A Raukea e Paulus i Here Lakea ne Huriki a Rom 16:1 - A Nitana Vure

¹ E kurabane hita tara, a rana e Pibi, i popote bara i bele ne mua. Ia a ngatavine kamumu, a vora na lotu o Senkria.

A Raukea e Paulus i Here Lakea ne Huriki a Rom 16:1 Iomraidhean Croise

Mateo 12:50

A viri i muri mai a ningaru ne Tata na hunu, ia e turagu, e kurabagu, e nana.”

Markus 10:30

bara ri bole balaka kupo tabu koea na malala. Bara ri bole a maka tanga i kupo, e turane ria i kupo, e kurabane ria i kupo, e kinane ria i kupo, e tune ria i kupo, a hania ne ria i kupo. A maka nimadihi ranga bara ri bole i kupo. Pali na tahuna muri ma, bara ri bole a nimahuri vakaroro.

Lukas 8:3

e Ioana e girihine Kusa, re Kusa i matakari a ruma ne Herod, e Susana, turana e huriki a ngatavine ranga. E huriki a ngatavine nga ri habi bala a maki ne ria ni tuhoria e Isu.

Apostolo 18:18

E Paulus i made vonga o Korin na parava ranga. Muri i pe e huriki a kabukabu vonga, i lakea o Senkria turana e Prisila, e Akuila. I ali vuroki vonga a vuna, a vuhuna i rata pali a maki tara i ta muholi vona na Vure ge ratea. Muri to rike na aga, to lakea na tabeke ne Siria.

2 Korin 3:1

Ra mua, mu luhoi a bibi rike mule a ragu? Mu luhoi ga manga e huriki a mari ni tovo ranga, ga ngarua tara bakovi ge here tara raukea, ge bibi rike iau, mu gu ngaru iau? Mu luhoi ga ngaru mua mu gu herea tara raukea maea? I uka liu!

1 Timoti 5:2

O rata kamumu e huriki a gare ngatavine ge manga a hini o rata kamumu e kinamu. E huriki a sirula ranga o rata kamumu ria, ge manga a hini o rata kamumu e kurabamu.

Pilemon 1:2

Miri here tabu lakea na tara na Vure ri vapopo na ruma vomu, e kurabane hita e Apia, turana e Arkipus i leho turane maria na leho na Vure.

Iakop 2:15

Bara e turane hita tara i ramai e Kristo i tahoka a matutuna varakia, i bala a maki ni kani,