A Raukea e Paulus i Here Lakea ne Huriki a Rom 12:2 - A Nitana Vure

² Nahea mu gu laho manga a bakovi na malala. Mu takia a Vure ge pulo a niluhoi ne mua, mu gu lohoka vona a ningaru na Vure, lakea bara mu matakilaka vona a ningaru na Vure, a ra maki i kamumu, a ra maki i ngaru mu gu ratea.

A Raukea e Paulus i Here Lakea ne Huriki a Rom 12:2 Iomraidhean Croise

A Nimariu 23:2

Naha ni ramai e huriki ri rata a naro hale. Naha ni tuhori e huriki ri gi tami a mari ni pelekado a maregoa.

Mateo 13:22

“A vutuna vit i boru langa na barakau i manga a bakovi i longoa a ngava, pali i luhoi hateka a nimadena. A ningaru dagi vona ni bole a mahala i kupo i tamia. A niluhoi nga ru kavitagua a ngava muholi, i uka ma i vakabele a kanena.

Markus 4:19

pali a niluhoi legelege na nimade na malala, a nimasigoro na mahala, a ningaru na maki ranga ri valai ri kavitagu a ngava ni varo, lakea i uka ma ri vua.

Ioanes 14:30

I uka ma ga ta vilihui lokovonga, a vuhuna a matakari na malala ta ge valai ngane. Pali i uka nitora ge ratea nau.

Ioanes 15:19

Bara i mua a bakovi na malala, e huriki a bakovi na malala bara ri ngaru mua, a vuhuna mua a tara ne ria. Pali mua, i uka ma mua a bakovi na malala. A vulaki tala mua ne huriki a bakovi na malala lakea ri marikoi ne mua.

Ioanes 17:14

A habi ne ria a ngava vomu, lakea e huriki a bakovi a ngatavine na malala ri marikoi ne ria, a vuhuna i uka ma ria a viri na malala, i manga iau tara i uka ma iau a viri na malala.

Ioanes 7:7

E huriki a bakovi a ngatavine na malala ri ngaru mua, pali ri marikoi iau a vuhuna a taki tala a rabu hale ne ria.

A Raukea e Paulus i Here Lakea ne Huriki a Rom 12:1

I mavonga, mua e huriki a turagu, a ngaru mu gu habi mule mua na Vure, ge manga a nihabi mahuri, a vuhuna a Vure i dodo hateka mua. Mu habi mule mua na Vure ge manga a nihabi malamala a Vure ge vivi vona. I kamumu mu gu rata mavonga, a vuhuna a Vure i kori hateka mua.

A Raukea e Paulus i Here Lakea ne Huriki a Rom 13:14

Naha ni longototo a ningaru hale na kakaine mua. Mu rihi e Isu Kristo, a Bakovi Dagi ne hita.

A Raukea e Paulus i Here Lakea ne Huriki a Rom 7:12

I mavonga, a vinara i malamala. A Vinara na Vure i ravulu ri malamala, ri uka a hini hale ne ria, ri kamumu kunana.

A Raukea e Paulus i Here Lakea ne Huriki a Rom 7:14

Si lohoka vona a Vinara i valai na Vure. Pali iau a bakovi na malala, a manga a vorakato na ningaru hale na kakaigu.

A Raukea e Paulus i Here Lakea ne Huriki a Rom 7:22

A hategu i vivi vona a Vinara na Vure.

1 Korin 3:19

A lohokanga na malala, a niluhoi tavula na matana Vure, a vuhuna ni here maea, “E huriki ri luhoi ta ri lohoka hateka, a Vure bara i rata ria, a lohokanga ne ria bara i ratapile ria.”

2 Korin 4:4

A vure na malala i vakauvo a niluhoi ne huriki i uka ma ri luhoi torea e Kristo, i uka ma ri gi matai a nipara na Velenga Kamumu na bagetuanga ne Kristo, re Kristo ia a Vure.

2 Korin 5:17

Na tahuna a viri i rihi e Kristo, a Vure i ratarike karabea, i manga a viri karaba. A rabu hosi vona i lobo. Ngane i ramai a rabu karaba.

Galesia 1:4

E Kristo i muri mai a ningaru na Vure, re Tamane hita, i habi mule ia na Vure, i manga a nihabi na naro hale ne hita, ne vona ni korimule hita na naro hale na malala iea.

