A Raukea e Paulus i Here Lakea ne Huriki a Rom 1:9 - A Nitana Vure

⁹ Iau a luhoi vakaroro mua, a vasileki. A Vure i lohoka vona a ta muholi, ra Vure, a viri a habi a hategu ni vora vona, a vakalongo e huriki na Velenga Kamumu ne Tuna.

A Raukea e Paulus i Here Lakea ne Huriki a Rom 1:9 Iomraidhean Croise

Markus 1:1

Iea a vuhuna a Velenga Kamumu ne Isu Kristo, a Tuna Vure.

Lukas 18:1

Muri e Isu i taki e huriki a murimuri vona na nita vakakika tara, a vuhuna i ngaru ri gi vasileki vakaroro, ri gi hatenono.

Apostolo 12:5

E Petrus i made na bavi, pali e huriki a tara ne Kristo ri vasileki na Vure na parava lobo, ge koria.

Apostolo 19:21

Muri e Paulus i ngaru ni laho lakea o Masedonia, o Akaia muri ge lakea o Ierusalem. Lakea i ta maea, “Ga lakea taro o Ierusalem, muri a Vure i ngaru iau ga lakea o Rom.”

Apostolo 24:14

A ngava muholi i maea: iau a kavurikea a Vure ne huriki a gare ne mia, a ramaia a dala ne Isu. E huriki a Iuda ri takia ra dala ne Isu, ta i uka ma a dala muholi. Pali iau a luhoi tora a maki lobo ni tovo na vinara ne Moses, ni here puru na puhu na raukea ne huriki a propet.

Apostolo 27:23

Baroko na rodo a agelo na Vure i bele nau, ra Vure a kavurikea, iau a viri vona.

Apostolo 3:26

“A Vure i vulakia a vora vona, i rudua ge valai taro ne mua, ge rata kamumu mua na tahuna i rata mua lobo mu pulo a vilone mua, mu ha taro a vilo hale.”

A Raukea e Paulus i Here Lakea ne Huriki a Rom 9:1

Iau a dodo hateka e huriki a turagu, re huriki a Israel. A dodo hateka ria, a loho lege lae. I uka ma a tatami, a ta muholi a vuhuna iau a rihi e Kristo. A hategu i vakasiri a ta muholi, a vuhuna a Hanuna Vure i matakaria a hategu.

2 Korin 1:23

A Vure i lohoka nau, iau a ta muholi na matana. I uka ma a lakene tabu o Korin, a vuhuna a koi ni vakamadihi mua.

2 Korin 11:31

A Vure, e Tamane Bakovi Dagi ne hita, e Isu, ra ni gi kavurike ia vakaroro, i lohoka nau, i uka ma a tami mua.

Galesia 1:20

Ra ngava a vakalongo mua vona ngane, i uka ma a tatami. A ta muholi hateka na matana Vure.

Epesus 6:18

Mu mamata, mu matapara, mu vasileki, mu nanea a Vure na parava vakaroro na nitora na Hanu Kiripiripi. Mu rata mavonga vakaroro, mu vasileki ne huriki a tara na Vure.

Pilipai 1:3

Na tahuna a luhoi mua, a kavurikea a Vure.

Pilipai 1:4

Na tahuna a vasileki, a vivi hateka, a nanea a Vure ge tuhori mua,

Pilipai 2:22

Pali mu lohoka vona e Timoti. I vakasiri pali a narona i kamumu hateka. I leho turagu ni vakalongo a Velenga Kamumu, i manga a koma i tuhoria e tamana.

Pilipai 3:3

Pali hita kunana a Israel muholi, si kavurikea e Isu Kristo na nitora na Hanuna Vure, ra hita i uka ma si luhoi hateka a kakaine hita.

1 Tesalonika 1:2

Na parava lobo mete luhoi mua, mete kavurikea a Vure, mete luhoi mua na tahuna mete vasileki.

1 Tesalonika 3:10

Mete vasileki tora vakaroro na Vure ge longo mai a ningaru mateu, mete ge matai tabu mua, mete ge vakatora a niluhoi ne mua.

1 Tesalonika 5:17

Mu vasileki vakaroro.

1 Timoti 2:7

A Vure i vulaki iau ge iau a apostolo vona, ga vakalongo a ngava nga, ga tovo e huriki a kabu i uka ma ria a Iuda, ri gi luhoi torea e Kristo, ri gi lohoka vona a ngava muholi. Iau a ta muholi, i uka ma a tatami.

2 Timoti 1:3

E huriki a gare nau hosi ri vora na Vure, ri lohoka vona ri ramai a naro kamumu. Ngane iau tara a rata mavonga. A luhoi ioe vakaroro, lakea a vasileki na Vure ge tuhori ioe. A vivi vomu, lakea a kavurikea a Vure.

Pilemon 1:4

Na tahuna a luhoi ioe, a kavurikea a Vure,