Pilemon 1:1 - A Nitana Vure

¹ Iau e Paulus, ni ru dili iau na bavi, a vuhuna a ramai e Isu Kristo. Maria e Timoti, a turane tarua, miri here lakene vomu o Pilemon. Miri ngaru hateka ioe, te leho palupu.

Pilemon 1:1 Iomraidhean Croise

Apostolo 16:1

E Paulus i havai lakea o Derbe, muri i lakea o Listra, a tanga i made vona a murimuri tara, a rane Timoti. E kinane Timoti a ngatavine o Iuda i luhoi torea e Kristo, pali e tamana a bakovi o Gris.

1 Korin 3:9

Maria varago a vora na Vure, miri leho palupu. Mua a hania na Vure. Mu manga a roho na Vure.

2 Korin 1:1

Iau, e Paulus, a apostolo ne Isu Kristo, na ningaru na Vure. Maria e Timoti, a turane hita, miri herea a raukea iea. I lakea ne mua e huriki a tara na Vure mu made o Korin, turana e huriki a tara na Vure ri made na tabeke lobo ne Akaia.

Galesia 3:26

a vuhuna ngane mu bele manga e huriki a tuna Vure, a vuhuna mu luhoi torea e Isu Kristo.

Epesus 3:1

A vuhuna a Vure i bole mua e huriki i uka ma mua a Iuda, ngane a vasileki ne mua, ra iau e Paulus, a vora ne Isu Kristo. A made na bavi a vuhuna a vakalongo ne mua e huriki i uka ma mua a Iuda, a ngava ne Isu Kristo.

Epesus 4:1

I mavonga, iau a nana mua, ra iau ni ru dili na bavi a vuhuna a rata a leho ne Bakovi Dagi. A nana tora mua mu gu laho na naro i karea a naro a Vure i gale mua mu gu laho vona.

Epesus 6:20

Iau a vinuru ni vakalongo kavakava a Velenga Kamumu. I mavonga iau ni ru dili na bavi. Mu vasileki nahea ga mangenge, ga taki tala kavakava a Velenga Kamumu, i manga a hini a Vure i ngaru iau ga rata.

Pilipai 1:1

Iau e Paulus. A raukea iea i valai ne maria e Timoti, a vora ne Isu Kristo. A here lakea ne mua a tara ne Isu Kristo, e huriki a gare na lotu, e huriki a vora na lotu, mu made o Pilipai.

Pilipai 2:25

Pali muga ga rudu mulea ne mua e Paproditus. I manga e turagu muholi. Miri leho palupu ni tagari a Velenga Kamumu. Ia a vinuru ne mua, mu rudu vilia ge tuhori iau.

Pilipai 4:3

Pali ioe Sisogos tara, o kori a ngatavine ala rua nga. Rua varago ru leho turagu ni vakalongo a Velenga Kamumu. Mete leho turana e Klemen, e huriki ranga, a rane ria ni here na buk na nimahuri.

Kolosi 1:1

Iau e Paulus. A Vure i vulaki iau ge iau a apostolo ne Isu Kristo. Maria e Timoti miri herea a raukea iea.

Kolosi 4:11

A bakovi ni gale e Isu, a rana kalale vona e Iustus, ia tara i talo rike a haro kamumu ne mua. Ra bakovi nga, tou kunana a bakovi o Israel, to leho turagu koea ni tovo e huriki na nitana Vure. To vakatora a niluhoi nau.

1 Tesalonika 3:2

miri rudu lakenea ne mua e Timoti. Ia a turane hita, a vora na Vure ni vakalongo a Velenga Kamumu ne Kristo. Miri rudu lakenea ge vakatora a niluhoi ne mua,

2 Tesalonika 1:1

Iau e Paulus, turane Sailas e Timoti mete herea ra raukea iea i lakene ne mua o Tesalonika, ra mua e huriki a tara na Vure, e Tamane hita, e Isu Kristo a Bakovi Dagi.

2 Timoti 1:8

Lakea, naha ni maruhu ni vakalongo e huriki ne Bakovi Dagi ne hita. Naha ni maruhu ne nau ni ru dili na bavi. Tu gu bole a nimadihi a vuhuna tu ramai a Velenga Kamumu. Tu gu kaloho a nimadihi iea na nitora na Vure.

Pilemon 1:23

E Epapras i talo mua. I made na bavi turagu, a vuhuna i ramai e Isu Kristo.

Pilemon 1:24

E Markus, e Aristakus, e Demas, e Lukas, ra ri leho turagu, ria ranga ri talo mua.

Pilemon 1:9

Pali a vuhuna tu vangaru, a koi ni vakuku ioe. Iau, a gare, a made na bavi, a vuhuna a ramai e Isu Kristo. Lakea a ngaru ni taki kunana ioe.