A Raukea e Paulus i Here Lakea ne Huriki a Rom 12:6 - A Nitana Vure

⁶ A Vure i rata kamumu hita, i habi ne hita takutaku a leho legelege. A ra leho i habi ne hita takutaku, si gi rata. A viri a Vure i habi a ngava vona, ge taki polo ne huriki ranga, ge muri mai a hini i luhoi torea a Vure, i dagi o i kiroko.

A Raukea e Paulus i Here Lakea ne Huriki a Rom 12:6 Iomraidhean Croise

Mateo 23:34

I mavonga, ga rudu lakea ne mua e huriki a propet, e huriki a bakovi na lohokanga, e huriki a mari na vinara na lotu. Bara mu rabalaki ranga, mu paditata na kai tavalavala ranga. Bara mu lagu pololilo na roho na vaponga ranga, pali e huriki ranga bara mu lili lae ria na maka tanga.

Mateo 25:22

“A vora i bole a moni i 2,000, ia tara i valai, i ta maea, ‘Bakovi dagi, ra moni i 2,000 o habi nau, a vakabele tabu a moni i 2,000.’

Lukas 11:49

I mavonga, a lohokanga na Vure i ta maea, ‘Iau ga rudu lakea ne ria e huriki a propet, a apostolo, lakea bara ri rata tuhare ranga, ri rabalaki ranga.’

Apostolo 13:1

I tahoka e huriki a tara ne Kristo ri made o Antiok. A bakovi ala lima ne ria a propet, a mari ni tovo. A rane ria ra nga: E Barnabas, e Simion a rana kalale vona e Kuli Kato, e Lusius o Sirene, e Manaen re turane Herod a hariki, e Saulus.

Apostolo 15:32

E Iudas e Sailas, rua a propet. Ru vakatora a niluhoi ne ria na ngava.

Apostolo 2:17

‘A Vure i ta maea, na nilobona parava ga habi ne huriki lobo a Hanugu. E huriki e tune mua a bakovi a ngatavine bara ri ta propet. E huriki a riau bara ri matai a maki na vurene ria. E huriki a gare bara ri vurena.

Apostolo 21:9

I tahoka e tuna a sirula ala va, ri rata a nita propet.

A Raukea e Paulus i Here Lakea ne Huriki a Rom 1:11

A ngaru hateka ni matai mua a vuhuna a ngaru ni habi tavula ne mua ranga maki ri valai na Hanuna Vure.

A Raukea e Paulus i Here Lakea ne Huriki a Rom 12:3

A Vure i rata kamumu iau, i rata iau a apostolo vona. I mavonga, a taki mua, nahea tara viri ge luhoi ta ia a bakovi dagi hateka. Mua lobo mu pelekado mule mua, mua a bakovi navai, i ramai a hini a Vure i habi ne mua takutaku a hini mu gu luhoi tora navia e Kristo.

1 Korin 12:18

Pali a kakaine hita i uka ma i mavonga. A Vure i rata a kakaine hita, i ru na tabekene ria takutaku a tabekena kakaine hita, na ningaru vona.

1 Korin 13:2

Iau bara ta na nita propet, a lohoka na lohokanga kapiloho lobo, a luhoi tora hateka, lakea a maka lolo ri gi malaga na murine ria, pali iau i uka ma a ngaru e huriki, iau a maki tavula.

1 Korin 14:1

Mu muri mai a naro ni vangaru. Mu ngaru hateka ni bole na Hanu Kiripiripi a nitora ni rata a leho legelege. A nitora mu gu ngaru hatekea, mu gu ta propet,

1 Korin 14:24

Pali e huriki lobo ri gi rata a nita propet, lakea a viri polovavo, o a viri i uka ma i luhoi torea e Kristo i dili, bara i longo a nita propet ne huriki, bara i padia a hatena.

1 Korin 14:29

A bakovi ala rua o ala tolu to go ta propet. E huriki ranga ri gi luhoi kado a ngavane tou.

1 Korin 3:5

E Apolos, ia e rei muholi? Pali iau, e Paulus, iau e rei muholi? Maria a vora kunana, e Bakovi Dagi i rudu maria miri gi vakalongo ne mua a Velenga Kamumu, lakea mu luhoi tora ia.

1 Korin 7:7

I kamumu e huriki lobo ri gi manga iau. Pali a Vure i vakabagetu hita takutaku na ningaru si gi ramaia.

2 Korin 8:12

Mua bara mu ngaru hateka ni habi a maki na Vure, mu habi ge ramai a ra maki mu tahoka, lakea a Vure bara i vivi vona a maki mu habi. A Vure i uka ma i ngaru mu gu habi a maki i uka ma mu tahoka. Mu habi kunana a maki mu tahoka.

Epesus 3:5

I uka ma ni vakasiri ne huriki hosi. Pali ngane ni vakasiri ne huriki a apostolo a propet na Vure, na nitora na Hanuna.

Epesus 4:11

Ia kunana a viri i rata e huriki ranga, ge ria a apostolo, e huriki ranga ge ria a propet, e huriki ranga ri gi vakalongo a Velenga Kamumu, e huriki ranga ri gi matakari e huriki a tara na Vure, e huriki ranga ri gi tovo.

Pilipai 3:15

Hita e huriki si moro pali na niluhoi torea e Kristo si gi luhoi maea. E rei ne mua mu luhoi tebi, a Vure bara i vakalohoka mua.

1 Tesalonika 5:20

Naha ni biu a ngavana viri i rata a nita propet.

2 Petrus 1:20

A maki dagi mu gu lohoka vona i maea: a pelegona nita propet na Hinere i uka ma i tavore na lohokanga na viri,