A Raukea e Paulus i Here Lakea ne Huriki a Rom 15:8 - A Nitana Vure

⁸ E Kristo i valai ni kori mia e huriki a Iuda, ge vakasiri a Vure i ta muholi na tahuna i rata a ngava dagi turana e huriki a gare ne mia hosi.

A Raukea e Paulus i Here Lakea ne Huriki a Rom 15:8 Iomraidhean Croise

Mateo 15:24

Pali e Isu i koli, i ta maea, “A Vure i rudu valai iau ga kori kunana a kabu ne Israel, ri manga a maka sipsip ri velu.”

Mateo 20:28

ge manga a Tuna Bakovi. Ra Tuna Bakovi, i valai i uka ma ge vakavora e huriki. I valai ge ia a vora ne huriki, ge mate, ge kona­mule e huriki ala kupo.”

Ioanes 1:11

I luve ne huriki a viri vona, pali i uka ma ri taguia.

Ioanes 10:16

Iau a tahoka tabu ranga sipsip i uka ma ri dili ma na nure. Ria ranga ga bole dili ria na nure, ri gi longokilalea a lohogu, ge taku kunana a kabuna sipsip. A matakari ne ria tara ge taku kunana.

Apostolo 13:46

Lakea e Paulus e Barnabas ru koli paga paga kunana, i uka ma ru mangenge, ru ta maea, “A Vure i ngaru maria miri gi vakalongo muga ne mua a nitana. Pali mu marikoi vona a nita iea. Mu vakasiri mua, i uka ma mua a viri kamumu ni bole a nimahuri vakaroro. Ngane miri gi matataro mua, miri gi lakea ne huriki i uka ma ria a Iuda.

A Raukea e Paulus i Here Lakea ne Huriki a Rom 11:22

Ngane mu matakilaka vona a narona Vure. I habi a nimadihi ne huriki ri lohopilea. I rata kamumu hateka mua e huriki mu luhoi tora ia. Pali mua bara mu lobo ni luhoi torea a naro kamumu vona, mua ranga, bara i puri vuroki mua.

A Raukea e Paulus i Here Lakea ne Huriki a Rom 11:30

Hosi mu longotaroa a Vure. Pali ngane a Vure i dodo mua a vuhuna e huriki a Israel ri longotaroa.

A Raukea e Paulus i Here Lakea ne Huriki a Rom 15:16

i rata iau ge iau a vora ne Isu Kristo. I rata iau a manga a prister ne huriki i uka ma ria a Iuda, a vakalongo ria vona a Velenga Kamumu na Vure. I mavonga e huriki i uka ma ria a Iuda bara ri manga a nihabi, a Hanu Kiripiripi i habi liu lakea na Vure, a Vure ge vivi.

A Raukea e Paulus i Here Lakea ne Huriki a Rom 3:26

I rata mavonga, na tahuna mona si gi matakilaka vona, ia i malamala. A Vure i rata e huriki lobo ri luhoi torea e Isu ri gi malamala.

A Raukea e Paulus i Here Lakea ne Huriki a Rom 3:3

I muholi, e huriki a gare ne hita hosi, e huriki ranga i uka ma ri longo mai a nitana Vure. I mavonga, ge navai? A Vure tara, i uka ma ge ramai a nitana?

A Raukea e Paulus i Here Lakea ne Huriki a Rom 4:16

I mavonga, e huriki ri bole a maki a Vure i ta muholi vona na tahuna ri luhoi tora ia. I bele mavonga, a Vure ge habi tavula ne huriki a maki i ta muholi vona. I mavonga e huriki e tune Abraham bara ri bolea. I uka ma a maki ne huriki a Iuda ri ramai a vinara kunana ri gi bole. A maki bara i bole e huriki lobo ri luhoi torea a Vure i manga e Abraham, a gare ne hita lobo.

1 Korin 1:12

Ri taki ta i ranga ne mua mu ta maea, “Iau a muri ne Paulus.” I ranga mu ta maea, “Iau a muri ne Apolos.” I ranga mu ta maea, “Iau a muri ne Sipas.” I ranga mu ta maea, “Iau a muri ne Kristo.”

1 Korin 10:19

I uka ma a taki a vure ranga a maki muholi. I uka ma a taki a kania ni habi ne ria a maki muholi.

1 Korin 10:29

A ta maea, i uka ma go kori a niluhoi vomu. A ta maea, go kori a niluhoi na viri i taki ioe vona a kania nga i valai na roho na vure tebi. A viri tara bara i ta maea, “I navai a ningaru nau ni gi pupukari na niluhoi na bakovi tara?

1 Korin 15:50

Mua e huriki a turagu, a taki mua, a kakaine hita na malala, i uka ma ge dili na harikianga na Vure. A kakaine hita, ra i mate kilala, i uka ma ge dili na harikianga na Vure, ra i tabuli vakaroro.

2 Korin 1:20

A maki lobo a Vure i ta muholi vona ri bele muholi ne Isu. I mavonga si gi kavurike poloa ne Isu a Vure, si taki i muholi si kavurikea.

Epesus 2:12

A ngaru mu gu longo visi tabu a hini, hosi i uka ma mu lohoka ne Kristo. I uka ma mu dili na tara ne huriki a Israel. I uka ma mu lohoka na ngava dagi a Vure i ta muholi ne huriki a Israel vona. Mu made na malala, i uka tara maki mu gu pasimata vona. I uka ma mu made turana Vure.