A Raukea e Paulus i Here Lakea ne Huriki a Rom 3:25 - A Nitana Vure

²⁵ A Vure i rudua ge mate, ge bole a murine hita, ge vakalobo a rongova na Vure, lakea a Vure ge puga vuroki a naro hale ne huriki ri luhoi tora ia. I rata mavonga si gi matakilaka vona a narona i malamala, a vuhuna hosi i hatenono ne huriki a bakovi hale, i uka ma i habi a nimadihi malaviriri ne ria.

A Raukea e Paulus i Here Lakea ne Huriki a Rom 3:25 Iomraidhean Croise

E Levi 16:10

Pali a meme i kurahi e Asasel vona, nahea ge rabalakia. Ni gi bole mahuri lakea na matane BAKOVI DAGI, ni gi vakakaloho vona a maka naro hale ne huriki, ge kaloho lakea ne Asasel na tabeke i ngeki.

E Levi 16:15

“Muri ge rabalakia ra meme ni habi na naro hale ne huriki. Ge bole dilia na Tabeke Nitaba Hateka a darana, ge voro tamali langa na murina nidodo na Tava na Ngava Dagi, na hini muga na murina nidodo, i manga a hini i rata pali na darana bulmakau.

Ioanes 6:47

A taki muholi mua, a viri i luhoi tora ia bara i bole a nimahuri vakaroro.

Apostolo 14:16

Hosi i matataro e huriki i uka ma ria a Iuda ri ramai kunana a ningaru ne ria.

Apostolo 15:18

Hosi liu i taki muga a maki nga ge bele.’”

Apostolo 17:30

Hosi a Vure i matataro e huriki i uka ma ri lohoka. Pali ngane i vakuku e huriki lobo na tanga lobo ri gi pulo a vilone ria,

Apostolo 2:23

Re Isu, ni habi na limane mua, a Vure i lohoka vona muga, i ramai a ningaru vona. Mu paditatea na kai tavalavala na limane huriki a bakovi hale, i mate.

Apostolo 3:18

Pali na limane mua a Vure i ratea i bele muholi a ngava i habi polo hosi ne huriki a propet, re Kristo ge bole a nimadihi, ge mate.

Apostolo 4:28

A maki ri ratea ne Isu, na nitora vomu, na ningaru vomu, o taki muga vona ge bele.

A Raukea e Paulus i Here Lakea ne Huriki a Rom 2:4

Naha ni luhoi i kamumu go tabana ni rata a naro hale, a vuhuna a Vure a mari ni rata kamumu hateka e huriki, a mari ni hatenono hateka. Naha ni luhoi mavonga. A Vure i rata kamumu ioe, a vuhuna i ngaru go pulo a vilomu.

A Raukea e Paulus i Here Lakea ne Huriki a Rom 3:26

I rata mavonga, na tahuna mona si gi matakilaka vona, ia i malamala. A Vure i rata e huriki lobo ri luhoi torea e Isu ri gi malamala.

A Raukea e Paulus i Here Lakea ne Huriki a Rom 5:1

Ngane si made na nivalemu turana Vure na dala e Isu Kristo i kado purua ne hita, a vuhuna a Vure i taki hita si malamala na tahuna si luhoi torea a Bakovi Dagi e Isu Kristo.

A Raukea e Paulus i Here Lakea ne Huriki a Rom 5:11

Tara maki tabu: si vivi vona a maka maki a Vure i rata ne hita, a vuhuna e Isu Kristo a Bakovi Dagi i mate na murine hita, si gi made na nivalemu turana Vure.

A Raukea e Paulus i Here Lakea ne Huriki a Rom 5:18

Na naro iea kunana, e Adam i longotaroa a Vure, lakea a rongova na Vure i bele ne huriki lobo. I mavonga kunana, e Isu Kristo i longototoa a Vure, lakea a Vure, i kara ia ge ravunu a naro hale ne huriki, ge habi ne ria a nimahuri vakaroro.

A Raukea e Paulus i Here Lakea ne Huriki a Rom 5:9

I mavonga i muholi hateka e Kristo ge korimule hita na rongova na Vure, a vuhuna a darana i rata hita si malamala na matana Vure.

1 Korin 5:7

Mu vuroki tala a is hosi, mu gu bele manga a bret karaba. I muholi mu manga a bret i uka is vona, a vuhuna a nihabi ne hita, e Kristo, a tuna sipsip na Habu na Nipagepolo, ni rabalaki, ni habi pali.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Epesus 1:7

Si rihi e Kristo, i kona hita na darana. Ngane a Vure i puga vuroki a naro hale ne hita. Na naro iea a Vure i vakasiri ne hita, na harikia vona, ia a mari ni rata kamumu hateka hita.

