A Raukea e Paulus i Here Lakea ne Huriki a Rom 3:21 - A Nitana Vure

²¹ Ngane i bele kavakava a dala a Vure i ravunu vuroki a naro hale ne hita. I uka ma i bele na ni longototo a Vinara. I bele na dala tara. A dala iea, a Vure i vakalongo muga vona hosi na Hinere i maea,

A Raukea e Paulus i Here Lakea ne Huriki a Rom 3:21 Iomraidhean Croise

A Vuhuna 15:6

E BAKOVI DAGI i galea e Abram a bakovi malamala, a vuhuna i luhoi a nitana.

Lukas 24:44

Lakea i taki ria, i ta maea, “Mu luhoi kado na tahuna a turane mua rira? A taki a maki ni here puru virihi mai iau bara i bele. Ra ngava lobo ni here puru na vinara ne Moses, na Hinere ne huriki a propet, na Linge.”

Ioanes 1:45

Muri e Pilip i vano ge gosia e Nataniel. Na tahuna i matavisia, i ta maea, “Mete mata­visia ra viri e Moses turana e huriki a propet ri here vona hosi. Ia e Isu, e tune Iosep o Nasaret!”

Apostolo 10:43

E huriki a propet ri vakalongo muga vona pali. Ri vakalongo ne e rei a viri i luhoi tora ia, a Vure bara i puga a naro hale vona na rane Isu.”

Apostolo 15:11

Nahea ge mavonga! Si lohoka vona a naro kamumu kunana ne Bakovi Dagi e Isu bara i korimule hita. Ria ranga.”

Apostolo 26:22

Pali a Vure i tuhori iau vakaroro. Ngane a pesi koea, a vakalongo e huriki a matasia, e huriki a bakovi dagi. A vakalongo kunana a ngava ne Moses, e huriki a propet ri takia ge bele.

Apostolo 28:23

Muri ri rua tara parava ri gi vapopo turane Paulus vona. I bele a parava iea, lakea e huriki ala kupo hateka ri valai maia a ruma i made vona. I vara ria vona a parava iea, i vakatubu na hatelanga, i vano i harena na haro i puru. I toni ni rata ria ri gi luhoi torea e Isu, lakea i vakasiri ria na vinara ne Moses, na Hinere ne huriki a propet, i vakalongo ria vona a harikianga na Vure.

A Raukea e Paulus i Here Lakea ne Huriki a Rom 1:17

A Velenga Kamumu i vakalongo hita vona, a naro a Vure i ravunu vuroki a naro hale ne huriki ri luhoi torea e Kristo. I manga a ngava ni here hosi na Hinere, i maea, “Ga ravunu vuroki a naro hale ne huriki ri luhoi tora iau, ri gi mahuri vakaroro.”

A Raukea e Paulus i Here Lakea ne Huriki a Rom 1:2

Hosi i ta muholi ne huriki a propet vona, ge bele kavakava a Velenga Kamumu iea. Lakea e huriki a propet ri here puru na Hinere na Vure.

A Raukea e Paulus i Here Lakea ne Huriki a Rom 16:26

Pali ngane i bele kavakava. A ngava ne huriki a propet hosi ni taki tala ngane, e huriki na tanga lobo ri longo a Velenga Kamumu, a vuhuna a Vure ra i mahuri vakaroro i taki ge bele mavonga, e huriki ri gi luhoi tora ia, ri gi longototoa.

A Raukea e Paulus i Here Lakea ne Huriki a Rom 5:19

A bakovi tara i longotaroa a Vure, lakea e huriki ala kupo ri hale na matana Vure. I mavonga kunana, a bakovi tara i longototoa a Vure, lakea a Vure i ravunu vuroki a naro hale ne huriki ala kupo, i gale ria ri malamala.

A Raukea e Paulus i Here Lakea ne Huriki a Rom 5:21

I rata mavonga, a vuhuna a naro hale i matakari hita. A nitora na naro hale, a matenga. Na naro iea kunana, ngane a naro kamumu na Vure ge matakari hita. A nitora vona ni matakari hita, ra naro a Vure i gale hita si malamala na matana, si bole a nimahuri vakaroro na tahuna si luhoi torea e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 9:30

Ngane e huriki i uka ma ria a Iuda, i uka ma ri toni ni laho malamala na matana Vure. Pali a Vure i rata ria ri malamala, a vuhuna ri luhoi tora ia.

1 Korin 1:30

Ia kunana a Viri i rata mua mu rihi e Isu Kristo. Na naro iea, e Kristo i habi a niluhoi kamumu lobo ne hita. Na limane Kristo kunana, a Vure i konamule hita, i rata hita si malamala, i kali here here hita, ge hita ne vona kunana.

2 Korin 3:9

A vinara, ra i taki e huriki lobo ri gi mate, i tahoka a bagetua vona. Pali a leho ne Kristo, ra i rata hita si malamala, a bagetuanga vona i kamumu hateka.

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Galesia 3:8

Hosi a Hinere i vakalongo muga a naro a Vure ta ge gale malamala e huriki i uka ma ria a Iuda, na tahuna ri luhoi torea. A Hinere i vakalongo muga a ngava nga hosi na tahuna a Vure i takia ne Abraham a Velenga Kamumu, na tahuna i ta maea, “Ne vomu kunana, ga gamai e huriki a bakovi lobo na malala.”

Galesia 5:5

Pali mia, mi luhoi torea e Kristo na nitora na Hanu Kiripiripi, mi pasimata vona a hini a Vure ge gale mia a viri malamala.

Pilipai 3:9

ga rihi ia. I mavonga i uka ma ga malamala a vuhuna a ramai lobo a vinara. A Vure i rata iau a malamala a vuhuna a luhoi torea e Kristo. A naro ni bele malamala na matana Vure i bele na tahuna si luhoi torea e Kristo.

1 Petrus 1:10

E huriki a propet ri ta muga vona a naro a Vure ta ge rata kamumu mua vona. Ri ngaru hateka ni lohoka vona a Vure ge korimule navai hita.

2 Petrus 1:1

Iau e Simon Petrus, a vora, a apos­tolo ne Isu Kristo. A herea a raukea iea i lakene ne mua e huriki a bakovi a ngatavine a Vure i rata mua mu luhoi torea e Kristo, i manga mia. Si luhoi torea e Isu Kristo, ra viri i korimule hita, ia a Vure, i malamala liu.