Mateo 9:8 - A Nitana Vure

⁸ Na tahuna e huriki ri masia a naro iea, ria lobo ri mangenge, lakea ri kavurikea a Vure, ra viri i habi a nitora.

Mateo 9:8 Iomraidhean Croise

Mateo 12:23

E huriki ri masia, ri turutu, ri vanana maea, “Ra bakovi iea, a viri si davea, a hamone Davit?”

Mateo 15:31

E huriki lobo ri turutu na tahuna ri matai e huriki a ngavarubu ri ta, e huriki a beu ri tavaga, e huriki a vaha hale ri laho tabu, e huriki a kepa ri matapara. Lakea ria lobo ri kavurikea a Vure ne Israel.

Mateo 28:18

Muri e Isu i valai mai ria, i ta maea, “A Vure i habi nau a nitora lobo na hunu a malala.

Mateo 5:16

I mavonga kunana a naro kamumu ne mua ge parai e huriki a bakovi a ngatavine, ri gi matai, ri gi kavurikea e Tamane mua na hunu.

Mateo 9:7

Lakea i pesi rike, i lakea na tanga.

Markus 2:12

Lakea i pesi rike, i malaviriri kunana i kaloho a kiri vona, i laho tala. E huriki lobo ri masia, ri turutu, ri kavurikea a Vure, ri ta maea, “I uka ma mi masia hosi tara maki ge maea!”

Markus 7:37

Ri turutu hateka, lakea ri ta maea, “A maki lobo i rata kamumu. I rata e huriki ri vou ri longo, i rata e huriki ri ngavarubu ri ta.”

Lukas 13:13

Muri i padoia. I malaviriri kunana i tavaga rike, i vakatubu ni kavurikea a Vure.

Lukas 17:15

A viri tara ne ria i masia i malaharuri vona patala, lakea i hamule i gale dagi i kavurikea a Vure.

Lukas 17:18

I navai ri koi ni hamule ri gi kavurikea a Vure? Ra mosi iea kunana i hamule valai, i kavurikea a Vure.”

Lukas 18:43

I malaviriri kunana i matapara, i muri ne Isu i kavurikea a Vure. Na tahuna e huriki a bakovi a ngatavine ri masia a kepa iea i matapara, ria ranga ri kavurikea a Vure.

Lukas 2:20

E huriki a matakari na sipsip ri hamule lakea na sipsip ne ria, ri kavurikea a Vure vona a maka maki ri longo, ri matai, a vuhuna i bele manga kunana a hini a agelo i taki ria vona.

Lukas 23:47

Na tahuna a ubu na tara na nugu­maheto i masia a maki i bele, i kavurikea a Vure, i ta maea, “Muholi hateka, a bakovi iea i uka ma i ratea tara naro hale!”

Lukas 7:16

E huriki lobo ri mangenge, ri kavurikea a Vure. Lakea ri ta maea, “A propet dagi i bele na kurukurune hita. A Vure i valai pali ge tuhori e huriki a ngate vona.”

Ioanes 15:8

Na tahuna mu vakabele a kanene mua i kupo mu vakasiri mua, mua e huriki a murimuri nau, lakea mu ratea a rane Tata i dagi na malala.

Apostolo 11:18

Na tahuna ri longoa a nitana, ri uka ngava, lakea ri kavurikea a Vure, ri ta maea, “Ngane si lohoka vona e huriki a bakovi i uka ma ria a Iuda, ria ranga a Vure i ngaru ria ri gi pulo a vilone ria, ri gi bole a nimahuri vakaroro.”

Apostolo 21:20

Na tahuna ri longo a ngavane Paulus, ri kavurikea a Vure. Muri ri takia e Paulus, ri ta maea, “Paulus ioe a turane mia. E huriki a Iuda ala kupo hateka ri luhoi torea e Isu ngane. Re huriki nga ri tora hateka na ni muri mai a vinara ne Moses.

Apostolo 4:21

Muri e huriki a matakari na Iuda ri ta pupukari tabu ne huriki a apostolo nga nahea ru gu vara tabu, muri ri vakapagitala rua. I uka ma ri matavisia tara dala ri gi vakamadihi rua vona, a vuhuna e huriki lobo ri kavurikea a Vure vona a maki i bele.

2 Korin 9:13

Na tahuna mu kori e huriki maea, bara ri vakabagetua a Vure. A naro hate balala ne mua, mu kori e huriki nga, mu kori e huriki a tara na Vure lobo, bara i vakasiri manga mu longototo a Velenga Kamumu ne Kristo.

Galesia 1:24

I mavonga ri kavurikea a Vure vona a maki i bele nau.

1 Petrus 2:12

Mu laho malamala na matane huriki ri made na uvo. Lakea na tahuna ri padi virihi mua, ta mu rata a naro hale, bara ri matakilaka vona a naro malamala ne mua. Muri bara ri kavurikea a Vure na Parava i valai vona.