A Raukea e Paulus i Here Lakea ne Huriki a Rom 1:18 - A Nitana Vure

¹⁸ A Vure meli na hunu, i vakasiri a rongova vona ne huriki lobo ri ngalahere vona, e huriki ri rata a naro hale. Re huriki nga, a naro hale ne ria i rata e huriki ranga i uka ma ri luhoi torea a nita muholi.

A Raukea e Paulus i Here Lakea ne Huriki a Rom 1:18 Iomraidhean Croise

A Nimariu 23:7

Naha ni rata a ngava taminga ni kau virihia na ngava hale a bakovi i malamala, ma ni gi rabalaki tavula. Ra bakovi i kau virihi tavula a viri na ngava, a uka ma ga pugea a naro hale vona.

A Raukea e Paulus i Here Lakea ne Huriki a Rom 1:19

I madihi a hatena, a vuhuna i kavakava a Vure, ia a Vure navai. I vakasiri pali ne ria a narona.

A Raukea e Paulus i Here Lakea ne Huriki a Rom 1:28

Ri marikoi ni luhoia a Vure, lakea i lohopile ria, ri gi vora vona a maka niluhoi hale ne ria. I mavonga, ri vakatubu ni rata a maka naro hale, ra i ta pupukari vona a Vure.

A Raukea e Paulus i Here Lakea ne Huriki a Rom 1:32

Ri lohoka vona a Vure i ta muholi vona ge rabalaki e huriki a bakovi maea. Pali ri tabana ni rata vakaroro a maka naro hale nga. Pali ri kavurike tabu e huriki ranga ri rata vakaroro a naro hale nga.

A Raukea e Paulus i Here Lakea ne Huriki a Rom 2:3

I mavonga, naha ni luhoi a Vure i uka ma ge pelekado ioe, a vuhuna ioe tara o rata a naro hale manga ria.

A Raukea e Paulus i Here Lakea ne Huriki a Rom 3:9

Pali hita e huriki a Iuda, si rangi e huriki ranga, o i uka? I uka liu! A ngava si ratea pali i maea, e huriki a Iuda ri manga kunana e huriki i uka ma ria a Iuda. Hita lobo si rata pali a naro hale, lakea a Vure ge pelekado hita.

A Raukea e Paulus i Here Lakea ne Huriki a Rom 4:15

A vinara i vakabele a rongova na Vure, a vuhuna e huriki ri longotaro a vinara vona. Pali na tahuna i uka vinara, i uka tara viri ge putu puru a ngava.

A Raukea e Paulus i Here Lakea ne Huriki a Rom 5:6

Na tahuna si keri ni korimule hita, e Kristo i mate na parava a Vure i vulakia ge mate vona, ge korimule hita e huriki a bakovi hale.

A Raukea e Paulus i Here Lakea ne Huriki a Rom 5:9

I mavonga i muholi hateka e Kristo ge korimule hita na rongova na Vure, a vuhuna a darana i rata hita si malamala na matana Vure.

A Raukea e Paulus i Here Lakea ne Huriki a Rom 6:13

Nahea mu gu habi a tabekena kakaine mua ni rata a naro hale. Mu habi mua na limana Vure, ge rata a leho kamumu polo ne mua, a vuhuna a Vure i vakamahuri mule mua pali na matenga.

Epesus 5:6

A naro nga ri rata a rongova na Vure i rike ne huriki ri longotaro ia. Nahea tara viri ge tami mua na ngava tavulavula.

Kolosi 3:6

A naro hale nga kunana ri vakabele a rongova dagi na Vure.

2 Tesalonika 2:10

Bara i rata a naro hale i kupo ni tami e huriki ri laho na dala na vuranga. Re huriki nga bara ri vurua, a vuhuna ri marikoi a ngava muholi ge korimule ria.

2 Tesalonika 2:6

A naro ni longotaro a vinara i leho kapiloho pali. Mu lohoka vona a maki i pesi karia a dalana bakovi hale. A bakovi hale iea bara i bele kavakava na parava a Vure i vulakia ge bele vona. Pali a viri i pesi karia a dalana bara i pesi kari mavonga ge harena na tahuna a Vure ge takia ge lobo.