Pilipai 3:3 - A Nitana Vure

³ Pali hita kunana a Israel muholi, si kavurikea e Isu Kristo na nitora na Hanuna Vure, ra hita i uka ma si luhoi hateka a kakaine hita.

Pilipai 3:3 Iomraidhean Croise

A Raukea e Paulus i Here Lakea ne Huriki a Rom 1:9

Iau a luhoi vakaroro mua, a vasileki. A Vure i lohoka vona a ta muholi, ra Vure, a viri a habi a hategu ni vora vona, a vakalongo e huriki na Velenga Kamumu ne Tuna.

A Raukea e Paulus i Here Lakea ne Huriki a Rom 15:17

I mavonga, a vivi vona a leho na Vure a ratea, a vuhuna e Isu Kristo i korimule iau.

A Raukea e Paulus i Here Lakea ne Huriki a Rom 7:6

Pali ngane si matukapaga na vinara, i manga a vorakato i mate, i matukapaga na hini ia a vorakato vona. Ngane a Vinara ne Moses i uka ma i matakari tabu hita. A Hanuna Vure i habi a nimahuri karaba ne hita, i matakari hita.

A Raukea e Paulus i Here Lakea ne Huriki a Rom 8:15

A ta mavonga, a vuhuna a Hanuna Vure i uka ma i rata hita si gi vora tabu na naro hale, si gi mangenge. I rata hita, re hita e huriki a tuna Vure, si gi gale maea, “Tata! O tata!”

A Raukea e Paulus i Here Lakea ne Huriki a Rom 9:6

I uka ma a taki a Vure ge tatami, i uka ma ge ramai a ngavana, a vuhuna e huriki a hamone Israel ranga i uka ma ria a hamona muholi.

2 Korin 11:18

Pali e huriki ranga ri leho turane mua ri bibi rike mule ria vona a leho na malala ri ratea. I mavonga, iau tara ga bibi rike mule iau.

Galesia 5:25

A Hanu Kiripiripi i habi ne hita a nimahuri karaba. I mavonga, si gi muri mai a ningaru na Hanu Kiripiripi.

Galesia 6:16

E huriki lobo ri muri mai a ngava iea, a Vure ge habi a nivalemu ne ria, ge dodo ria. E huriki nga, ria e huriki a Israel muholi na Vure.

Epesus 6:18

Mu mamata, mu matapara, mu vasileki, mu nanea a Vure na parava vakaroro na nitora na Hanu Kiripiripi. Mu rata mavonga vakaroro, mu vasileki ne huriki a tara na Vure.

Vinara 10:16

I mavonga mu vorotaparaki a naro na tagenga, mu ramai kamumu a maka nitane BAKOVI DAGI,

Vinara 30:6

Bara i rata mua turane huriki a hamone mua, mu pulo a niluhoi ne mua, mu ramai a ngavana, bara mu ngaru hatekea, mu made vakaroro vona a malala iea.

Pilipai 1:1

Iau e Paulus. A raukea iea i valai ne maria e Timoti, a vora ne Isu Kristo. A here lakea ne mua a tara ne Isu Kristo, e huriki a gare na lotu, e huriki a vora na lotu, mu made o Pilipai.

Pilipai 3:12

I uka ma a taki a mulangi pali, o a moro liu pali. Pali a rura ni bele manga e Isu Kristo, a vuhuna i vulaki iau.

Pilipai 3:14

A toni a bulugu, ga bole a mapagu meli na hunu, ra Vure i gale hita vona na tahuna si luhoi torea e Isu Kristo.

Kolosi 2:11

Mu madoko turane Kristo, i puga vuroki a naro hale ne mua, i manga a rabu ni pala a kulina viri.

Iuda 1:20

Pali mua, o huriki a turagu, mu vaka­tora a niluhoi malamala ne mua. Mu vasileki na nitora na Hanu Kiripiripi.