Mateo 6:9 - A Nitana Vure

⁹ I mavonga, mu vasileki maea: ‘Tamane mia meli na hunu, mi ngaru e huriki ri gi togoa a ramu,

Mateo 6:9 Iomraidhean Croise

E Levi 10:3

Muri e Moses i takia e Aron, “E BAKOVI DAGI i ta maea: ‘E huriki ri leho nau, ri gi lohoka kamumu vona iau a kiripiripi. Na matane huriki lobo, bara vakasiri ria vona a nitora dagi, a bagetua nau.’” E Aron i longoa a nita iea, i uka ngavana.

Mateo 10:29

A tuna sisiu i rua bara ni habi ni gi kona na 10 toea kunana. Pali ri mate na tahuna e Tamane mua i taki ri gi mate vona.

Mateo 23:9

Nahea mu gu galea tara viri na malala ge tamane mua, a vuhuna e Tamane mua i taku kunana, ra i made na hunu.

Mateo 26:29

A taki mua, iau i uka ma ga ninu tabu a vain, bara i vano i harena na parava a ninu a vain karaba turane mua na harikianga ne Tata.”

Mateo 26:42

Lakea i vano i vasileki tabu, i ta maea, “O Tata, ra nimadihi iea, o masia i uka ma ge polo tavula, bara kalohoa. A ningaru vomu.”

Mateo 5:16

I mavonga kunana a naro kamumu ne mua ge parai e huriki a bakovi a ngatavine, ri gi matai, ri gi kavurikea e Tamane mua na hunu.

Mateo 5:48

Mu laho malamala liu, a vuhuna e Tamane mua meli na hunu i malamala liu.”

Mateo 6:14

“Na tahuna mu lohopile a naro hale ni rata virihi mua vona, e Tamane mua na hunu tara bara i puga vuroki a naro hale ne mua.

Mateo 6:6

Na tahuna o vasileki, o dili na ruma, o tukaria a logo, o vasileki ne Tamamu, ra i made kapiloho. Muri e Tamamu, ra i matai a maki lobo ni rata kapiloho, bara i kona ioe.

Mateo 7:11

Mua e huriki a bakovi hale, pali mu matakari kamumu e huriki e tune mua. E Tamane mua meli na hunu i kamumu liu. Pali i navai mu luhoia i uka ma ge habi a maki kamumu ne huriki ri nanea?

Lukas 15:18

Ga vano ga hamule mai e tata, ga takia ga ta maea, “Iau a rata virihi a naro hale na Vure, a rata a naro hale virihi mai ioe.

Lukas 15:21

“Lakea i takia e tamana i ta maea, ‘Tata, iau a rata a naro hale virihia a Vure. A rata a naro hale virihi ioe. I uka ma a bakovi kamumu go gale iau ge iau e tumu.’

Lukas 2:14

“Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

Ioanes 20:17

Lakea e Isu i takia, i ta maea, “Naha ni nugu iau, a vuhuna i uka ma a hamule lakea ma ne Tata. Pali ngane o hamule lakea ne huriki a turagu, o taki ria, ‘Iau ga hamule lakea ne Tata ne Tamane mua, na Vure nau a Vure ne mua.’”

A Raukea e Paulus i Here Lakea ne Huriki a Rom 1:7

A herea a raukea iea i lakene mua e huriki a bakovi a ngatavine o Rom. A Vure i ngaru hateka mua, i gale mua ge mua a tara vona. A Vure e Tamane hita turana e Isu Kristo, a Bakovi Dagi ne hita, ru gu rata kamumu mua, ru gu habi a nivalemu ne mua.

A Raukea e Paulus i Here Lakea ne Huriki a Rom 8:15

A ta mavonga, a vuhuna a Hanuna Vure i uka ma i rata hita si gi vora tabu na naro hale, si gi mangenge. I rata hita, re hita e huriki a tuna Vure, si gi gale maea, “Tata! O tata!”

Galesia 1:1

Iau e Paulus a herea ra raukea iea. Iau a apostolo. I uka tara bakovi ge vulaki iau. E huriki i uka ma ri rudu iau ge iau a apostolo. E Isu Kristo, turana Vure, e Tamana, ra viri i vakamahuri mulea na matenga, rua kunana ru vulaki iau, ru rudu iau ge iau a apostolo.

Galesia 4:6

Pali ngane mua e huriki a tuna Vure. I rudu vilia a Hanune Tuna ge made na hatene hita, i gale maea, “Tata! O Tata!”

1 Timoti 6:16

Ia kikeri i uka ma ge mate. Bara i mahuri vakaroro. I made na nipara. A nipara iea i para hateka, i uka tara viri ge lokovonga tabukoi vona. I uka tara viri ge masia ma a Vure. I uka tara viri ge kara ni masia. Si gi togo vakaroroa. A nitora, ne vona kunana vakaroro. I muholi.

1 Petrus 1:17

A Viri mu vasileki vona, e Tamane hita, i pelekado e huriki lobo na naro i taku kunana, i pelekado ria i ramai a narone ria. I mavonga, mu mangenge na Vure, mu laho kamumu manga a mosi koea na malala.

Kapiloho 4:11

“O Bakovi Dagi ne mia, a Vure ne mia. Ioe kunana i kara ioe e huriki ri gi vakabagetu ioe, ri gi togo ioe, ri gi kavurike a nitora vomu, a vuhuna ioe o ratarike a maki lobo na ningaru vomu kunana o ratarike ria, ri bele.”

Kapiloho 5:12

ri gale tala dagi, ri ta maea, “E huriki lobo ri gi kavurikea a Tuna Sipsip, ra ni rabalaki! Ri gi matakilaka vona a nitora dagi vona, a mahala dagi vona, a lohokanga vona, a harikianga vona! Ri gi togoa, ri gi vakabagetua, ri gi kavurikea!”