A Raukea e Paulus i Here Lakea ne Huriki a Rom 2:9 - A Nitana Vure

⁹ Bara i habi a nimadihi dagi ne huriki ri rata vakaroro a rabu hale, bara ri loho gori lae. Bara i bele taro ne huriki a Iuda, muri bara i bele ne huriki i uka ma ria a Iuda.

A Raukea e Paulus i Here Lakea ne Huriki a Rom 2:9 Iomraidhean Croise

Mateo 16:26

Ge a ra a viri ge tahoka a mahala lobo na malala, pali ge velu a hanuna? A mahala lobo nga, i uka ma ge korimulea.

Lukas 24:47

Mu vakatubu o Ierusalem, mu vara na tanga lobo na malala a ngava ne huriki ri gi pulo a vilone ria, lakea a Vure ge puga vuroki a naro hale ne ria.

Apostolo 11:18

Na tahuna ri longoa a nitana, ri uka ngava, lakea ri kavurikea a Vure, ri ta maea, “Ngane si lohoka vona e huriki a bakovi i uka ma ria a Iuda, ria ranga a Vure i ngaru ria ri gi pulo a vilone ria, ri gi bole a nimahuri vakaroro.”

Apostolo 13:26

“Mua o huriki a turagu, mua e huriki a hamone Abraham, mua e huriki i uka ma mua a Iuda pali mu togoa a Vure, mu longo kamumu. Ra ngava na Vure ge korimule e huriki, a Vure i vakaru vilia ne hita.

Apostolo 20:21

A taki tora e huriki a Iuda, e huriki a Grik, ri gi pulo a vilone ria, ri gi ramaia a Vure, ri gi luhoi torea a Bakovi Dagi ne hita, e Isu Kristo.

Apostolo 26:20

A vakatubu ni vakalongo e huriki ri gi pulo a vilone ria, ri gi ramai a Vure, ri gi rata a naro ge vakasiri ria ri mapulo muholi pali. A vakalongo muga e huriki o Damaskus e huriki o Ierusalem. Muri a lakea na tanga lobo na tabeke ne Iudea, muri a lakea ne huriki i uka ma ria a Iuda, a vakalongo ria.

Apostolo 28:17

Muri na parava i tolu e Paulus i gale palupu e huriki a matakari ne huriki a Iuda vonga. Na tahuna ri vapopo, e Paulus i taki ria, i ta maea, “Mua o huriki a turagu, iau i uka ma ratea tara naro ge hale ne huriki ne hita. I uka ma a longotaroa tara vilo hosi ne huriki e tubune hita. Pali iau ni lakavu tavula o Ierusalem, ri habi iau ne huriki a Rom.

Apostolo 28:28

“I mavonga a ngaru mua mu gu lohoka vona, a velenga na nimahuri vakaroro na Vure ni vakaru lakea ne huriki i uka ma ria a Iuda. Ria bara ri longo mai!”

Apostolo 3:26

“A Vure i vulakia a vora vona, i rudua ge valai taro ne mua, ge rata kamumu mua na tahuna i rata mua lobo mu pulo a vilone mua, mu ha taro a vilo hale.”

A Raukea e Paulus i Here Lakea ne Huriki a Rom 1:16

I mavonga, i uka ma a maruhu ni vakalongo ne huriki a Velenga Kamumu, a vuhuna ia a nitora na Vure ni korimule e huriki lobo ri luhoi tora ia, e huriki a Iuda taro, muri e huriki i uka ma ria a Iuda.

A Raukea e Paulus i Here Lakea ne Huriki a Rom 10:12

E huriki a Iuda, e huriki i uka ma ria a Iuda, ri palupulupu kunana. E Bakovi Dagi, a Bakovi Dagi ne huriki lobo. I hate balala, i kori kamumu e huriki ri gale lakea vona.

A Raukea e Paulus i Here Lakea ne Huriki a Rom 2:10

Pali bara i vakabagetu, i kavurike, i habi a nivalemu ne huriki ri rata vakaroro a naro kamumu. Ne huriki a Iuda taro, muri ne huriki i uka ma ria a Iuda.

A Raukea e Paulus i Here Lakea ne Huriki a Rom 8:35

I uka tara maki ge ratea e Kristo ge lohopile hita. Na tahuna a maregoa, a nimava, a pago, a vuranga, a matenga, o na tahuna e huriki ri vakamadihi hita, o si bala a varakia, e Kristo i tabana ni ngaru hita.

A Raukea e Paulus i Here Lakea ne Huriki a Rom 9:24

re hita e huriki a Vure i gale hita, si gi ramaia. I gale tala hita ne huriki a Iuda, ne huriki i uka ma ria a Iuda. Si valai na kabu lobo.

Galesia 3:28

Mua lobo mu rihi e Kristo, ngane mua lobo mu manga a viri ala taku. I uka tabu a Iuda, o a viri i uka ma a Iuda. I uka tabu a vorakato, o a viri i uka ma a vorakato. I uka tabu a bakovi o a ngatavine. Mu palupulupu.

Kolosi 3:11

Na matana Vure e huriki a Iuda, e huriki i uka ma ria a Iuda, e huriki ni pala a kuline ria, e huriki i uka ma ni pala a kuline ria, e huriki a bakovi na robo, e huriki a vora, e huriki i uka ma ria a vora, ria lobo ri palupulupu na matana Vure. E Kristo ia a maki lobo, i made pololilo ne huriki ri luhoi torea.

2 Tesalonika 1:6

A Vure i pelekado kamumu e huriki. Muri ma, a Bakovi Dagi ne hita e Isu, turane huriki a agelo hateka na Vure ri gi pe a hunu, ri gi luve kavakava turana hubena kanono. Na tahuna iea, bara i koli a narone huriki ri habi a maregoa ne mua, bara i habi a maregoa ne ria. Bara i vakalobo a maka maregoa mu tahoka, ge habi a nimalo ne mua. Mateu ranga bara i habi a nimalo ne mateu.

1 Petrus 4:17

A parava i bele pali e huriki a tara na Vure ni gi pelekado. A nipelekado ge tubu ne hita, ge bele navai ne huriki i uka ma ri longototo a Velenga Kamumu na Vure?