Mateo 6:5 - A Nitana Vure

⁵ “Na tahuna mu vasileki, naha ni rata manga e huriki a tabele rua. Na tahuna ri vasileki, ri pesi pololilo na roho na vaponga, o na harena dala, ri ngaru ni gi matai. A taki muholi mua, a mapane ria ri bole loboa pali.

Mateo 6:5 Iomraidhean Croise

Mateo 21:22

Mua bara mu luhoi tora, bara ni habi ne mua a maki mu vasileki vona.”

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Mateo 23:5

“A maki lobo ri rata, ri vakaholi kunana, e huriki ri gi matai. Ri tama na dumene ria a maka puhu na nitana hinere, ri bole na limane ria ranga. Ri rata a varakia na nivasileki ne ria i ola, i bola.

Mateo 23:6

Ri ngaru ni made mugamuga na gula kamumu na habu, na gula kamumu na roho na vaponga.

Mateo 6:1

Muri e Isu i ta maea, “Na tahuna mu rata a naro kamumu, naha ni vakasiri. Mu rata kapiloho. Bara mu vakasiri, i uka ma mu gu bole a mapane mua ne Tamane mua na hunu.

Mateo 6:16

“Na tahuna mu peremu, nahea mu gu mata vitoloka i manga e huriki a tabele rua ri rata. Ri rata ria i malulu a matane ria ri gi vakasiri e huriki ta ri pile a kinani. A taki muholi mua, a mapane ria ri bole loboa pali.

Mateo 6:2

Na tahuna mu habi a maki na matasia, naha ni rudu mugea a viri ge vaki a tavure ge vakalongo e huriki. E huriki a tabele rua ri rata mavonga pololilo na roho na vaponga, polovavo na dala. Ri ngaru e huriki ri gi kavurike ria. A taki muholi mua, ri bole lobo pali a mapane ria.

Mateo 9:38

Lakea mu nanea a tahona hania ge rudu valai tabu ranga bakovi ri gi mirio.”

Markus 11:25

Na tahuna mu vasileki, mu longovisi ranga naro hale ni rata virihi mua vona, mu lohopile, lakea e Tamane mua na hunu tara bara i puga a naro hale ne mua.

Markus 12:38

Na tahuna e Isu i vara ria, i taki ria, i ta maea, “Mu matadoko ne huriki a mari na vinara. Ri ngaru ni rodo a varakia olaola, ri gi laho lae. Ri ngaru e huriki ri gi tagui ria na mada ni vahabi ni vakona maki.

Lukas 11:43

“Mua o huriki a Pariseo, a Vure ge pele­kado mua, a vuhuna mu ngaru ni made mugamuga na gula dagi na roho na vaponga, mu ngaru e huriki ri gi tagui mua na tahuna ri matai mua na mada.

Lukas 18:1

Muri e Isu i taki e huriki a murimuri vona na nita vakakika tara, a vuhuna i ngaru ri gi vasileki vakaroro, ri gi hatenono.

Lukas 18:13

“Pali a bakovi ni bole a takis i pesi basi, i uka ma i mata sike na hunu. I dodo hateka vona a hini ia a bakovi hale. I maruhu hateka, i ta maea, ‘Vure nau, o dodo iau a bakovi hale.’

Lukas 20:47

Ri rata a nivasileki olaola, e huriki ri gi luhoi ta ria a bakovi kamumu hateka, pali ri panaho a ruma, a malala ne huriki a havuri. Re huriki nga, a Vure bara i habi a nimadihi dagi ne ria na tahuna i pelekado a narone ria.”

Lukas 6:24

Pali mua o huriki a viri na mahala ngane, a Vure bara i ratapile mua, a vuhuna mu bole pali a nimade kamumu ne mua.

Ioanes 16:24

I valai i harena mona, i uka ma mu nana vona ma na ragu tara maki. Mu nana, bara mu bole, lakea bara mu vivi hateka.

Epesus 6:18

Mu mamata, mu matapara, mu vasileki, mu nanea a Vure na parava vakaroro na nitora na Hanu Kiripiripi. Mu rata mavonga vakaroro, mu vasileki ne huriki a tara na Vure.

1 Tesalonika 5:17

Mu vasileki vakaroro.

Iakop 4:6

Pali a Vure i rata kamumu hateka hita. I mavonga a Hinere i ta maea, “A Vure i tepu e huriki ri putu ngingi, pali i rata kamumu e huriki ri vakakiroko ria.”