A tabuka i maroro, i popote ge maputu, i uka ma ge raputua. A lam i keri ni para, i poko kunana, i uka ma ge tutu matea. Bara i leho i vano i harena na tahuna e huriki ri matakilaka vona a dala ge korimule e huriki vona.
a vuhuna i uka ma i dili na hatena, i dili kunana na kavutuna, muri i pagitala na kakaina.” Na ngava iea kunana, e Isu i vakalongo e huriki vona a maki ni kani lobo i kamumu ni kani.
E rei a viri i vakaboru e huriki, bara i kamumu vona ni gi topi na lohona a kedo dagi, ni gi voro purua na utu, nahea ge vakaboru e huriki a bakovi tavula nga.
Ngane a Vure i vakasiri a dala ge korimule e huriki i uka ma ria a Iuda, a vuhuna i lohopile e huriki a Iuda. Pali muri ma, na tahuna a Vure ge korimule e huriki a Iuda, bara i manga i vakamahuri mule ria na matenga.
A viri i kani lobo a kania, nahea ge biu a viri i kani kunana a kobo. Pali a viri i kani kunana a kobo, nahea ge taki i hale a viri i kani a maki lobo, a vuhuna a Vure i bole dilia pali.
Si lohoka vona a maki nga, a Vure i uka ma ge pelekado hita vona. Pali si gi hatenono ne huriki ri mangenge ni kani, o ni rata a maki nga. Nahea si gi rihate ne ria. Nahea si gi ramai kunana a ningaru ne hita.
Na tahuna a made turane huriki i uka ma i tora hateka a niluhoi ne ria, a rata kunana a rabu ri luhoi ta i kamumu, ga bole dili ria. A made turana e huriki a bakovi navai, a bele manga ria, ga bole dili e huriki ranga na dala lobo.
Mua e huriki a turagu, mete ngaru mua mu gu taki tora e huriki ri laho tavula ri gi leho. Mu vakatora a niluhoi ne huriki ri mangenge. Mu tuhori e huriki ri uka a nitora. Mu hatenono vona e huriki lobo.