A Raukea e Paulus i Here Lakea ne Huriki a Rom 1:13 - A Nitana Vure

¹³ Mua e huriki a turagu, a ngaru mu gu lohoka vona, i balaka kupo ta ga lakene mua, pali a dalagu ni putukari. A ngaru ni lakene mua, ga rata e huriki ranga ri gi luhoi torea e Kristo, i manga a hini a rata na tanga ranga ne huriki i uka ma ria a Iuda.

A Raukea e Paulus i Here Lakea ne Huriki a Rom 1:13 Iomraidhean Croise

Ioanes 12:24

A taki muholi mua, na tahuna a bakovi i varo a vutuna vit, i mate a vutuna vit, i gaga, i koru rike, i vakabele a kanena i kupo. Pali a vutuna vit i uka ma ni gi varo, i uka ma ge vakabele tabu a kanena.

Ioanes 15:16

Mua i uka ma mu vulaki iau. Iau a vulaki mua. A vulaki mua mu gu vano, mu gu vakabele a kanene mua ge tabuli vakaroro. Mua bara mu rata mavonga, e Tata bara i habi ne mua a ra maki mu nanea vona na ragu.

Ioanes 4:36

Ngane a bakovi ni mirio i bole pali a mapana, i vakatubu pali ni mirio a maki ni kani na nimahuri vakaroro. Lakea a bakovi ni mirio, a bakovi ni varo, bara ru pitei varago.

Apostolo 1:15

Na tahuna iea e huriki ri luhoi torea e Isu ri ala 120. Ngane e Petrus i pesi rike na matane ria, i ta maea,

Apostolo 14:27

Na tahuna ru bele o Antiok ru gale palupu e huriki a tara ne Kristo, ru vakalongo ria vona a maka maki a Vure i rata na limane rua. Ru vakalongo ria vona a Vure i vakasiri a dala ne huriki i uka ma ria a Iuda, ri gi luhoi torea e Kristo.

Apostolo 15:12

E huriki na vaponga ri mangulu tete, ri longo e Barnabas e Paulus ru vakalongo ria vona a maka nivakasiri a Vure i rata na limane rua na matane huriki i uka ma ria a Iuda.

Apostolo 19:21

Muri e Paulus i ngaru ni laho lakea o Masedonia, o Akaia muri ge lakea o Ierusalem. Lakea i ta maea, “Ga lakea taro o Ierusalem, muri a Vure i ngaru iau ga lakea o Rom.”

Apostolo 21:19

E Paulus i tagui ria, muri i vakalongo ria vona a maka maki i rata a Vure na limana ne huriki i uka ma ria a Iuda.

Apostolo 28:14

Mi matavisi vonga ranga kabukabu, ri taki mia mi made turane ria na parava i polorua. Muri mi lakea o Rom.

A Raukea e Paulus i Here Lakea ne Huriki a Rom 1:12

A ngaru hateka ni matai mua, si gi vatuhori. Mu gu vakatora a niluhoi nau na naro mu luhoi torea e Kristo vona. Iau tara ga vakatora a niluhoi ne mua na naro iau a luhoi torea e Kristo vona.

A Raukea e Paulus i Here Lakea ne Huriki a Rom 11:25

Mua e huriki a turagu, a ngaru mu gu longokilala a ngava a Vure i vakalongo kavakava, nahea mu gu pahaluhoi ta mu rangi e huriki a Israel. Muga a ngava iea i kapiloho, pali ngane i bele kavakava, i maea: a Vure i rata e huriki a Israel ri gigi tora. Bara ri gigi tora mavonga i vano i harena na tahuna e huriki lobo a Vure i vulaki ria, i uka ma ria a Iuda, ri gi valai vona.

A Raukea e Paulus i Here Lakea ne Huriki a Rom 7:1

Mua e huriki a turagu, mu lohoka vona a vinara. A vinara i matakari a viri na tahuna i mahuri kunana. Pali na tahuna i mate pali, a vinara i uka tabu a nitora.

1 Korin 1:10

Mua e huriki a turagu, a taki tora mua na rane Isu Kristo, a Bakovi Dagi ne hita, a ta maea, “Mu hate taku. Naha ni vapida lae, naha ni vakabele a tara ge kupo. Mu pesi palupu na niluhoi i taku, na ngava i taku.”

