A Raukea e Paulus i Here Lakea ne Huriki a Rom 2:13 - A Nitana Vure

¹³ I kamumu a Vure i rata mavonga, a vuhuna a viri i malamala na matana Vure i uka ma ia a viri i lohoka kunana na Vinara na Vure. A viri i malamala na matana Vure a viri i longototo vakaroro a Vinara lobo a Vure i habi ne Moses.

A Raukea e Paulus i Here Lakea ne Huriki a Rom 2:13 Iomraidhean Croise

Lukas 18:14

“A taki mua, a Vure i puga vuroki a naro hale na bakovi ni bole a takis, pali a Pariseo iea, i uka ma i puga vuroki a naro hale vona, a vuhuna e rei a viri i bibi rike mule ia, a Vure bara i vakakirokoa. Pali e rei a viri i vakakiroko mule ia, a Vure bara i kavurikea.”

Lukas 8:21

E Isu i koli i ta maea, “E nana, e turagu mai re huriki ri longo a nitana Vure, ri muri mai a ngavana.”

Ioanes 13:17

Ngane mu lohoka vona a ngava nga. Mua bara mu longo mai, bara mu vivi.

Apostolo 13:39

A vinara ne Moses i uka ma i puga vuroki a naro hale legelege ne mua, ge rata mua mu malamala na matana Vure. Pali e rei a viri i luhoi torea e Isu, bara i puga vuroki a naro hale lobo vona, i ratea i malamala na matana Vure.

A Raukea e Paulus i Here Lakea ne Huriki a Rom 10:5

A ta mavonga, a vuhuna e Moses i here hosi, e rei a viri i ramai lobo a vinara, a Vure bara i takia a bakovi malamala, i habi a nimahuri vakaroro vona.

A Raukea e Paulus i Here Lakea ne Huriki a Rom 2:25

A bakovi ni pala a kulina, lakea i ramai lobo a Vinara na Vure, a hini ni pala a kulina vona bara i koria. Pali a bakovi ni pala a kulina, pali i longotaro a Vinara na Vure, i manga tabu a bakovi i uka ma ni pala a kulina.

A Raukea e Paulus i Here Lakea ne Huriki a Rom 3:20

I uka tara viri ge ramai a vinara lobo, lakea a Vure ge takia, ta ia a bakovi malamala. A leho na vinara, i rata hita si gi matakilaka vona a naro hale ne hita.

A Raukea e Paulus i Here Lakea ne Huriki a Rom 3:23

Hita lobo si rata pali a naro hale, si marava basi na bagetuanga na Vure.

A Raukea e Paulus i Here Lakea ne Huriki a Rom 3:30

a vuhuna a Vure i taku kunana. Ge ravunu vuroki a naro hale ne huriki a Iuda ri luhoi torea e Kristo. I mavonga, ge ravunu vuroki a naro hale ne huriki i uka ma ria a Iuda na tahuna ri luhoi torea e Kristo.

1 Korin 4:4

A luhoi kado pali a narogu, i uka ma a masia tara maki ga rare vona. Pali a naro iea i uka ma i rata iau ga malamala. E Bakovi Dagi kikeri ge pelekado a narogu.

Galesia 2:16

Pali ngane mi lohoka vona i uka tara viri ge ramai lobo a vinara na Vure, lakea a Vure ge galea a bakovi kamumu. A viri a Vure i galea a bakovi kamumu, ra viri i luhoi torea e Isu Kristo. I mavonga, mia ranga, mi luhoi torea e Isu Kristo, lakea a Vure i gale mia a bakovi kamumu. I uka ma mi gi ramai a vinara na Vure, lakea a Vure ge gale mia a bakovi kamumu, a vuhuna si keri ni ramai a vinara lobo vona, ge gale hita a bakovi kamumu.

Galesia 5:4

Mua e huriki mu ngaru ni ramai a vinara ne vona ni bele malamala, mu marava basi ne Kristo, mu pe pali a nidodo vona.

Vinara 4:1

E Moses i tababana ni vara, i ta maea, “O huriki a Israel, mu ramai a maka vinara a tovo mua vona, bara mu made kamumu, mu dili mu made vona a malala e BAKOVI DAGI a Vure ne huriki a gare ne mua i habia ne mua ngane.

Vinara 5:1

E Moses i gale palupu e huriki a bakovi a ngatavine ne Israel, ri valai palupu ri vapopo, i taki ria, “Mua o huriki a Israel, mu longo kamumu a maka vinara ga taki mua vona ngane, mu tovo mu ramai kamumu.

Vinara 6:3

Mua o huriki a Israel mu longo kamumu a vinara nga, mu ramai. Muri a maki lobo mu rata, bara ri bele kamumu kunana, mu bele kupo, mu made vona a malala i vona a maki ni kani. E BAKOVI DAGI a Vure ne huriki a gare ne hita i ta muholi vona a ngava iea.

Iakop 1:27

A naro i malamala na matana Vure, e Tamane hita, i maea: si gi kori e huriki a duku, e huriki a havuri, na tahuna ri bole a maregoa. A maki tara si gi ratea si gi matakari kamumu a nilaho ne hita, i uka ma si gi ramai a rabu na malala, ma si gi katoki na matana Vure.

1 Ioanes 2:29

E Kristo i malamala. I mavonga, e huriki ri ramai a naro malamala, ria e huriki a tuna Vure.

1 Ioanes 3:7

Mua e huriki e tugu, mu matadoko, ma ge tami mua a viri tara. E rei a viri i ramai a naro malamala, ia a bakovi malamala, i manga e Kristo.