A Raukea e Paulus i Here Lakea ne Huriki a Rom 12:10 - A Nitana Vure

¹⁰ Mu vangaru ge manga a kabu i taku ri vangaru. Mu varangi ni vatogo.

A Raukea e Paulus i Here Lakea ne Huriki a Rom 12:10 Iomraidhean Croise

A Vuhuna 13:9

Masia, a malala dagi i tabana, pali ngane tu gu vapida. Ioe bara o ngaru ni lakea na nirikena haro, iau bara lakea na nirolona haro. Pali ioe bara o lakea na nirolona haro, iau bara lakea na nirikena haro.”

Mateo 20:26

Pali mua, i uka ma mu gu rata mavonga. E rei a viri i ngaru ge ia a viri dagi ne mua, ge leho manga a vora ne mua.

Lukas 14:10

Naha ni rata mavonga. Pali na tahuna ni taki ioe go lakea na habu tara, o vano o made na gula tavula. Na tahuna a tahona habu i matai ioe o made na gula tavula, bara i taki ioe, i ta maea, ‘Turagu, o valai, o made na gula kamumu.’ Muri e huriki vonga bara ri masia, ri togo ioe.

Ioanes 15:17

A vinara nau i maea: Mu vangaru!

Ioanes 17:21

Lakea a ngaru ria lobo ri gi pesi taku. O Tata, a ngaru ri gi rihi tarua i manga tu varihi. Na tahuna ri made turane tarua, e huriki na malala ri gi matakilala ioe kunana o rudu iau a valai.

Apostolo 4:32

E huriki a murimuri, a niluhoi ne ria i taku kunana. A mahala na viri, i uka ma i taki ge ne vona kunana. Ria lobo ri vaveru a mahala lobo ne ria.

A Raukea e Paulus i Here Lakea ne Huriki a Rom 13:7

Mu habi ne ria a maki ni taki mu gu habi ne ria. Mu habi a takis ne huriki ni taki ni gi habi a takis ne ria. Mu togo e huriki ni taki ni gi togo ria.

Galesia 5:13

Mua e huriki a turagu, a Vure i gale mua mu gu matukapaga na vinara. Naha ni luhoi mu matukapaga ne vona ni ramai a ningaru hale na kakaine mua. Pali mu vangaru, mu vakori.

Galesia 5:22

Pali a kanena Hanu Kiripiripi, a naro kamumu nga: a naro na nivangaru, a nivivi, a nivalemu, a naro ni hatenono, a naro ni rata kamumu e huriki, a naro ni hate balala, a naro ni ta muholi,

Galesia 5:6

A viri i rihi e Kristo, ra hini ni pala a kulina o i uka, a maki tavula. A maki dagi, ge luhoi torea e Kristo, ge tahoka a naro na nivangaru.

Pilipai 2:3

Naha ni luhoi mua kunana. Naha ni vakadagi a rane mua. Mu vakakiroko mua, mu rata manga e huriki lobo ri dagi ne mua.

Kolosi 1:4

a vuhuna miri longo mua mu luhoi hatekea e Isu Kristo, mu ngaru e huriki a tara na Vure.

1 Tesalonika 4:9

A ngava ni vangaru e huriki a turane hita, i uka ma mete ge here puru, a vuhuna a Vure i tovo mua pali vona a naro na nivangaru.

2 Tesalonika 1:3

Mua e huriki a turagu, i kamumu mete ge luhoi mua, mete ge kavurike vaka­roroa a Vure, a vuhuna a niluhoi ne mua i bele tora hateka, a rabu ni vangaru i bebele dagi ne mua.

Hibru 13:1

Mua o huriki a tara na Vure, mu vangaru.

1 Petrus 1:22

Naha ni tamilalu. Mu vangaru muholi na naro kiripiripi, i manga mua a maki tari, a vuhuna mu longo pali a ngava muholi, i rata a hanune mua i malamala pali.

1 Petrus 2:17

Mu togo e huriki lobo. Mu ngaru e huriki e turane hita. Mu mangenge na Vure. Mu togoa a hariki.

1 Petrus 5:5

Mua o huriki a riau, mu longototo e huriki a gare ne mua. Mu vakakiroko mua, mu vakori, a vuhuna a Hinere i ta maea, “E huriki ri bibi rike mule a rane ria, a Vure bara i gege ria. Pali e huriki ri vakakiroko ria, a Vure bara i rata kamumu ria.”

2 Petrus 1:7

A naro na Vure mu rata, mu vakatorea na naro ni ngaru e huriki a tara na Vure. A naro iea, mu vakatorea na naro na ni vangaru.

1 Ioanes 4:11

Mua e huriki a turagu, a Vure i ngaru hateka hita. I mavonga hita ranga, si gi vangaru.

1 Ioanes 4:20

E rei a viri i taki ta i ngarua a Vure, pali i mari koi e turana, ia i tatami. I uka ma i ngarua e turana, ra i masia na matana, pali ge ngaru navia a Vure, ra i uka ma i masia ma.