A Raukea e Paulus i Here Lakea ne Huriki a Rom 13:11 - A Nitana Vure

¹¹ Mu rata mavonga, a vuhuna mu lohoka vona a parava mona. A parava i valai pali ni leho tora, a vuhuna a parava i popote ge valai, e Kristo ge hamule valai, ge korimule hita. I muga, na tahuna si luhoi tora karabea e Kristo, a parava iea i tabukoi. Pali ngane i tabukoi hateka.

A Raukea e Paulus i Here Lakea ne Huriki a Rom 13:11 Iomraidhean Croise

Iona 1:6

A matakari na aga i valai, i vangoa, i ta maea, O mahita navai ke? O pesi rike, o vasileki na vure vomu, o takia ge matai hita, ge vakakori hita, ma si gi vurua.

Mateo 16:3

Pali na hatelanga, na tahuna a hunu i vururu, i hupi, mu lohoka vona bara i boru a vala. Mu matakilalea a hini, ge boru a vala, o ge kara a haro. Pali a maka maki iau a rata, i uka ma mu matakilala.

Lukas 21:28

Na tahuna a maka maki nga ri vakatubu ni bele, mu pesi rike, mu mata rike, a vuhuna a parava a Vure ge korimule mua i tabukoi pali!”

1 Korin 10:11

A vuranga nga ri bele, ge vakasiri e huriki nga i uka ma ri gi rata a naro hale. Ni here puru na hinere, ge tovo hita, ra si made pali na nilobona parava.

1 Korin 15:34

Mu bole mule a niluhoi kamumu ne mua, mu lobo ni rata a naro hale. I tahoka e huriki ranga i uka ma ri lohoka na Vure. A ta maea, mu gu maruhu.

Epesus 5:14

a vuhuna a nipara i rata a maki lobo i bele kavakava. Ni here hosi i maea, “Ioe a viri o mahita, o hadongo o pesi rike mule na matenga, lakea e Kristo bara i parai ioe.”

Iakop 5:8

Mua ranga mu hatenono, mu pesi tora na maka maregoa ne mua, a vuhuna e Bakovi Dagi i popote ge hamule valai.

1 Petrus 4:7

A malala i tabukoi ge lobo, i mavonga, mu matakari kamumu a ningaru ne mua, mu matadoko, mu gu kara ni vasileki.

2 Petrus 3:11

Mu luhoi kamumu. A Vure ge ratapile a maki lobo na naro iea. I mavonga, i vai a naro kamumu mu gu ratea? Mu laho na naro mala­mala, a naro na Vure.

2 Petrus 3:9

E huriki ranga ri takia a Vure, ta i leho kemi kemi hateka ni rata a maki i ta muholi vona ge ratea. Pali i uka ma i mavonga. Ia a mari ni hatenono. I marikoi vona tara viri ge velu. I ngaru e huriki lobo ri gi pulo a vilone ria.

1 Ioanes 2:18

Mua e huriki e tugu, ngane a nilobo­na parava i tabukoi. Mu longo pali vona a pile ne Kristo ge valai na nilobona parava. Mona e huriki a pile ne Kristo ala kupo ri bele pali. I mavonga, ngane si lohoka vona, a nilobona parava i tabukoi.

Kapiloho 1:3

E rei a viri ge gi tala a ngava na nita propet iea, ge vivi. E huriki ri longoa, ri longototo a ngava nga ni here, ria ranga ri gi vivi, a vuhuna a parava i valai tabukoi pali.

Kapiloho 22:10

Muri i taki iau, “Naha ni ruhulolo a nita propet na buk iea, a vuhuna a parava i popote ge valai.

Kapiloho 22:12

E Isu i ta maea, “Mu longo! Ga valai malaviriri, ga habi ne huriki lobo a mapane ria, i ramai a narone ria.

Kapiloho 22:20

A viri i ta muholi na ngava nga i ta maea, “I muholi, iau ga valai malaviriri.” I muholi. O Isu, a Bakovi Dagi, o valai!