A Raukea e Paulus i Here Lakea ne Huriki a Rom 12:12 - A Nitana Vure

¹² Mu vivi, a vuhuna mu pasimata ne Kristo. Mu hatenono na tahuna mu bole a maregoa. Mu vasileki vakaroro.

A Raukea e Paulus i Here Lakea ne Huriki a Rom 12:12 Iomraidhean Croise

Mateo 5:12

Mu vivi hateka, a vuhuna a Vure ge kona dagi hateka mua meli na hunu. E huriki a propet hosi, ria ranga, e huriki ri vakamadihi ria, a vuhuna ri ramai iau.

Lukas 10:20

Pali naha ni vivi vona e huriki a hanitu ri longototo mua. A maki mu vivi vona, a rane mua ni here puru pali na hunu.”

Lukas 21:19

Mu pesi tata na niluhoi ne mua, bara mu bole a nimahuri.

Lukas 8:15

“A maka vutuna vit ri boru langa na malala kamumu ri manga e huriki a bakovi kamumu, a bakovi ni ta muholi. Ri longo a nitana Vure, ri ru na hatene ria, ri lohotata vona. Na tahuna ri lohotata na ngava, ri hatenono, bara ri vakabele a kanene ria i kupo.

Apostolo 1:14

Ri tahoka a niluhoi i taku. Ri vapopo vakaroro ri vasileki. E huriki a ngatavine, e Maria e kinane Isu, e huriki e tarine Isu, ria ranga ri bele, ri vasileki turane ria.

Apostolo 12:5

E Petrus i made na bavi, pali e huriki a tara ne Kristo ri vasileki na Vure na parava lobo, ge koria.

Apostolo 2:42

Na parava lobo e huriki a tara ne Kristo ri vapopo, ri habi a hatene ria ni vasileki, ni kani palupu, ni longo a nitovo ne huriki a apostolo.

Apostolo 6:4

Pali mia, mi gi habi a hatene mia ni vasileki, ni tovo ne huriki na nita na Vure.”

A Raukea e Paulus i Here Lakea ne Huriki a Rom 15:13

A Vure a viri i rata mua mu pasimata vona ge rata a maki lobo i taki ge rata. Ge habi ne mua a nivivi, a nivalemu na tahuna mu luhoi tora ia. I mavonga, a Hanu Kiripiripi ge rata mua mu gu pasimata hateka.

A Raukea e Paulus i Here Lakea ne Huriki a Rom 15:4

A ngava lobo ni here puru hosi, ni here ge tovo hita, si gi hatenono. Ri vakatora a niluhoi ne hita si gi pasimata na Vure ge rata a maki lobo i taki tora hita vona.

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

A Raukea e Paulus i Here Lakea ne Huriki a Rom 8:25

Pali a maki i uka ma i bele ma, bara si pasimata vona, si hatenono.

1 Korin 13:13

Ngane a maki i tolu i tabuli, ra a naro ni luhoi tora, a naro ni pasimata, a naro ni vangaru. Pali a viri dagi hateka, a naro na nivangaru.

2 Korin 12:8

Balaka tolu a nana torea e Bakovi Dagi ge bole vurokia a maregoa iea,

Pilipai 3:1

Mua e huriki a turagu, mu vivi ne Bakovi Dagi. A ngava iea i uka ma i vakapae iau ni here tabu lakene mua. Bara i kori mua.

Pilipai 4:4

Mu vivi vakaroro ne Bakovi Dagi. A taki tabu, mu vivi.

Kolosi 1:11

A Vure ge vakatora hateka mua na nitora dagi lobo vona, lakea i uka ma mu gu tuha malulu, mu gu hatenono,

Kolosi 1:27

Na ningaru vona kunana, a Vure i puka talea a niluhoi kapiloho vona ne ria. I ngaru ri gi lohoka vona a niluhoi kapiloho. Ra niluhoi kapiloho vona i kamumu hateka, i habi a nipara dagi ne huriki i uka ma ria a Iuda. A niluhoi kapiloho i maea: a Vure i ngaru e Kristo ge made pololilo ne mua e huriki i uka ma mua a Iuda. Ngane mu malamala bara mu pasimata vona a Vure ge bole dili mua na hunu.

Kolosi 4:12

E Epapras ia a bakovi na tanga ne mua, a vora ne Isu Kristo, ia tara i talo mua. I vasileki hateka vakaroro ne mua mu gu pesi tora na ningaru lobo na Vure, mu gu gao ni ramai a Vure, mu gu longo mai a ngavana Vure.

Kolosi 4:2

Mu vasileki vakaroro, naha ni malo. Na tahuna mu vasileki, mu matadoko, mu kavurikea a Vure.

1 Tesalonika 1:3

Na tahuna mete vasileki na Vure, e Tamane hita, mete luhoi mulea a leho kamumu mu ratea a vuhuna mu luhoi torea a Vure, a leho kamumu mu ratea a vuhuna mu ngaru e huriki. Mete luhoi mule tabu a hini mu hatenono na tahuna mu bole a nimadihi, a vuhuna mu pasimata ne Isu Kristo a Bakovi Dagi ne hita ge hamule valai.

