A Raukea e Paulus i Here Lakea ne Huriki a Rom 2:4 - A Nitana Vure

⁴ Naha ni luhoi i kamumu go tabana ni rata a naro hale, a vuhuna a Vure a mari ni rata kamumu hateka e huriki, a mari ni hatenono hateka. Naha ni luhoi mavonga. A Vure i rata kamumu ioe, a vuhuna i ngaru go pulo a vilomu.

A Raukea e Paulus i Here Lakea ne Huriki a Rom 2:4 Iomraidhean Croise

A Nimariu 34:6

I polo na ngalane Moses, i vakalongo maea, “Iau e BAKOVI DAGI, iau e BAKOVI DAGI. Iau a Vure na nidodo na ni rata kamumu e huriki. Iau i uka ma a tahate malaviriri e huriki. A ngaru hateka e huriki a bakovi a ngatavine, a ramai lobo a ngava nau.

Iona 4:2

I vasileki ne BAKOVI DAGI, i ta maea, O BAKOVI DAGI, o longo iau. I uka ma a pea ma a robo nau, a lohoka vona pali i uka ma go ratapilea e Ninive. I mavonga, a toni ni ha lakea o Tarsis. A lohoka vomu, ioe a Vure na nidodo, na ningaru. O maradoi na nitahate, o ngaru hateka vakaroro e huriki. Ioe a Vure o kara ni pulo a niluhoi vomu na niratapile e huriki.

Ni Gi 14:18

‘Iau, e BAKOVI DAGI, i uka ma ge madihi malaviriri a hategu. A ngaru hateka e huriki, pali ga muri mai vakaroro a nitagu. A puga vuroki a naro hale na tagenga ne ria. Pali bara vakamadihi e huriki ri rata a naro hale, ge ramai a hamone ria, ge harena ne tamarane ria, e kukulimane ria.’

A Raukea e Paulus i Here Lakea ne Huriki a Rom 10:12

E huriki a Iuda, e huriki i uka ma ria a Iuda, ri palupulupu kunana. E Bakovi Dagi, a Bakovi Dagi ne huriki lobo. I hate balala, i kori kamumu e huriki ri gale lakea vona.

A Raukea e Paulus i Here Lakea ne Huriki a Rom 11:22

Ngane mu matakilaka vona a narona Vure. I habi a nimadihi ne huriki ri lohopilea. I rata kamumu hateka mua e huriki mu luhoi tora ia. Pali mua bara mu lobo ni luhoi torea a naro kamumu vona, mua ranga, bara i puri vuroki mua.

A Raukea e Paulus i Here Lakea ne Huriki a Rom 11:33

I muholi hateka! A naro kamumu na Vure, a niluhoi vona, a lohokanga vona, i uka harena! I uka tara viri ge tuveve polo vona a narona Vure, a hini i pelekado e huriki vona.

A Raukea e Paulus i Here Lakea ne Huriki a Rom 3:25

A Vure i rudua ge mate, ge bole a murine hita, ge vakalobo a rongova na Vure, lakea a Vure ge puga vuroki a naro hale ne huriki ri luhoi tora ia. I rata mavonga si gi matakilaka vona a narona i malamala, a vuhuna hosi i hatenono ne huriki a bakovi hale, i uka ma i habi a nimadihi malaviriri ne ria.

A Raukea e Paulus i Here Lakea ne Huriki a Rom 6:1

A ra si gi takia ngane? Si gi rata mavonga a naro hale, ge bele dagi a naro kamumu na Vure?

A Raukea e Paulus i Here Lakea ne Huriki a Rom 6:15

Ngane i uka ma si longototo a Vinara si gi bole a nimahuri vakaroro. Si roe vona a nidodo, a naro kamumu na Vure, ge ravunu vuroki a naro hale ne hita. Pali ge navai ngane? Si gi tabana ni rata vakaroro a naro hale, o i uka? I uka liu!

2 Korin 8:2

Ri dili na nitoni dagi na maregoa dagi ri bolea, pali ri vivi hateka, ri hate balala. I muholi ri matasia, ri bala a moni, pali a kinori ne ria i dagi hateka.

Epesus 1:18

A nanea ge rata mua mu gu longokilalea a nitana, lakea mu gu lohoka vona a maka mahala kamumu i bagetu hateka, i ngaru ni habi ne mua, lakea mu gu pasimata ni bole a maki nga, a vuhuna i gale mua ge mua e huriki a ngate vona.

Epesus 1:7

Si rihi e Kristo, i kona hita na darana. Ngane a Vure i puga vuroki a naro hale ne hita. Na naro iea a Vure i vakasiri ne hita, na harikia vona, ia a mari ni rata kamumu hateka hita.

