A Raukea e Paulus i Here Lakea ne Huriki a Rom 11:11 - A Nitana Vure

¹¹ E huriki a Iuda ri sibo, pali i uka ma ri boru liu. A Vure i uka ma ge mata taro liu ria. Ri rata a naro hale, ngane a Vure i matai e huriki a kabu ranga, i uka ma ria a Iuda. I korimule ria ngane, lakea e huriki a Iuda ri gi masigoro ne ria.

A Raukea e Paulus i Here Lakea ne Huriki a Rom 11:11 Iomraidhean Croise

Lukas 20:16

Bara i valai, i rabalaki e huriki a bakovi nga, i bole mulea a hania na vain, i habi polo tabua ne huriki a bakovi ranga.” Na tahuna ri longoa a nivakakika iea ri ta maea, “A Vure, nahea ge rata mavonga!”

Apostolo 13:42

Na tahuna e Paulus i taki lobo a ngava nga, ru pesi rike e Barnabas, ta ru gu vano, lakea e huriki ri nana tora rua ru gu hamule valai tabu girira na Parava Nimalo tara, ru gu vara tabu vona a ngava iea.

Apostolo 18:6

Pali e huriki a Iuda ri hehea, ri harogia e Paulus. Lakea i madihi a hatena, i kurudu pasi a habulo na varakia vona, i taki ria, “Mua bara mu velu, naha ni padi virihi iau na ngava! A maki mua. Ngane ga vakalongo a Velenga Kamumu ne huriki i uka ma ria a Iuda.”

A Raukea e Paulus i Here Lakea ne Huriki a Rom 10:19

Re huriki a Israel, ri longokilalea a Velenga Kamumu, o i uka? Ri longokilalea, a vuhuna e Moses i here puru hosi, i ta maea, “Ga rata mua mu gu masigoro ne huriki i uka ma ria a Iuda, i uka ma ria a kabu muholi. Ga rata mua mu gu tahate vona a kabu mu pahaluhoi ta ri manga manga.”

A Raukea e Paulus i Here Lakea ne Huriki a Rom 11:1

I navai? A Vure i marikoi pali ne huriki a tara vona, e huriki a Israel? I uka liu! Iau a Israel, a hamone Abraham, na kabu ne Bensamin. I uka ma i marikoi nau.

A Raukea e Paulus i Here Lakea ne Huriki a Rom 11:12

E huriki a Israel ri ngalahere na Vure, i mavonga i kamumu a Vure ge rata kamumu hateka e huriki i uka ma ria a Iuda. I mavonga, muri ma, na tahuna e huriki a Iuda lobo ri hamule maia a Vure, bara i kamumu hateka.

A Raukea e Paulus i Here Lakea ne Huriki a Rom 11:14

Bara i rata e huriki ranga na kabu nau ri gi ngutu vona a naro kamumu a Vure i ratea ne mua, bara i korimule ranga ne ria.

A Raukea e Paulus i Here Lakea ne Huriki a Rom 11:31

Ngane ri longotaroa a Vure, i mavonga a nidodo na Vure i bele ne mua. Pali na tahuna ri pulo a vilone ria, bara i dodo ria.