Mateo 8:11 - A Nitana Vure

¹¹ A taki mua, e huriki ala kupo i uka ma ria a Iuda bara ri valai na tabeke lobo na malala, bara ri made turane Abraham, e Isak, e Iakop na habu na harikianga na hunu.

Mateo 8:11 Iomraidhean Croise

A Vuhuna 12:3

E huriki ri gamai ioe, iau tara ga gamai ria. Pali e rei a viri i ruduraha ioe, bara ruduraha ia. Ne vomu kunana, ga gamai lobo e huriki a bakovi na malala.”

A Vuhuna 22:18

I kamumu o longototo a ngavagu. Ngane ga rata e huriki a hamomu ri gi rata kamumu e huriki lobo na malala.”

A Vuhuna 28:14

E huriki a hamomu bara ri ala kupo manga a habulo na malala. Bara mu made vona a hini i vakatubu na nirolona haro, i lakea mai a nirikena haro, a hini i sike lakea i puru lakea. E huriki a viri lobo na malala ga gamai ria, a vuhuna iau a gamai e huriki a hamomu.

A Vuhuna 49:10

A kodo-hariki i tabuli na limamu, bara o matakari vakaroro, i harena na tahuna o bele na tanga e Silo, o matakari e huriki ala kupo.

Mateo 21:41

Ri koli ri ta maea, “Bara i rabalaki e huriki a bakovi hale nga. Muri bara i habia ne huriki a bakovi na leho ranga a hania na vain vona. Pali na tahuna na nimirio, bara ri habi mule na tahona malala ranga kanena vain.”

Mateo 24:31

Muri a tavure bara i tangi dagi na tahuna i rudu e huriki a agelo vona ri gi bole sike palupu na tabeke lobo na malala e huriki a bakovi a ngatavine i vulaki ria. Bara ri bole ria na tabeke lobo, i vakatubu na tabeke tara na malala, i vano i lakea na tabekena tara.

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Mateo 8:10

Na tahuna e Isu i longoa a ngavana bakovi iea, i turutu. Lakea i taki e huriki ri muri vona, i ta maea, “A taki muholi mua, i uka ma a masia ma tara bakovi o Israel ge luhoi torea a Vure ge manga a bakovi iea.

Lukas 12:37

Na tahuna i hamule valai, bara i rata kamumu e huriki a vora vona i uka ma ri mahita. A taki muholi mua, ra bakovi dagi iea bara i bagetu i taki ria ri made na dede, i vakani ria.

Lukas 16:22

“Na parava tara a matasia iea i mate. E huriki a agelo ri valai, ri bole sikea, ri taparakia ge made turane Abraham. Muri a bakovi na mahala i mate, ni tanu.

Apostolo 10:45

E huriki a murimuri ri valai turane Petrus, e huriki ni pala pali a kuline ria, ri turutu vona a Vure i habi a Hanu Kiripiripi ne huriki a kabu i uka ma ria a Iuda.

Apostolo 11:18

Na tahuna ri longoa a nitana, ri uka ngava, lakea ri kavurikea a Vure, ri ta maea, “Ngane si lohoka vona e huriki a bakovi i uka ma ria a Iuda, ria ranga a Vure i ngaru ria ri gi pulo a vilone ria, ri gi bole a nimahuri vakaroro.”

Apostolo 14:22

ru vakatora a niluhoi ne huriki a murimuri vonga ri gi pesi tora na niluhoi torea e Kristo, ru ta maea, “Bara si bole a nimadihi i kupo muga ni dili na harikianga na Vure.”

Apostolo 14:27

Na tahuna ru bele o Antiok ru gale palupu e huriki a tara ne Kristo, ru vakalongo ria vona a maka maki a Vure i rata na limane rua. Ru vakalongo ria vona a Vure i vakasiri a dala ne huriki i uka ma ria a Iuda, ri gi luhoi torea e Kristo.

1 Korin 15:20

Pali i muholi hateka. E Kristo i mahuri mule na matenga. I mahuri mule muga ne huriki lobo ri mate pali. I vakasiri manga i muholi hateka, hita ranga, si gi mahuri mule muri ma.

1 Korin 6:9

I navai? I uka ma mu lohoka vona? E huriki ri rata a naro hale i uka ma ri gi dili na harikianga na Vure. Naha ni tami mule mua. E huriki ri mole, e huriki ri kavurike a vure ranga, e huriki ri tuli e girihina viri tara, e huriki a bakovi ri radi a bakovi,

Epesus 3:6

A niluhoi kapiloho iea i maea: e huriki i uka ma mua a Iuda, mua ranga mu gu bole a maka maki na Vure. Mua ranga mu dili na tara na Vure. Mua ranga mu gu bole a maki a Vure i ta muholi vona na tahuna mu longo a Velenga Kamumu, mu rihi e Isu Kristo.

Kolosi 3:11

Na matana Vure e huriki a Iuda, e huriki i uka ma ria a Iuda, e huriki ni pala a kuline ria, e huriki i uka ma ni pala a kuline ria, e huriki a bakovi na robo, e huriki a vora, e huriki i uka ma ria a vora, ria lobo ri palupulupu na matana Vure. E Kristo ia a maki lobo, i made pololilo ne huriki ri luhoi torea.

2 Tesalonika 1:5

Na tahuna mu pesi tora mavonga, i vakasiri hita na Vure i pelekado kamumu e huriki. I mavonga, a Vure ge taki mua, mua a viri kamumu, mu gu made na harikia vona, ra ngane mu bole a nimadihi a vuhuna mu ngaru ni dili vona.

Kapiloho 7:6

Ri ala 12,000 ri valai na kabu ne Aser. Ri ala 12,000 ri valai na kabu ne Naptali. Ri ala 12,000 ri valai na kabu ne Manase.