A Raukea e Paulus i Here Lakea ne Huriki a Rom 1:3 - A Nitana Vure

³ Ra Velenga Kamumu na Tuna Vure. I bele manga a bakovi, i valai na kabune Davit.

A Raukea e Paulus i Here Lakea ne Huriki a Rom 1:3 Iomraidhean Croise

A Vuhuna 3:15

Bara ioe a pile na ngatavine, e huriki a hamomu ranga bara ria a pile na hamona ngatavine. A hamona ngatavine bara i paha momo a gimu, pali ioe bara o kara tatea a vahana.”

Mateo 1:1

E huriki a vuhune Isu Kristo, a hamone Davit, a hamone Abraham.

Mateo 1:16

E Iakop e tamane Iosep, e girihine Maria, ra i podea e Isu, ra ni gale e Kristo.

Mateo 1:6

E Iesi e tamane Davit, a hariki. E Davit e tamane Solomon, e kinana e girihine Uria.

Mateo 12:23

E huriki ri masia, ri turutu, ri vanana maea, “Ra bakovi iea, a viri si davea, a hamone Davit?”

Mateo 15:22

A ngatavine o Kenan tara i made vonga. I valai ne Isu, i ta dagi, i ta maea, “Bakovi Dagi, hamone Davit, o dodo iau! E tugu a ngatavine i dili vona a hanitu, i ratapilea.”

Mateo 26:63

Pali e Isu i vulai mavonga. Lakea a prister dagi i nanea, “A taki ioe na rana Vure Mahuri, o vakalongo mia ngane, ioe e Kristo, a Tuna Vure?”

Mateo 27:43

I luhoi tora hateka a Vure. Pali ngane a Vure ge ngarua a bakovi iea, bara i korimulea, a vuhuna i ta maea, ‘Iau a Tuna Vure.’”

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

Mateo 9:27

E Isu i malaga tabu, i laho lokovonga. Lakea a bakovi ala rua ru kepa, ru muri vona ru gale tala, ru ta maea, “O hamone Davit, o dodo maria.”

Lukas 1:35

A agelo i koli mule, i ta maea, “A Hanu Kiripiripi bara i valai vomu, a nitora na Vure Meli Liu bara i kavitagu ioe. Lakea a koma bara o podea ni gi gale a bakovi kiripiripi, bara ni gale a Tuna Vure.

Lukas 1:69

I vakapesi a bakovi tuhaka na kabu na vora vona, e Davit, ge korimule hita

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Ioanes 1:34

Iau a masia, lakea a vakalongo mua vona ngane, ra bakovi iea a Tuna Vure.”

Ioanes 1:49

Muri e Nataniel i ta maea, “Mari ni tovo, ioe a Tuna Vure, ioe a hariki ne Israel.”

Ioanes 10:30

Maria e Tata miri palupulupu.”

Ioanes 10:36

Pali iau, e Tata i vulaki iau, i rudu iau a valai koea na malala. Pali i navai mu taki iau, ta a ta hale hateka na Vure na tahuna a taki iau, iau a Tuna Vure?

Ioanes 20:28

Lakea e Tomas i koli, i ta maea, “Bakovi Dagi nau, Vure nau!”

Ioanes 20:31

Pali a here puru a maka ngava nga, mu gu luhoi torea e Isu ia e Kristo, a Tuna Vure. Lakea na tahuna mu luhoi torea, bara mu bole a nimahuri vakaroro na rana.

Ioanes 5:25

A taki muholi mua, a parava bara i valai, ngane i valai pali, e huriki ri mate ri gi longoa a lohona Tuna Vure. Lakea e huriki ri longoa, bara ri mahuri.

Ioanes 7:42

A Hinere i taki e Kristo ge valai na kabu ne Davit, na tanga ne Davit, e Betlehem.”

Apostolo 2:30

E Davit i lohoka vona a ngava a Vure i ta muholi vona na viri tara, a hamona, bara i made na gula hariki vona. E Davit ia a propet, i matai muga a maki ta ge valai, lakea i rata a nita propet ne Kristo ge mahuri mule na matenga, i uka ma ge mate liu, a podana i uka ma ge mavuru.

Apostolo 3:13

A Vure ne Abraham, ne Isak, ne Iakop, ne huriki a gare ne hita i vakabagetua a Vora vona, e Isu, a viri mu habia ne huriki a bakovi hale. E Pilato i ngaru ni vakaha ia, pali mua mu koi.

Apostolo 8:36

Na tahuna ru nunu puru na dala, ru bele vona tara naru. Lakea a ori i ta maea, “Mata lakea, a naru. A ngaru go vahilolo iau.”

Apostolo 9:20

i lakea malaviriri na maka roho na vaponga, i vakalongo e huriki maea, “E Isu ia a Tuna Vure.”

A Raukea e Paulus i Here Lakea ne Huriki a Rom 1:9

Iau a luhoi vakaroro mua, a vasileki. A Vure i lohoka vona a ta muholi, ra Vure, a viri a habi a hategu ni vora vona, a vakalongo e huriki na Velenga Kamumu ne Tuna.

