A Raukea e Paulus i Here Lakea ne Huriki a Rom 1:14 - A Nitana Vure

¹⁴ A Vure i habi a leho nau, ga vakalongo a Velenga Kamumu ne huriki lobo; re huriki a Grik, e huriki i uka ma ria a Grik, e huriki a bakovi na lohokanga, e huriki a bakovi i uka ma ri lohoka hateka.

A Raukea e Paulus i Here Lakea ne Huriki a Rom 1:14 Iomraidhean Croise

Mateo 11:25

Muri e Isu i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa a nitamu ne huriki ri luhoi ta ri lohoka hateka.

Lukas 10:21

Muri a Hanu Kiripiripi i ratea e Isu i vivi, lakea i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa ne huriki ri luhoi ta ri lohoka hateka. I muholi, o Tata, o muri mai a ningaru vomu o rata mavonga.”

Apostolo 22:21

“Muri e Bakovi Dagi i taki iau i ta maea, ‘O vano ngane, ga rudu basi ioe, go lakea ne huriki a viri i uka ma ria a Iuda.’”

Apostolo 28:2

E huriki a tahotanga ri rata kamumu hateka mia. Ri tagui mia, ri tunua a kanono mi hua, a vuhuna i vakatubu ni boru a vala, mi malangangi.

Apostolo 28:4

E huriki a tahotanga ri masia a mata i tavore na limane Paulus, lakea ri vata, ri ta maea, “A bakovi iea, a bakovi ni rabalaki a viri! I uka ma i vurua na dari, pali a vure ne hita, a rana e ‘Nipelekado’, i koi ia ge mahuri.”

Apostolo 9:15

Pali e Bakovi Dagi i takia, “O vano! A bakovi iea, a ngarua ge lakea ne huriki a bakovi a ngatavine i uka ma ria a Iuda, e huriki a hariki, e huriki a Israel, ge vakalongo ria nau.

A Raukea e Paulus i Here Lakea ne Huriki a Rom 1:22

Ri taki ta ri lohoka hateka, pali ri bele manga a manga.

A Raukea e Paulus i Here Lakea ne Huriki a Rom 11:25

Mua e huriki a turagu, a ngaru mu gu longokilala a ngava a Vure i vakalongo kavakava, nahea mu gu pahaluhoi ta mu rangi e huriki a Israel. Muga a ngava iea i kapiloho, pali ngane i bele kavakava, i maea: a Vure i rata e huriki a Israel ri gigi tora. Bara ri gigi tora mavonga i vano i harena na tahuna e huriki lobo a Vure i vulaki ria, i uka ma ria a Iuda, ri gi valai vona.

A Raukea e Paulus i Here Lakea ne Huriki a Rom 12:16

Mu made na nivalemu. Naha ni rata polo muga muga, mu made kamumu turana e huriki a bakovi tavula. Naha ni bibi rike mule mua.

A Raukea e Paulus i Here Lakea ne Huriki a Rom 13:8

Naha ni bole lupu a maki. Pali a maki mu gu ratea, mu gu vangaru vakaroro. A viri i ngarua e turana, i ramai lobo a Vinara na Vure.

A Raukea e Paulus i Here Lakea ne Huriki a Rom 16:19

E huriki lobo ri lohoka pali ne mua, mu longototoa a Vure. I mavonga a vivi ne mua. Pali a ngaru mu gu lohoka vona a ra maki i kamumu, mu gu lele rau vona a maki hale.

A Raukea e Paulus i Here Lakea ne Huriki a Rom 8:12

I mavonga, o huriki a turagu, nahea si gi muri mai a ningaru hale na kakaine hita.

1 Korin 14:11

Pali iau i uka ma ga longokilalea a nitane ria, iau ngane a mosi na matana viri i ta. Ia tara, a mosi na matagu.

1 Korin 14:16

Ioe bara o vasileki kunana na hanumu, a viri i uka ma i lohoka bara i keri ni ta maea, “I muholi”, a vuhuna i uka ma i longokilalea a nitamu.

1 Korin 2:13

Si vakalongo e huriki vona a maki nga a Vure i habi tavula ne hita. Si vakalongo, i uka ma si ta na ngava na lohokanga na malala. Si ta na ngava i habi ne hita a Hanuna Vure. Si tuveve polo ne huriki a tara na Vure a pelegona ngava na Vure.

1 Korin 3:18

Naha ni tami mule mua. E rei a viri i luhoi ta i tahoka a lohokanga na malala i dagi hateka, iau a ngarua ge taparakia, ge mata mangamanga na matane huriki na malala. Muri bara i tahoka a lohokanga muholi.

2 Korin 10:12

Pali a keri ni taki iau ga kamumu i manga e huriki a bakovi ranga iene. Ri ta paki paki hateka. Ri bibi rike mule a rane ria, ri taki ta ri kamumu hateka. Na tahuna ri pelekado mule ria, ri matai kunana e huriki e turane ria, ri rangi ria o i uka. Ri manga manga!

2 Korin 11:19

Mu pahaluhoi ta mu moro hateka, pali mu vivi hateka ni longo mai a ngava ne huriki a manga.

Kolosi 3:11

Na matana Vure e huriki a Iuda, e huriki i uka ma ria a Iuda, e huriki ni pala a kuline ria, e huriki i uka ma ni pala a kuline ria, e huriki a bakovi na robo, e huriki a vora, e huriki i uka ma ria a vora, ria lobo ri palupulupu na matana Vure. E Kristo ia a maki lobo, i made pololilo ne huriki ri luhoi torea.

2 Timoti 2:10

I mavonga a hatenono, a pesi tora, a bole lobo a nimadihi nga. A rata mavonga ga tuhori e huriki a bakovi a ngatavine a Vure i vulaki ria, ri gi bolea ra nimahuri i tabuli ne Isu Kristo, ri gi made palupu turana vakaroro na bagetuanga vona.

Titus 3:3

O lohoka vona, hosi tarua tu manga a viri i manga. Tu longotaro a ngava. Tu longo mai a ngava taminga, tu vora na ningaru legelege na malala, ra tu ngaru ni rata. Hosi tu laho na naro hale. Tu rata a naro ni masigoro. E huriki ri tepu tarua; tarua ranga tu tepu ria.