Pilemon 1:6 - A Nitana Vure

⁶ A vasileki vona na tahuna o taki e huriki a niluhoi vomu ne Kristo, bara i vakabele a kanena, ri gi lohoka kamumu vona a maki kamumu lobo si gi bole a vuhuna si rihi e Kristo.

Pilemon 1:6 Iomraidhean Croise

Mateo 25:16

A viri i bole a moni gol i 5,000 i vano, i rata a leho vona, i vakabele tabu a moni gol i 5,000.

Mateo 5:16

I mavonga kunana a naro kamumu ne mua ge parai e huriki a bakovi a ngatavine, ri gi matai, ri gi kavurikea e Tamane mua na hunu.

1 Korin 14:25

A niluhoi hale kapiloho vona bara ni taki tala, lakea bara i turume puru, i kavurikea a Vure, i taki tala na Vure i made muholi turane mua.

1 Korin 16:9

a vuhuna a Vure i kado puru pali a dalagu ga rata a leho dagi vona, ga vakabele a kanena dagi. Ri ala kupo hateka ri gege iau koea.

Pilipai 4:8

Mua e huriki a turagu, a maka naro i muholi, a maka naro ni togo, a maka naro malamala, a naro kiripiripi, a naro kamumu e huriki ri ngaru, a naro e huriki ri kavurikea, a maka maki i kamumu, a maka maki e huriki ri kavurike, mu luhoi tata a maki nga.

Kolosi 1:9

Na tahuna miri longo a nuverei ne mua, miri vasileki vakaroro ne mua. Miri nana vakaroro a Vure ge rata mua, mu gu gao na maki na Vure, ge habi a lohokanga ne mua, mu gu lohoka na ningaru vona.

Kolosi 3:10

mu bole pali a vilo karaba. Ra vilo karaba a Vure i ratarikea, i rata karabea vakaroro, ge manga a vilona, lakea bara mu lohoka muholi na Vure.

Hibru 6:10

Mu leho tora vakaroro ni kori e huriki a tara na Vure. Mu vakasiri manga mu ngarua a Vure. I uka ma ge mata kepa vona a Vure, a vuhuna a narona i kiripiripi kunana.

Iakop 2:14

Mua e huriki e turagu, a ra a maki i kamumu vona a bakovi ge takia ta i luhoi torea e Isu, pali a narona i uka ma i vakasiri mavongea? A niluhoi maea, i uka ma ge korimulea.

Iakop 2:17

A naro na niluhoi tora i mavonga kunana. Na tahuna a viri i taki ta i luhoi torea e Kristo, pali i uka ma i rata a naro kamumu, a niluhoi vona a maki tavula kunana.

1 Petrus 2:12

Mu laho malamala na matane huriki ri made na uvo. Lakea na tahuna ri padi virihi mua, ta mu rata a naro hale, bara ri matakilaka vona a naro malamala ne mua. Muri bara ri kavurikea a Vure na Parava i valai vona.

1 Petrus 3:1

Mua o huriki a ngatavine, mua ranga, mu longototo e girihine mua. Bara mu rata mavonga, bara ri pulo a vilone ria e girihine mua i uka ma ri luhoi torea a nita na Vure. I uka ma ni gi vara ria, pali bara ri pulo a vilone ria na tahuna ri matai a naro kamumu ne girihine ria,

1 Petrus 3:16

Na tahuna mu tuveve ne ria, mu togo ria, mu ta madoru. Mu laho malamala, i uka ma mu gu hataki manga mu tahoka a naro hale, lakea na tahuna e huriki ri padi momo tavula mua, bara ri maruhu, a vuhuna ri matai mua, mu rata a naro kamumu, a vuhuna mu rihi e Kristo.

2 Petrus 1:8

Na tahuna mu ramai vakaroro a naro nga, a leho na Vure mu ratea bara i tahoka a kanena. A hini mu lohoka vona e Isu Kristo, a Bakovi Dagi ne hita, ia tara bara i tahoka a kanena.