viri ge hudo tala tabu a ngava, o ge ravunu vuroki a ngava vona.

Kapiloho 15:3

Ri kalolo a linge ne Moses, a vora na Vure, a linge na Tuna Sipsip. Ri kalolo maea, “O Bakovi Dagi, a Vure tuhaka hateka! E huriki ri turutu na maka maki o rata, ri dagi hateka! Hariki ne huriki lobo na malala, A naromu i muholi, i malamala!

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”