A Raukea e Paulus i Here Lakea ne Huriki a Rom 1:11 - A Nitana Vure

¹¹ A ngaru hateka ni matai mua a vuhuna a ngaru ni habi tavula ne mua ranga maki ri valai na Hanuna Vure.

A Raukea e Paulus i Here Lakea ne Huriki a Rom 1:11 Iomraidhean Croise

A Vuhuna 31:30

Pali ngane o vano, a vuhuna o ngaru hateka ni hamule na tanga vomu. Pali i navai o panaho a maka vure nau?”

Apostolo 16:5

Na naro iea kunana, ni vakatora a niluhoi ne huriki a tara ne Kristo, e huriki ala kupo ri luhoi tora, ri dili na tara ne Kristo na parava lobo.

Apostolo 19:21

Muri e Paulus i ngaru ni laho lakea o Masedonia, o Akaia muri ge lakea o Ierusalem. Lakea i ta maea, “Ga lakea taro o Ierusalem, muri a Vure i ngaru iau ga lakea o Rom.”

Apostolo 19:6

Muri e Paulus i ru langa a limana ne ria, lakea a Hanu Kiripiripi i puru ne ria, ri ta na tabele tebi, ri ta propet.

A Raukea e Paulus i Here Lakea ne Huriki a Rom 1:12

A ngaru hateka ni matai mua, si gi vatuhori. Mu gu vakatora a niluhoi nau na naro mu luhoi torea e Kristo vona. Iau tara ga vakatora a niluhoi ne mua na naro iau a luhoi torea e Kristo vona.

A Raukea e Paulus i Here Lakea ne Huriki a Rom 15:23

Na pida i kupo a ngaru ni matai mua. Pali ngane, a tanga lobo na tabeke nga ri longo pali a Velenga Kamumu,

A Raukea e Paulus i Here Lakea ne Huriki a Rom 15:29

A lohoka vona, na tahuna a made turane mua, e Kristo bara i vakabagetu hita.

A Raukea e Paulus i Here Lakea ne Huriki a Rom 15:32

Mu vasileki maea, a Vure ge ngaru, bara luve ne mua. Bara luve turana nivivi, mu gu vakatora tabu a niluhoi nau.

A Raukea e Paulus i Here Lakea ne Huriki a Rom 16:25

A Vure i tahoka a nitora ni vakatora a niluhoi ne mua, i manga a Velenga Kamumu a taki mua vona na tahuna a vara mua ne Isu Kristo. Na pida i kupo hateka a Velenga Kamumu iea i tabuli kapiloho.

2 Korin 1:15

A lohoka vona, lakea ta ga lakene taro ne mua, ga matai mua balaka rua.

2 Korin 1:21

A Vure kunana a viri i rata hita si pesi tora ni rihi e Kristo. I vulaki hita,

2 Korin 11:4

E huriki ranga ri bele ne mua, ri vara mua ne Isu, i tebi na ngava a vara mua vona, o ri vara mua na Hanuna Vure, i tebi na ngava a vara mua vona, o ri vara mua, i tebi na Velenga Kamumu mu luhoi tora mugea. Pali i navai mu vivi ni longo mai kunana?

2 Korin 9:14

Muri, bara ri ngaru hateka mua, ri vasileki ne mua, a vuhuna bara ri luhoi mule a hini a Vure i rata a naro kamumu hateka ne mua.

Pilipai 1:8

A ngaru hateka mua na ningaru lobo ne Isu Kristo. A Vure i lohoka vona a ta muholi.

Pilipai 2:26

I dodo hateka mua. I loho lege ne mua, a vuhuna mu longo ta i giloa.

Pilipai 4:1

I mavonga, mua e huriki a turagu, mu pesi tata mavonga turana e Bakovi Dagi. A ngaru hateka mua, a vivi ne mua. A ngaru hateka ni matai mua. Mu vakabagetu a leho nau.

1 Tesalonika 3:13

I mavonga, a Vure, e Tamane hita, i uka ma ge padi virihi mua vona tara ngava, bara mu malamala na matana, na tahuna a Bakovi Dagi ne hita, e Isu, ge hamule valai turana e huriki a viri malamala vona.

1 Tesalonika 3:2

miri rudu lakenea ne mua e Timoti. Ia a turane hita, a vora na Vure ni vakalongo a Velenga Kamumu ne Kristo. Miri rudu lakenea ge vakatora a niluhoi ne mua,

2 Tesalonika 2:17

ru gu vakatora a hatene mua, ru gu tuhori mua mu gu rata a naro kamumu, a ngava kamumu.

2 Tesalonika 3:3

Pali e Bakovi Dagi i ramai vakaroro a nitana. Bara i vakatora mua, i tagari mua na bakovi hale, re Satan.

Hibru 13:9

Naha ni nunu muri mai a maka nitovo tebi legelege. I kamumu a Vure ge vakatora a hatene mua na naro kamumu vona. A maka vinara na maki ni kani i uka ma i kori e huriki ri muri mai. Naha ni muri mai a maka vinara nga.

1 Petrus 5:10

I mavonga, na tahuna mu bole pali a nimadihi popote, a Vure na nidodo bara i kisi mua, i vakatora mua, i rata mua mu pesi tora. Ra Vure i rata kamumu mua, i gale mua mu gu made turana vakaroro na bagetuanga vona, a vuhuna mu luhoi torea e Isu Kristo.

1 Petrus 5:12

E Sailas i manga e turagu muholi, i rata kamumu a leho lobo a habi vona. I kori iau, i here poloa a raukea kiroko iea, ra a vara mua, a taki tala ne mua a naro kamumu muholi na Vure. Mu pesi tora vona.

2 Petrus 1:12

I muholi, mu lohoka vona pali a maka maki nga. Mu bolea pali a ngava muholi, mu pesi tora vona. Pali a koi mu gu longokaburungi, lakea a ngaru ni vakalohoka mua tabu vona.