Mateo 6:16 - A Nitana Vure

¹⁶ “Na tahuna mu peremu, nahea mu gu mata vitoloka i manga e huriki a tabele rua ri rata. Ri rata ria i malulu a matane ria ri gi vakasiri e huriki ta ri pile a kinani. A taki muholi mua, a mapane ria ri bole loboa pali.

Mateo 6:16 Iomraidhean Croise

Mateo 6:1

Muri e Isu i ta maea, “Na tahuna mu rata a naro kamumu, naha ni vakasiri. Mu rata kapiloho. Bara mu vakasiri, i uka ma mu gu bole a mapane mua ne Tamane mua na hunu.

Mateo 6:2

Na tahuna mu habi a maki na matasia, naha ni rudu mugea a viri ge vaki a tavure ge vakalongo e huriki. E huriki a tabele rua ri rata mavonga pololilo na roho na vaponga, polovavo na dala. Ri ngaru e huriki ri gi kavurike ria. A taki muholi mua, ri bole lobo pali a mapane ria.

Mateo 6:5

“Na tahuna mu vasileki, naha ni rata manga e huriki a tabele rua. Na tahuna ri vasileki, ri pesi pololilo na roho na vaponga, o na harena dala, ri ngaru ni gi matai. A taki muholi mua, a mapane ria ri bole loboa pali.

Markus 2:18

E huriki a murimuri ne Ioanes, e huriki a Pariseo na parava ranga ri peremu ni kani. Lakea e huriki ranga ri valai, ri nanea e Isu, “I navai e huriki a murimuri ne Ioanes, a murimuri ne huriki a Pariseo ri peremu, pali e huriki a murimuri vomu i uka ma ri peremu?”

Lukas 18:12

Iau a peremu balaka rua na vik i taku. A maki lobo nau a ru na naguna i ravulu, a habia vomu a tabekena i taku.’

Lukas 2:37

Muri e girihina i mate, lakea i uka ma i parangi tabu. Ngane i tahoka a pida i ravulu polotolu a polona i va. I made kunana na roho na Vure, i peremu, i vasileki, i kavurikea a Vure na haro, a rodo.

Apostolo 10:30

E Kornelius i koli, i ta maea, “A maki tara i bele nau rira. Ngane a parava i va i polo pali. A vasileki na tahuna maea, na kilala i tolu na malunga. I bele vakaturutu nau tara bakovi, i pesi na ngalagu, a varakia vona i kea hateka.

Apostolo 14:23

Na tanga takutaku na tabeke ne huriki ri luhoia e Isu, ru vulaki ranga bakovi ge ria a matakari na lotu. Ru peremu na ni kani, ru vasileki, ru habi ria na limane Bakovi Dagi, ra viri ri luhoi torea.

1 Korin 7:5

A mata girihina rua i uka ma ru gu valohopile. Pali bara ru ngaru ni varodo a ngava, ru gu malo popote taro, ru gu vasileki, i uka ngava. Pali muri, ru gu made palupu tabu, ma ge toni rua e Satan, a vuhuna ru keri ni pahadanu a ningaru hale na kakaine rua.

2 Korin 11:27

A leho hateka, na parava ranga i uka ma a mahita kamumu. Na parava ranga a vitolo, a marohu, a malangangi a vuhuna a uka maki ni kavitagu iau vona.

2 Korin 6:5

e huriki ri hotu iau, ri ru dili iau na bavi, e huriki ri vapopo, ri vakamadihi iau. A leho hateka. I uka ma a mahita. A vitolo.