A Raukea e Paulus i Here Lakea ne Huriki a Rom 2:10 - A Nitana Vure

¹⁰ Pali bara i vakabagetu, i kavurike, i habi a nivalemu ne huriki ri rata vakaroro a naro kamumu. Ne huriki a Iuda taro, muri ne huriki i uka ma ria a Iuda.

A Raukea e Paulus i Here Lakea ne Huriki a Rom 2:10 Iomraidhean Croise

Ni Gi 6:26

E BAKOVI DAGI ge hate kamumu ne mua, ge habi a nivalemu ne mua.’

Mateo 10:13

A tahona ruma ge rata kamumu mua, mu nanea a Vure ge rata kamumua. Pali a tahona ruma i uka ma ge rata kamumu mua, a Vure i uka ma ge rata kamumua.

Lukas 1:79

Bara i vakapalala e huriki ri made na uvo, e huriki ri made na maniru na matenga. Bara i vakasiri hita na dala bara si laho vona, bara si tahoka a nivalemu.”

Lukas 12:37

Na tahuna i hamule valai, bara i rata kamumu e huriki a vora vona i uka ma ri mahita. A taki muholi mua, ra bakovi dagi iea bara i bagetu i taki ria ri made na dede, i vakani ria.

Lukas 19:42

i ta maea, “Mua o huriki a bakovi o Ierusalem, bara mu lohoka nau, bara mu made na nivalemu. Pali i uka ma mu matakilala iau.

Lukas 22:14

Ngane ta ri gi kani, lakea e Isu turane huriki a apostolo vona ri vano, ri made haluia a dede.

Lukas 9:48

Muri i taki ria, i ta maea, “E rei a viri i taguia a koma kiroko maea na ragu, i tagui iau. E rei a viri i tagui iau, i taguia ra viri i rudu iau a valai. E rei a viri a bakovi tavula ne mua lobo, ia kunana a viri bara i muga ne mua.”

Ioanes 12:26

E huriki ri ngaru ge ria a vora nau, ri gi muri nau. Lakea bara ri made turagu na hini ga made vona. E Tata bara i kavurike e huriki ri rata a leho nau.”

Ioanes 14:27

Iau a habi a nivalemu ne mua. A nivalemu nau a habi ne mua. I uka ma a habi a nivalemu ne mua ge manga e huriki na malala ri habi. Naha ni loho lege lae, naha ni mangenge.

Ioanes 16:33

“A taki mua vona a maka ngava nga, lakea na tahuna mu made turagu, bara mu tahoka a nivalemu. Na tahuna mu made na malala bara mu bole a nimadihi. Pali mu tuhaka! A rangi pali a nitora na malala.”

Apostolo 10:35

Na tanga lobo, e rei a viri i togoa a Vure, i rata a naro kamumu, a Vure bara i ngarua.

A Raukea e Paulus i Here Lakea ne Huriki a Rom 14:17

A pelegona a harikianga na Vure, i uka ma a vinara na maki ni kani, a maki ni ninu. A pelegona a harikianga na Vure i maea, si gi laho malamala, si gi made na nivalemu, si gi vivi na nivivi na Hanu Kiripiripi.

A Raukea e Paulus i Here Lakea ne Huriki a Rom 15:13

A Vure a viri i rata mua mu pasimata vona ge rata a maki lobo i taki ge rata. Ge habi ne mua a nivivi, a nivalemu na tahuna mu luhoi tora ia. I mavonga, a Hanu Kiripiripi ge rata mua mu gu pasimata hateka.

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

A Raukea e Paulus i Here Lakea ne Huriki a Rom 2:9

Bara i habi a nimadihi dagi ne huriki ri rata vakaroro a rabu hale, bara ri loho gori lae. Bara i bele taro ne huriki a Iuda, muri bara i bele ne huriki i uka ma ria a Iuda.

A Raukea e Paulus i Here Lakea ne Huriki a Rom 5:1

Ngane si made na nivalemu turana Vure na dala e Isu Kristo i kado purua ne hita, a vuhuna a Vure i taki hita si malamala na tahuna si luhoi torea a Bakovi Dagi e Isu Kristo.

A Raukea e Paulus i Here Lakea ne Huriki a Rom 8:6

E huriki ri luhoi kunana a ningaru hale na kakaine ria bara ri vurua. Pali e huriki ri luhoi kunana a ningaru na Hanuna Vure bara ri bole a nimahuri vakaroro, ri made na nivalemu.

A Raukea e Paulus i Here Lakea ne Huriki a Rom 9:21

A mari ni pipi a ulo i pipi na ningaru vona a ulo. Bara i bole a taka, i pipi na ningaru vona a ulo i rua. A ulo tara ni tahoni a maki kamumu vona. A ulo tara ni tahoni a maki katoki vona.

A Raukea e Paulus i Here Lakea ne Huriki a Rom 9:23

I rata mavonga, ge vakasiri a nidodo dagi vona ne huriki i vulaki puru ria hosi, ri gi made turana na bagetua dagi na hunu,

Galesia 5:22

Pali a kanena Hanu Kiripiripi, a naro kamumu nga: a naro na nivangaru, a nivivi, a nivalemu, a naro ni hatenono, a naro ni rata kamumu e huriki, a naro ni hate balala, a naro ni ta muholi,

Galesia 5:6

A viri i rihi e Kristo, ra hini ni pala a kulina o i uka, a maki tavula. A maki dagi, ge luhoi torea e Kristo, ge tahoka a naro na nivangaru.

Pilipai 4:7

Lakea a nivalemu na Vure, ge matakari a hatene mua, a niluhoi ne mua, a vuhuna mu rihi e Isu Kristo. A nivalemu iea i kamumu hateka, si keri ni lohoka lobo vona, i uka harena.

1 Timoti 1:17

Si gi togoa a Vure, si gi kavurikea na parava vakaroro, a vuhuna ia a Hariki Vakaroro. I uka ma ge mate. Si keri ni masia. Ia kunana a Vure Muholi. I muholi.

Hibru 2:7

O ru ia ge polotano taro ne huriki a agelo. O ru langa ia, o vakabagetua a rana,

Iakop 2:22

O luhoi kamumu: a niluhoi, a narone Abraham, ru leho palupu. A naro kamumu vona i ratea a niluhoi vona i kamumu liu.

Iakop 3:13

E rei ne mua i luhoi ta i moro, i tahoka a lohokanga, ge vakasiria na nimade kamumu vona, na maka rabu kamumu vona i rata na lohokanga. Pali nahea ge bibi rike mule a rana. Ge vakakiroko ia.

1 Petrus 1:7

Mu gu bole taro a nimadihi na nitoni legelege, ge vakasiri mu luhoi tora muholi. A gol a maki i uka ma ge tabuli vakaroro. Pali ia tara, ni toni na kanono. I mavonga, a niluhoi ne mua, ra i dagi hateka na gol, ni gi toni taro, ge tabuli tabaka. Na tahuna mu bole a nitoni, pali mu pesi tata ni luhoi tora, bara ni kavurike mua, bara ni vakabagetu mua, bara ni togo mua na tahuna e Isu Kristo i bele kavakava.

1 Petrus 5:4

Muri, na tahuna a Matakari dagi i bele, bara i habi ne mua a mapa kamumu ge tabuli vakaroro.