A Raukea e Paulus i Here Lakea ne Huriki a Rom 4:1

A bakovi e Abraham, ia a vuhune mia e huriki a Iuda. A ra maki si gi tovo vona a naro ni bele malamala na matana Vure?

A Raukea e Paulus i Here Lakea ne Huriki a Rom 9:3

A ngaru hateka ni kori e huriki a turagu a Iuda, re huriki a kabu nau. I mavonga kunana e Kristo ge ngaru ni muri mai a ningaru nau, ga vasileki vona, ge tono tala iau na kabu vona, ri gi bole a murigu e huriki a Israel.

A Raukea e Paulus i Here Lakea ne Huriki a Rom 9:5

A Vure i vulaki e huriki a gare ne ria hosi, ge ria a vuhuna a kabu ne Israel. E Kristo i bele manga a bakovi na kabu ne ria, re Kristo ia a Vure, i matakari a maki lobo, ge bole a bagetuanga na parava vakaroro. I muholi.

1 Korin 1:9

A Vure i rata a maki lobo i taki ge rata. I gale mua mu gu rihi e Tuna, re Bakovi Dagi ne hita, e Isu Kristo.

1 Korin 10:18

Mu luhoi e huriki a Israel. Ri manga a kabu i taku kunana, ri kani vona a nihabi ni habi na dede, ri vaveru vona a nihabi.

Galesia 4:4

Pali na parava a Vure i vulaki purua i bele, i rudua e Tuna. A ngatavine i podea. I bele manga a bakovi, i muri mai a vinara lobo na Vure,

1 Tesalonika 1:10

Ri tuverei tabu ne mateu na hini mu pasimata ne Tuna, e Isu, ge hamule valai na hunu, ra viri a Vure i vakamahuri mulea na matenga. Ia kunana i korimule hita na rongova na Vure ta ge valai.

1 Timoti 2:5

a vuhuna i uka tabu tara Vure. A Vure ia kikeri kunana. A bakovi ala taku kunana i rata e huriki ri gi made na nivalemu turana a Vure. Ra bakovi iea e Isu Kristo.

1 Timoti 3:16

I muholi hateka, a ngava na naro na Vure i kamumu hateka. Ra ngava iea hosi i kapiloho, pali ngane ni taki tala pali ne hita. A ngava iea i maea: E Kristo ni poda, i bele manga a bakovi. A Hanu Kiripiripi i vakasiri a narona i kamumu. E huriki a agelo ri masia. A velengana ni vakalongo na tanga lobo na malala. E huriki ranga koea na malala ri luhoi torea. Ni bole sike na hunu, i bole a bagetuanga.

2 Timoti 2:8

O luhoi vakaroroa e Isu Kristo. Naha ni longokaburungi vona ia a hamone Davit, i mate, i pesi rike mule na matenga. Iau a vakalongo e huriki maea na tahuna a taki tala ne ria a Velenga Kamumu,

1 Ioanes 1:3

A maki lobo mi matai, a maki lobo mi longo, ngane mi taki tala ne mua, lakea mua ranga mu gu rihi mia. I muholi, si rihi e Tamana turana e Tuna, re Isu Kristo.

1 Ioanes 3:23

A vinara vona i maea, si gi luhoi torea a rane Tuna, e Isu Kristo, si gi vangaru, i manga a hini i vakuku hita vona.

1 Ioanes 3:8

Pali e rei a viri i ramai vakaroro a naro hale, ia a bakovi ne Satan, a vuhuna e Satan i ramai a naro hale, i vakatubu hosi na nidoko na hunu a malala. A Tuna Vure i puru valai koea na malala ge vakalobo a leho ne Satan.

1 Ioanes 4:15

E huriki ri taki tala ne Isu ia a Tuna Vure, a Vure i rihi ria, ria ranga ri rihi a Vure.

1 Ioanes 5:1

E huriki ri takia a Vure i rudu vilia e Isu ge korimule hita, ria a tuna Vure. E huriki ri ngarua e Tamana bara ri ngaru tabu e huriki e tuna.

1 Ioanes 5:20

A Tuna Vure i valai, i vakapalala a gine hita, si gi lohoka vona a Viri Muholi. Si rihia e Tuna, re Isu Kristo, a Bakovi Muholi. Ia a Vure Muholi. Ia a vuhuna a nimahuri vakaroro.

1 Ioanes 5:5

E rei a viri i rangi a maka nitoni na malala? A bakovi i lohoka vona e Isu ia a Tuna Vure i rangi a maka nitoni na malala.

2 Ioanes 1:7

A bakovi ala kupo ri laho lae, ri takia e Isu Kristo, na tahuna i valai koea na malala, ta i uka ma i bele manga a bakovi. E rei a viri i tovo maea, ia a bakovi na taminga, a pile ne Kristo.

Kapiloho 2:18

Muri i ta tabu, i ta maea, “O here lakea na agelo ne huriki a tara na Vure o Tiatira, o here maea: A ngava iea i valai na Tuna Vure. A matana i para manga a huvina kanono. A vahana ru para manga a bras ni ravu, lakea i para hateka.