A Raukea e Paulus i Here Lakea ne Huriki a Rom 1:21 - A Nitana Vure

²¹ Ri lohoka na Vure, pali i uka ma ri togoa manga ge ia a Vure Muholi. I uka ma ri kavurikea na naro kamumu vona. A niluhoi ne ria i bele manga manga, lakea ri keri ni lohoka vona a maki na Vure.

A Raukea e Paulus i Here Lakea ne Huriki a Rom 1:21 Iomraidhean Croise

A Vuhuna 6:5

E BAKOVI DAGI i matai a narone huriki na malala i hale liu, a maki ri luhoi kunanea a naro hale.

A Vuhuna 8:21

Na tahuna e BAKOVI DAGI i burongi a mangina maki nga i huli lakea vona, lakea i taki mulea, “Iau i uka ma ga ruduraha tabua a malala ne vona ni koli a naro hale ne huriki. I muholi a naro hale ne ria i vakatubu na tahuna ri kiroko vona. Pali ngane, i uka ma ga ratapile tabu a maka maki mahuri, ge manga a hini a rata pali.

Ioanes 3:19

A Vure i pelekado e huriki maea: A nipara i bele pali na malala, pali e huriki a bakovi a ngatavine ri ngaru hatekea a uvo, ri marikoi a nipara, a vuhuna a narone ria i hale.

Apostolo 26:18

go vakapalala a matane ria, ri gi pe a uvo, ri gi valai na hini i palala, ri gi ha vona a nitora ne Satan, ri gi valai na Vure, i mavonga a Vure bara i puga vuroki a naro hale ne ria, ri gi bole a murine ria turana e huriki ri luhoi a Vure ni vulaki pali.’

A Raukea e Paulus i Here Lakea ne Huriki a Rom 1:19

I madihi a hatena, a vuhuna i kavakava a Vure, ia a Vure navai. I vakasiri pali ne ria a narona.

A Raukea e Paulus i Here Lakea ne Huriki a Rom 1:28

Ri marikoi ni luhoia a Vure, lakea i lohopile ria, ri gi vora vona a maka niluhoi hale ne ria. I mavonga, ri vakatubu ni rata a maka naro hale, ra i ta pupukari vona a Vure.

A Raukea e Paulus i Here Lakea ne Huriki a Rom 11:10

Ge uvo a gine ria, i uka ma ri gi longokilala a maki na Vure. Ge modo a bitone ria, i manga e huriki a vorakato. Ri gi made mavonga kunana na parava vakaroro.”

A Raukea e Paulus i Here Lakea ne Huriki a Rom 15:9

E Kristo i valai, ge rata mua e huriki i uka ma mua a Iuda mu gu kavurikea a Vure vona a nidodo vona. I manga a ngava ni here hosi, i ta maea, “Ga kavurike ioe na matane huriki i uka ma ria a Iuda. Ga kalolo, ga kavurikea a ramu.”

Vinara 28:29

Na haro bara mu laho manga a viri i kepa mu matakanea a dala, pali i uka ma mu gu matavisia. A maka maki mu rata i uka ma ri gi bele kamumu. Vakaroro bara ri vakahale mua ri panaho a maka maki ne mua, bara i uka viri ge tuhori mua.

2 Timoti 3:2

E huriki bara ri luhoi mule ria kunana. Bara ri ngaru hateka ni bole a mahala. Bara ri bibi rike mule a rane ria, ri tagege, ri ta hale na Vure, ri ta hale ne huriki. Bara ri longotaro a ngavane tamane, e kinane ria. Bara ri bole lupu a maki. Bara ri ngalahere vona a maka naro na Vure.

1 Petrus 1:18

A Vure i konamule mua na maka naro tavulavula mu bole ne huriki a gare ne mua. I uka ma i konamule mua na mahala ge lobo, manga a silva o a gol.

1 Petrus 2:9

Pali mua, a Vure i vulaki mua. Mua e huriki a prister na hariki, a tara malamala, ne vona a Vure kunana. A Vure i rata mavonga, mu gu vakasiri e huriki vona a Vure i kamumu hateka, a vuhuna muga mu made na uvo. Pali i gale tala mua, mu gu made na nipara kamumu vona.

Kapiloho 14:7

I gale tala dagi, i ta maea, “Mu mangenge na Vure, mu vakabagetua, a vuhuna a parava i bele pali, ge pelekado a narone huriki lobo. Mu kavurikea a viri i ratarike a hunu, a malala, a dari, a maka naru bele.”

Kapiloho 15:4

O Bakovi Dagi, e huriki lobo ri vakabagetua a ramu, ri mangenge vomu. Ioe kikeri o malamala. E huriki na tanga lobo ri gi valai ri gi kavurike ioe, a vuhuna i bele kavakava a naro kiripi vomu.”