1 Tesalonika 5:8

Pali hita e huriki a tara na haro. I mavonga, si gi matakari kamumu a nilaho ne hita, si gi luhoi torea a Vure, si gi vangaru. Na tahuna si rata mavonga, i manga si nugu a galeu, i matakari a ngalane hita. Si gi pasimata na Vure ge korimule hita. Na tahuna si rata mavonga, i manga si kube a hineva ge tora, i matakari a gine hita.

2 Tesalonika 1:4

I mavonga, mete bibi rike a rane mua na matane huriki a tara na Vure na tanga lobo, a vuhuna mu pesi tora na niluhoi ne mua, mu hatenono na tahuna e huriki ri vakamadihi mua, mu bole a maregoa.

2 Tesalonika 3:5

Mete ngarua e Bakovi Dagi ge habi a niluhoi ne mua, mu gu lohoka kamumu vona a Vure i ngaru hateka mua. Mete ngarua ge vakasiri mua ni hatenono na maregoa i manga e Kristo i hatenono.

1 Timoti 6:11

Pali ioe, a bakovi na Vure, o ha taro a maka naro hale nga. O toni a bulumu ni ramai a naro malamala, a naro na Vure. O toni a bulumu ni luhoi torea a Vure, ni ngaru e huriki, ni pesi tata, ni rata kamumu e huriki.

2 Timoti 3:10

Timoti, o lohoka vona a nitovo nau. O matai pali a narogu. O lohoka vona i navai a ratea a leho nau. O matai iau a luhoi torea e Kristo. O matai iau a hatenono na maka maregoa, a ngaru e huriki lobo, a pesi tora ni bole a nimadihi.

Titus 2:13

Si gi pasimata vona a parava ge valai, na tahuna e Isu Kristo a Vure Tuhaka ne hita, ra viri i korimule hita, ge vakasiri a nipara dagi vona.

Titus 3:7

I rata mavonga si gi pasimata ni bole a nimahuri vakaroro, a vuhuna i rata kamumu hita, i rata hita si malamala na matana.

Hibru 10:32

Mu luhoi mule tabu na tahuna hosi mu bole a ngava muholi na Vure. Na tahuna iea e huriki ri habi a maregoa dagi ne mua, mu bole a nimadihi i kupo. Pali mu pesi tora, mu rura kunana.

Hibru 10:36

Mu pesi tora, mu muri mai a ningaru na Vure. Muri bara mu bole a maka maki a Vure i ta muholi vona hosi ge habi ne mua.

Hibru 12:1

Re huriki a bakovi a ngatavine na Vure hosi nga, ri pesi halui hita. A tara dagi. Ri vakasiri pali hita na dala na ni luhoi torea a Vure. Ri matanono hita, ri ngaru si gi mulangi na nivarangi si nunu vona. I mavonga, si gi kinigao ni nunu kamumu. Si gi puga vuroki na nimadene hita a maka maki i vakamarego hita, a naro hale i nugu tata mule hita.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Hibru 5:7

Na tahuna e Isu i made manga a bakovi na malala, i vasileki na Vure, i nanea ge tuhori ia. I gale tala dagi turana luha, na Viri i tahoka a nitora ni korimule ia na matenga. A Vure i longoa a nivasileki, a ningaru vona, a vuhuna i vakakiroko mule ia, i longototoa a Vure.

Hibru 6:12

Naha ni malai. Mu muri mai a narone huriki ri luhoi tora, ri hatenono, ri bole a maki i ta muholi muga vona a Vure ge habi ne huriki e tuna.

Hibru 6:15

Lakea e Abraham i dava, i hatenono. Muri i bele a maki a Vure i ta muholi vona ge bele.

Iakop 5:7

Mua e huriki a turagu, mu hatenono ge harena na tahuna e Bakovi Dagi ge hamule valai tabu. A bakovi i tahoka a hania i dava a maki ni kani ge moro na hania vona. I hatenono, i made madoru i dava a vala a haro ru gu rata taro a leho ne rua, muri bara i bole a maki ni kani.

1 Petrus 4:13

Na tahuna ri bele, mu vivi, a vuhuna mu bole a maregoa i manga e Kristo i bole a maregoa. Muri bara mu vivi hateka na tahuna a bagetuanga vona i bele kavakava.

1 Petrus 4:7

A malala i tabukoi ge lobo, i mavonga, mu matakari kamumu a ningaru ne mua, mu matadoko, mu gu kara ni vasileki.

2 Petrus 1:6

A lohokanga, mu vakatorea na naro ni pahadanu a ningaru hale na kakaine mua. A naro iea, mu vakatorea na naro na ni hatenono na maregoa. A naro iea, mu vakatorea ni rata a naro na Vure.

Kapiloho 13:10

E huriki ni gi lakavu, bara ni lakavu ria. E huriki ni gi rabalaki na bainat, bara ri mate na bainat. I mavonga, e huriki a tara na Vure ri gi hatenono, ri gi luhoi torea a Vure.