A Raukea e Paulus i Here Lakea ne Huriki a Rom 15:3 - A Nitana Vure

³ E Kristo tara i uka ma i rata kunana a maki ge vivi vona. A maki i ratea i muri mai a ngava ni here puru hosi, i maea, “Na tahuna e huriki ri ratapile ioe na ngava, i manga iau tara, ri ratapile iau.”

A Raukea e Paulus i Here Lakea ne Huriki a Rom 15:3 Iomraidhean Croise

Mateo 26:39

I laho lokovonga popote i tabuli ngala­tudu, i vasileki, “O Tata, ioe bara o ngaru, o bole vurokia nau a nimadihi dagi iea ta ge valai. Pali naha ni ramai a ningaru nau. O ramai kunana a ningaru vomu.”

Mateo 26:42

Lakea i vano i vasileki tabu, i ta maea, “O Tata, ra nimadihi iea, o masia i uka ma ge polo tavula, bara kalohoa. A ningaru vomu.”

Mateo 27:44

Ra bakovi ala rua ni paditata turana, rua ranga, ru harogi pilea e Isu.

Ioanes 15:10

Mua bara mu longototo a ngavagu, bara ngaru mua, i manga kunana a longototo a ngavane Tata, lakea i ngaru iau.

Ioanes 15:24

Iau a made turane ria, a rata a maka maki nga i uka tara viri ge rata ma. Iau i uka ma ga rata a maka leho nga, bara ri uka rarenga vona a naro hale ne ria. Pali ngane ri matai a maka nivakasiri nga, ri tabana ni marikoi maria e Tata.

Ioanes 4:34

Pali e Isu i taki ria, i ta maea, “A Vure i rudu iau a valai. A ngaru ni muri mai a ningaru vona, a ngaru ni vakalobo a maka leho vona. A rabu iea i manga a maki ni kani nau.”

Ioanes 5:30

“Iau a keri ni rata kikeri a maki. A pele­kado a viri, i muri mai kunana a ngava a longo ne Tata. A rabugu ni pele­kado i malamala a vuhuna i uka ma a muri mai a ningaru nau. A muri mai kunana a ningaru ne Tata, ra i rudu iau a valai.

Ioanes 6:38

a vuhuna iau a pe a hunu a puru valai. Iau i uka ma a muri mai a ningaru nau. A muri mai a ningaru na viri i rudu iau a valai.

Ioanes 8:29

A viri i rudu iau a valai i made turagu, i uka ma i pe iau, a vuhuna a rata vakaroro a maki ge vivi vona.”

2 Korin 8:9

Mu lohoka vona a naro kamumu ne Isu Kristo a Bakovi Dagi ne hita. Muga ia a bakovi na mahala, i tahoka a maki lobo. Pali i luhoi mua, i taparaki a maki lobo nga, i bele manga a matasia. I rata mavonga, mu gu bele manga a bakovi na mahala, a mahala lobo na Vure ge ne vone mua.

Pilipai 2:5

Pali a vilone mua ge manga a vilone Isu Kristo.

Pilipai 2:8

i vakakiroko ia, i longototoa a Vure, i vano i harena na tahuna i mate na kai tavalavala.