Epesus 1:18

A nanea ge rata mua mu gu longokilalea a nitana, lakea mu gu lohoka vona a maka mahala kamumu i bagetu hateka, i ngaru ni habi ne mua, lakea mu gu pasimata ni bole a maki nga, a vuhuna i gale mua ge mua e huriki a ngate vona.

Epesus 2:2

Mu rata muga a maka naro hale i manga e huriki a bakovi a ngatavine na malala. Mu longototoa a matakari ne huriki a hanitu meli na koropala. I tabana ni leho pololilo na hatene huriki ri longotaroa a Vure.

Epesus 5:17

Naha ni rata tavula. Mu matakilaka vona a ningaru ne Bakovi Dagi, mu ramai.

Kolosi 1:9

Na tahuna miri longo a nuverei ne mua, miri vasileki vakaroro ne mua. Miri nana vakaroro a Vure ge rata mua, mu gu gao na maki na Vure, ge habi a lohokanga ne mua, mu gu lohoka na ningaru vona.

Kolosi 3:10

mu bole pali a vilo karaba. Ra vilo karaba a Vure i ratarikea, i rata karabea vakaroro, ge manga a vilona, lakea bara mu lohoka muholi na Vure.

Kolosi 4:12

E Epapras ia a bakovi na tanga ne mua, a vora ne Isu Kristo, ia tara i talo mua. I vasileki hateka vakaroro ne mua mu gu pesi tora na ningaru lobo na Vure, mu gu gao ni ramai a Vure, mu gu longo mai a ngavana Vure.

1 Tesalonika 4:3

A Vure i ngaru mua mu gu malamala na matana. I mavonga, mu lelerau vona a maka naro na molenga.

Titus 3:5

lakea i korimule hita. I uka ma i hita a bakovi kamumu, a Vure i korimule hita. I uka. I korimule tavula hita, a vuhuna i dodo hita. I korimule hita na Hanu Kiripiripi, ra viri i vahilolo hita, i habi ne hita a nimahuri karaba, a naro karaba.

Iakop 1:27

A naro i malamala na matana Vure, e Tamane hita, i maea: si gi kori e huriki a duku, e huriki a havuri, na tahuna ri bole a maregoa. A maki tara si gi ratea si gi matakari kamumu a nilaho ne hita, i uka ma si gi ramai a rabu na malala, ma si gi katoki na matana Vure.

Iakop 4:4

Mu ha taroa a Vure i manga a ngatavine i ha taroa e girihina, i vano i ngoi viliha. Mu longo, mu lohoka vona, e huriki ri ngaru a vilo na malala, ria a pile na Vure. I mavonga, e rei a viri ne mua i ngaru ni ramai a naro na malala, ia a pile na Vure.

1 Petrus 1:14

Naha ni longototo a ningaru hosi na kakaine mua, ra mu ramai hosi na tahuna i uka ma mu lohoka, a vuhuna ngane mua e huriki a tuna Vure, mu longototoa.

1 Petrus 1:18

A Vure i konamule mua na maka naro tavulavula mu bole ne huriki a gare ne mua. I uka ma i konamule mua na mahala ge lobo, manga a silva o a gol.

1 Petrus 4:2

I uka ma ge ramai tabu a ningaru hale na kakaina. Bara i nunu muri mai kunana a ningaru na Vure.

2 Petrus 1:4

Na naro iea, i ta muholi ne hita ge kori hita na naro kamumu legelege, si gi ha taro a naro hale na ningaru hale na malala, si gi malamala manga ia.

2 Petrus 2:20

A viri i lohoka ne Isu Kristo, a Bakovi Dagi ne hita, a viri i korimule hita, lakea i matukapaga na naro katoki na malala, pali i hamule mai a naro katoki nga, i koro tabu ne ria, i uka ma i kamumu. Ngane a nimadena bara i hale hateka na nimadena muga.

1 Ioanes 3:13

Mua e huriki a turagu, naha ni turutu na tahuna e huriki na malala ri marikoi mua.

1 Ioanes 5:19

Hita e huriki a ngate na Vure. Pali e huriki ranga, a nitora ne Satan i matakari ria.

Kapiloho 12:9

Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.

Kapiloho 13:8

E huriki lobo na malala bara ri kavurikea e Livoa. Pali e huriki a rane ria ni here dili muga na nidoko na malala na buk na nimahuri na Sipsip, i uka ma ri gi kavurikea.