A Raukea e Paulus i Here Lakea ne Huriki a Rom 10:9 - A Nitana Vure

⁹ I mavonga, na ngavamu o taki tala ne Isu ia a Bakovi Dagi vomu. Na hatemu, o luhoi torea a Vure i vakamahuri mulea na matenga, lakea a Vure bara i korimule ioe.

A Raukea e Paulus i Here Lakea ne Huriki a Rom 10:9 Iomraidhean Croise

Lukas 12:8

“A taki muholi mua, e rei a viri i taki e huriki a bakovi ne ia a murimuri nau, iau, a Tuna Bakovi bara vakalongo e huriki a agelo na Vure ne ia a murimuri nau.

Ioanes 9:22

E tamana e kinana ru ta mavonga a vuhuna ru mangenge ne huriki a Iuda. Ru mangenge a vuhuna ri kado puru a ngavana viri ge taki e Isu ge ia e Kristo, bara ri tono talea liu na roho na vaponga.

Apostolo 16:31

Ru koli, ru ta maea, “O luhoi torea e Isu a Bakovi Dagi, lakea a Vure bara i korimule ioe turana e huriki a viri vomu.”

Apostolo 2:24

A Vure i vakamahuria na matenga, i vakatavagea na nimadihi na matenga, a vuhuna a matenga i keri ni nugutatea,

Apostolo 2:32

“Re Isu, a Vure i vakamahuri mulea na matenga. Mia lobo mi masia.

Apostolo 8:36

Na tahuna ru nunu puru na dala, ru bele vona tara naru. Lakea a ori i ta maea, “Mata lakea, a naru. A ngaru go vahilolo iau.”

A Raukea e Paulus i Here Lakea ne Huriki a Rom 10:10

E huriki ri luhoi torea e Isu na hatene ria, a Vure bara i taki ria ri malamala. E huriki ri ta tala na ngavane ria, ne Isu ia a Bakovi Dagi, a Vure bara i korimule ria.

A Raukea e Paulus i Here Lakea ne Huriki a Rom 14:11

A ngava ni here puru na Hinere i ta maea, “A Bakovi Dagi i ta maea, ‘I muholi hateka, e huriki lobo ri gi turume puru na ngalagu. E huriki lobo ri gi taki tala maea iau a Vure.”

A Raukea e Paulus i Here Lakea ne Huriki a Rom 14:9

E Kristo i mate, i mahuri mule na matenga, ge ia a Bakovi Dagi ne huriki ri mate, ne huriki ri mahuri.

A Raukea e Paulus i Here Lakea ne Huriki a Rom 4:24

A ngava iea ne hita ranga, re hita a Vure i ravunu vuroki a naro hale ne hita a vuhuna si luhoi tora ia, ra Vure i vakamahuri mule na matenga a Bakovi Dagi ne hita, e Isu.

A Raukea e Paulus i Here Lakea ne Huriki a Rom 8:34

I uka tara viri ge taki hita si gi bole a nimadihi na naro hale ne hita, a vuhuna e Isu Kristo i mate. I uka ma i mate kunana. I pesi rike tabu na matenga. Ngane i made na limana a kanena na Vure, i takia a Vure ge tuhori hita.

1 Korin 12:3

I mavonga, a ngaru mu gu palala vona tara maki. E rei a viri i ta maea, “A rudurahea e Isu!”, a Hanuna Vure i uka ma i made turana bakovi iea. A Hanu Kiripiripi i uka ma ge made turana viri, bara i keri ni ta maea, “E Isu ia e Bakovi Dagi!”

Pilipai 2:11

E huriki lobo bara ri taki tala ne Isu Kristo ia a Bakovi Dagi. Na naro iea ri gi kavurikea a Vure, e Tamane hita.

1 Petrus 1:21

I rata mua mu luhoi torea a Vure. Mu luhoi tora ia, mu lohoka vona ge korimule mua, a vuhuna i vakamahuri mulea na matenga e Kristo, i vakabagetua.

1 Ioanes 4:15

E huriki ri taki tala ne Isu ia a Tuna Vure, a Vure i rihi ria, ria ranga ri rihi a Vure.

2 Ioanes 1:7

A bakovi ala kupo ri laho lae, ri takia e Isu Kristo, na tahuna i valai koea na malala, ta i uka ma i bele manga a bakovi. E rei a viri i tovo maea, ia a bakovi na taminga, a pile ne Kristo.