1 Korin 10:1

Mua e huriki a turagu, a ngaru mu gu lohoka vona, e huriki a gare ne hita hosi, a bubu i matakari ria lobo na tabeke i ngeki. Ria lobo ri laho polo na dari.

1 Korin 12:1

Mua e huriki a turagu, a ngaru mu gu lohoka vona a maka nitora legelege a Hanu Kiripiripi i habi tavula ne hita.

1 Korin 14:20

Mua e huriki a turagu, na maka maki nga, naha ni luhoi manga a koma kiroko. A narone mua, ni malele ha na naro hale, mu gu manga a koma kiroko. Pali a niluhoi ne mua ge manga a bakovi dagi.

1 Korin 14:26

I mavonga, mua e huriki a turagu, a ra mu gu ratea? Na tahuna mu vapopo, mua takutaku mu gu tahoka a linge, o mu gu tovo na ngava, o mu gu vakalongo a nitana Vure, o mu gu ta na tabele tebi, o tuveve polo a pelegona ngava tebi. A maki lobo mu ratea, mu ratea ge vakatora e huriki.

1 Korin 9:2

E huriki ranga ri gi koi ni taki iau, ge iau a apostolo. I uka maki, a vuhuna i muholi hateka, iau a apostolo ne mua. A Vure i vakasiri manga iau a apostolo ne Bakovi Dagi, a vuhuna mu luhoi tora ia.

2 Korin 1:8

Mua o huriki a turagu, a ngaru mu gu lohoka vona a nimadihi a bolea o Asia. A nimadihi a bolea i dagi hateka, a keri ni kalohoa, lakea a luhoi ta ga mate.

2 Korin 2:14

Pali iau a kavurike hatekea a Vure. Mi rihi e Kristo, a Vure i tuli mia na matane huriki lobo, mi manga a vora­kato vona i lakavu na vabinga. I rudu tala mia, mi vakalongo lae a Velenga Kamumu, i manga a pokona havu mangisipa i huli lae.

Galesia 3:15

Mua e huriki a turagu, ga ta vakakika vona a naro na malala. Na tahuna e huriki a bakovi ri valongo pali a ngava, i uka tara viri ge hudo tala tabu a ngava, o ge ravunu vuroki a ngava vona.

Galesia 6:18

Mua e huriki a turagu, a Bakovi Dagi ne hita, e Isu Kristo ge rata kamumu a hanune mua. I muholi.

Pilipai 1:22

Na tahuna a mahuri, bara rata a leho i kupo. Pali i vai a viri kamumu? Ga mahuri, o ga mate?

Pilipai 4:17

I uka ma a ta maea mu gu vakaru tabu a kinori. A ta maea, a vuhuna a ngarua a Vure ge rata kamumu mua a vuhuna mu rata kamumu iau.

Kolosi 1:10

Miri vasileki mavonga, a vuhuna miri ngaru mu gu laho na naro e Bakovi Dagi i ngaru mu gu laho vona, ge vivi ne mua, a leho kamumu ne mua ge tahoka a kanena, mu gu lohoka kamumu tabu na Vure.

Kolosi 1:6

Ra Velenga Kamumu ne Isu Kristo ni tovo e huriki vona na tanga lobo na malala, lakea i rata ranga e huriki ri pulo a vilone ria. I manga kunana a naro i bele ne mua na tahuna mu longo muga a Velenga Kamumu, mu matakilalea a rabu muholi na nidodo na Vure.

1 Tesalonika 2:18

Mete ngaru ni lakene. Iau, e Paulus, a toni ni lakene balaka kupo. Pali e Satan i pututagu a dalane mateu.

1 Tesalonika 4:13

Mua e huriki a turagu, mete koi mu gu loho lege vona e huriki ri mate pali. Naha ni dodo hateka ria, ge manga e huriki a bakovi a ngatavine ranga ri dodo ria. Re huriki nga, i uka ma ri pasimata vona a parava ne huriki ri mate ri gi mahuri mule na matenga.

2 Timoti 4:17

Pali e Bakovi Dagi kunana i pesi turagu, i habi a nitora nau, ga vakalongo a Velenga Kamumu lobo koea ne huriki i uka ma ria a Iuda. A Vure i korimule iau na ngina laion.