A Raukea e Paulus i Here Lakea ne Huriki a Rom 13:1 - A Nitana Vure

¹ Si gi longototo e huriki a mata­kari na tanga, a vuhuna a Vure kunana a viri i habi a leho ne ria. Ia kunana a viri i ru e huriki a bakovi ri gi matakari hita.

A Raukea e Paulus i Here Lakea ne Huriki a Rom 13:1 Iomraidhean Croise

Mateo 6:13

Naha ni tuli mia mi gi dili na nitoni. O korimule mia na bakovi hale.’

Ioanes 19:11

E Isu i koli, i ta maea, “A Vure a viri i habi a nitora vomu. Ia i uka ma ge habia vomu a nitora iea, i uka ma go tahoka a nitora ni rabalaki iau. Pali a viri i habi iau na limamu, a naro hale vona i dagi hateka na naro hale vomu.”

Apostolo 2:41

E huriki ala kupo ri ngarua a nitane Petrus, lakea ni vahilolo. Na parava iea kunana e huriki ala 3,000 ri dili turane ria.

A Raukea e Paulus i Here Lakea ne Huriki a Rom 12:21

Nahea a naro hale na pile vomu ge rangi ioe, go koli. O rangi a naro hale vona na naro kamumu vomu.

A Raukea e Paulus i Here Lakea ne Huriki a Rom 13:2

I mavonga, e huriki ri longotaro a ngavane huriki a matakari na tanga, ri longotaro a viri a Vure i habi a leho ni matakari, lakea bara ni vakamadihi ria.

Epesus 5:21

mu valongototo, a vuhuna mu mangenge ne Kristo.

Vinara 17:12

A bakovi tara i uka ma i longo mai a nitana mari ni longona a maregoa o a ngava na prister i rata a leho na matane BAKOVI DAGI, mu rabalakia a bakovi iea ge mate. I mavonga kunana bara mu bole vurokia a naro hale iea ne huriki a Israel.

1 Timoti 2:2

E huriki a hariki, e huriki a bakovi dagi, ria ranga mu vasileki mavonga ne ria, ri gi matakari kamumu hita, si gi made madoru na nivalemu, si gi muri mai a Vure, si gi togo e huriki na maki lobo si rata.

Titus 3:1

O vakalohoka e huriki iene ri gi longototo kamumu e huriki a hariki, a bakovi dagi. Ri gi rata vakaroro a naro kamumu.

Iuda 1:8

Pali e huriki nga, ri made turane mua, i uka ma ri mangenge. Ria ranga ri luhoi hateka a maki ri vurena vona, ri katoki na naro na molenga, ri longotaro e huriki a matakari, ri harogi pile e huriki a agelo ri tahoka a nipara dagi.

Kapiloho 1:5

E Isu Kristo, ra viri i vakalongo hita na maki lobo a Vure i takia ge taki ne hita, ra viri i mahuri mule na matenga muga ne hita lobo, ra matakari ne huriki a matakari lobo na malala, ia tara ge rata kamumu mua, ge habi a nivalemu ne mua. I ngaru hateka hita. Na darana i vakamatukapaga hita na naro hale ne hita.

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 19:16

Ni here na varakia, na lebona a rana tara, ra i maea, ‘A Hariki ne huriki a hariki, a Bakovi Dagi ne huriki a bakovi dagi.’