Epesus 2:13

Muga mu marava basi na Vure. Pali ngane mu rihi e Isu Kristo, lakea a darana i kali valai mua, mu made tabukoi na Vure.

1 Timoti 1:15

A ngava i muholi hateka, e huriki ri gi longoa ri gi longo mai, i maea: e Isu Kristo i puru valai na malala ge korimule hita e huriki a bakovi hale. Iau kunana a viri a hale hateka.

Hibru 10:4

a vuhuna a darana bulmakau, a darana meme, ru keri ni puga vuroki a naro hale ne huriki.

Hibru 11:14

Si lohoka vona, ri matakanea a malala, ga tanga muholi ne ria, e huriki ri taki ri made manga a mosi kunana koea na malala.

Hibru 11:17

Hosi e Abraham i luhoi torea a Vure. A Vure i tonia, i takia ge habia e tuna, e Isak, ge manga a nihabi na Vure. I muholi, a Vure i ta muholi muga ne Abraham, i ta maea, “E huriki e tune Isak kunana bara ni gale e huriki a hamomu.” Pali e Abraham i longototo kunana, i vakatubu ni habi na Vure e Isak, ge manga a nihabi ni gutu vuro.

Hibru 11:7

Hosi e Noa i luhoi torea a Vure. Lakea a Vure i taki mugea e Noa, i vakalongoa na maka maki hale ri gi bele muri ma. E Noa i mangenge na Vure, i haea a aga rungu, ge korimule na vuranga e huriki a kabu vona. E Noa i rata mavonga, a maka naro hale ne huriki lobo na malala ri bele kavakava. A Vure i gale ia a bakovi malamala, a vuhuna i luhoi torea a Vure.

Hibru 9:28

E Kristo i mate balaka taku, i manga a nihabi na Vure, i bole a mapana naro hale ne huriki ala kupo. I mavonga, muri ma na tahuna i hamule valai, i uka ma ge mate tabu ni bole tabu a mapana naro hale ne huriki. Na tahuna i hamule valai, bara i korimule e huriki ri pasimata vona ge valai.

Hibru 9:5

Na matana tava iea i tahoka a murina na nidodo. I pesi langa vona a hanuna agelo i rua, ru vulala tala a karapane rua, ru kavitagu a matana tava. Ra hanuna agelo nga ru vakasiri a Vure i made vona a hini nga. Pali ngane i uka ma ga vakalongo lobo mua vona a maka ngava nga.

1 Ioanes 1:10

Pali a viri i taki ta i uka naro hale ge rata, ngane i takia a Vure, ta ia a bakovi na taminga. A bakovi maea i marikoi a nitana Vure.

1 Ioanes 2:2

Ia kunana a dala ne hita, ge puga vuroki a naro hale ne hita. I uka ma a dala ne hita kunana. Ia a dala ne huriki lobo na malala.

1 Ioanes 4:10

A naro ni ngaru muholi a viri i maea: Hita i uka ma si ngaru mugea a Vure. Pali a Vure i ngaru muga hita, i rudua e Tuna, ge a nihabi, ge kadoa a dala a Vure ge ravunu vuroki a naro hale ne hita.

Kapiloho 1:5

E Isu Kristo, ra viri i vakalongo hita na maki lobo a Vure i takia ge taki ne hita, ra viri i mahuri mule na matenga muga ne hita lobo, ra matakari ne huriki a matakari lobo na malala, ia tara ge rata kamumu mua, ge habi a nivalemu ne mua. I ngaru hateka hita. Na darana i vakamatukapaga hita na naro hale ne hita.

Kapiloho 13:8

E huriki lobo na malala bara ri kavurikea e Livoa. Pali e huriki a rane ria ni here dili muga na nidoko na malala na buk na nimahuri na Sipsip, i uka ma ri gi kavurikea.

Kapiloho 20:15

E rei a viri, a rana i uka ma i tabuli na buk na nimahuri, ni voro puru ria na darilomu na kanono.

Kapiloho 5:9

Lakea ri kaloloa a linge karaba, ri kalolo maea, “Ioe kunana, i kara ioe go bolea a raukea iea, go laga vuroki a buluka ni pipikari vona, a vuhuna ni rabalaki ioe, a daramu i konamule e huriki a bakovi a ngatavine, ri gi ne vona a Vure. O kona tala ria na kabu lobo na malala, a tabele lobo na malala, a kuli lobo na malala, na robo lobo na malala.