Epesus 2:4

Pali a Vure a mari ni dodo hateka, i ngaru hateka hita.

Epesus 2:7

I rata mavonga ne vona ni vakasiri e huriki ri gi bele muri ma, na naro i rata kamumu hateka hita na tahuna i rata hita si rihi e Isu Kristo.

Epesus 3:16

A turume puru, a vasileki ge bole tala na mahala kamumu na bagetuanga vona, ge tuhori a hatene mua na nitora na Hanuna,

Epesus 3:8

I habia nau a leho iea, pali iau, ne huriki lobo na tara na Vure, iau a bakovi tavula liu. Pali i rata kamumu iau, i habi a leho nau ga vara e huriki i uka ma ria a Iuda, ga taki ria na maka mahala i kupo hateka ge ne ria na tahuna ri rihi e Kristo. A mahala nga ri dagi hateka, si keri ni matakilala.

Pilipai 4:19

A vuhuna mu rihi e Isu Kristo, a Vure nau ge vakatahoka mua na maki lobo mu bala vona, ge ramai a mahala vona na hunu, i kupo hateka.

Kolosi 1:27

Na ningaru vona kunana, a Vure i puka talea a niluhoi kapiloho vona ne ria. I ngaru ri gi lohoka vona a niluhoi kapiloho. Ra niluhoi kapiloho vona i kamumu hateka, i habi a nipara dagi ne huriki i uka ma ria a Iuda. A niluhoi kapiloho i maea: a Vure i ngaru e Kristo ge made pololilo ne mua e huriki i uka ma mua a Iuda. Ngane mu malamala bara mu pasimata vona a Vure ge bole dili mua na hunu.

Kolosi 2:2

A leho hateka ni tuhori mua mu gu pesi tora palupu, mu gu vangaru. A leho hateka ni tuhori a niluhoi ne mua, mu gu lohoka vona a nita kapiloho na Vure. E Kristo kunana ia a vuhuna a nita kapiloho iea.

1 Timoti 1:16

Iau a bakovi hale hateka. Pali e Isu Kristo i dodo iau ge vakasiri a naro muholi vona ni hatenono na rabu hale ne huriki. Lakea e huriki ranga bara ri masia, ri luhoi torea, ri bole a nimahuri vakaroro.

1 Timoti 6:17

O taki e huriki ri tahoka a mahala i kupo, nahea ri gi bibi rike mule ria. A mahala na malala bara i lobo vakaturutu, lakea nahea ri gi luhoi ge kori ria. Ri gi luhoi kunanea a Vure, a vuhuna a Vure i hatebalala. I habi ne hita a maki lobo si gi pitei vona.

1 Petrus 3:20

Ri made vonga, a vuhuna hosi i uka ma ri longo mai a ngavane Noa, na tahuna a Vure i tabana ni hatenono, na tahuna e Noa i kisi a aga rungu vona. E huriki ala popote kunana ri dili na agarungu iea. A bakovi a ngatavine ala polotolu kunana a Vure i korimule ria na marungulolo vona.

2 Petrus 1:11

Mu ramai a maka naro nga, muri a Vure bara i vivi hateka ni tagui mua na tahuna mu dili na harikianga ne Isu Kristo, a Bakovi Dagi ne hita, a Viri i Korimule hita. A harikianga vona i uka nilobona.

2 Petrus 3:15

Mu luhoia: ra hini a Bakovi Dagi a mari ni hatenono, i rata mavonga, a vuhuna i ngaru ni korimule hita. E turane hita, e Paulus, ia tara i here mavonga, a vuhuna a Vure i habi a lohokanga vona.

2 Petrus 3:3

A ngava iea i maea: Muga na nilobona parava, a ngava e Isu Kristo ge hamule valai, bara ni nongo vaki. E huriki bara ri ramai kunana a ningaru hale na kakaine ria.

2 Petrus 3:9

E huriki ranga ri takia a Vure, ta i leho kemi kemi hateka ni rata a maki i ta muholi vona ge ratea. Pali i uka ma i mavonga. Ia a mari ni hatenono. I marikoi vona tara viri ge velu. I ngaru e huriki lobo ri gi pulo a vilone ria.

Kapiloho 2:21

A habi a parava ranga ge pulo a vilona, pali i koi ni pulo a vilona, a vuhuna i ngaru hateka a naro hale vona ni ngoi.

Kapiloho 3:20

Mu longo! A pesi na logo, a tutulidi. E rei a viri i longo a lohogu, i talea a logo, iau bara dili, a kani turana.