Biblia Todo Logo
Bìoball air-loidhne

- Sanasan -




Mateo 6:13 - A Nitana Vure

13 Naha ni tuli mia mi gi dili na nitoni. O korimule mia na bakovi hale.’

Faic an caibideil Dèan lethbhreac




Mateo 6:13
57 Iomraidhean Croise  

Muri na parava ranga i polo, a Vure i ngaru ni tonia e Abraham. Lakea i galea, “Abraham!” E Abraham i longo, i ta maea, “Iau ieni.”


Nimariu BAKOVI DAGI, a nimatakari vomu i tabuli vakaroro.”


Ra naru iea ge rata ioe, bara i dili na kavutumu i ratea a tamudimu i repo, bara i veu a tagamu.’ “A ngatavine ge koli ge ta maea, ‘I muholi. E BAKOVI DAGI ge rata mavonga.’


Moto mamata, moto vasileki, ma moto go dili na nitoni. A hatene matou i ngaru ni ratea, pali a kakaine matou i uka ma i gao.”


A ngava o taki kunana ge ‘emi,’ e ‘uka.’ A ngava ranga bara o taki, i valai kunana na hanitu.


a harikianga vomu ge valai. A ningaru vomu ni gi ramai koea na malala, i manga a hini ni rata meli na hunu.


I uka ma a taki ioe go bole tala ria na malala. A ngaru go matakari ria na bakovi hale.


A nitoni lobo i bele ne mua, i manga kunana a nitoni i bele ne huriki lobo. A Vure i rata a maki lobo i taki ge rata, i mavonga, na tahuna a nitoni i bele ne mua, bara i matakari mua, a nitoni i uka ma ge rangi a kinigaonga ne mua. Bara i ratea tara dala mu gu malele ha vona a nitoni, i uka ma mu gu boru.


Ioe bara o vasileki kunana na hanumu, a viri i uka ma i lohoka bara i keri ni ta maea, “I muholi”, a vuhuna i uka ma i longokilalea a nitamu.


A maki lobo a Vure i ta muholi vona ri bele muholi ne Isu. I mavonga si gi kavurike poloa ne Isu a Vure, si taki i muholi si kavurikea.


E Kristo i muri mai a ningaru na Vure, re Tamane hita, i habi mule ia na Vure, i manga a nihabi na naro hale ne hita, ne vona ni korimule hita na naro hale na malala iea.


Na malala golea i habi a mana ne mua mu kani. Ra maki ni kani iea e huriki a gare ne mua hosi i uka ma ri kania. I rudu tabu ranga maregoa ge toni mua. Muri bara i rata a maki kamumu ri bele ne mua.


Mu luhoi kamumua e BAKOVI DAGI a Vure ne hita, i muga mua, i tuhori mua vona a nilaho dagi mu ratea. Mu laho viliha na malala golea na pida i ravulu va. Lakea i rudu valai ranga maregoa ge toni mua, ge lohoka vona, mu gu ramai lobo a vinara vona o ge uka.


Ri tuverei tabu ne mateu na hini mu pasimata ne Tuna, e Isu, ge hamule valai na hunu, ra viri a Vure i vakamahuri mulea na matenga. Ia kunana i korimule hita na rongova na Vure ta ge valai.


Pali e Bakovi Dagi i ramai vakaroro a nitana. Bara i vakatora mua, i tagari mua na bakovi hale, re Satan.


Si gi togoa a Vure, si gi kavurikea na parava vakaroro, a vuhuna ia a Hariki Vakaroro. I uka ma ge mate. Si keri ni masia. Ia kunana a Vure Muholi. I muholi.


E huriki ranga ri luhoi torea a Vure, ni harogi pile, ni lagu, ni kolotata na sen, ni ru dili na bavi.


Mu matapara, mu matadoko, a vuhuna a pile ne mua, e Satan, i laho viliha manga a laion i roro, i matakana a viri ge ratapilea.


A Bakovi Dagi i kara ia ge korimule e huriki a bakovi malamala na nitoni. I habi a nimadihi ne huriki a bakovi hale, ge vano ge harena na parava ge pelekado e huriki lobo vona.


Pali e rei a viri i ramai vakaroro a naro hale, ia a bakovi ne Satan, a vuhuna e Satan i ramai a naro hale, i vakatubu hosi na nidoko na hunu a malala. A Tuna Vure i puru valai koea na malala ge vakalobo a leho ne Satan.


Iau a mahuri. Hosi a mate, pali ngane a mahuri vakaroro. Iau a nugua a ki na matenga, a ki na murine huriki ri mate pali.


Muri a longo meli na hunu a maki i nangi manga e huriki ala kupo hateka ri roro, ri ta maea, “Kavurikea a Vure! A Vure ne hita i gao hateka, i tahoka a bagetuanga dagi, i korimule hita!


Muri e huriki a nupesi ala ravulu rua a polona i va (24), turana maki mahuri ala va, ri tabuli puru na ngalane ria, ri kavurikea a Vure, ra i made na gula hariki, ri ta maea, “I muholi. Kavurikea a Vure!”


I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.


Ge ravu vuroki a luhane ria, i uka ma ri gi tangi tabu, i uka ma ri gi mate tabu, i uka ma ri gi dodo tabu, i uka ma ri gi bole tabu a nimadihi, a vuhuna a maka maki hosi i lobo.”


Mu longototo iau na tahuna a taki mua mu gu hatenono, mu gu pesi tora na maregoa. I mavonga ga matakari mua, i uka ma mu gu dili na tahuna na nitoni, ra popote ge valai na tanga lobo na malala, ge toha e huriki lobo ri made na malala.


I ta tabu, i ta maea, “O here lakea na agelo ne huriki a tara na Vure o Laodisia, o here maea: A ngava iea i valai na viri ni gale I Muholi, ra viri i ta muholi, i taki tala a ngava lobo a Vure i takia ge taki. Ia a vuhuna maki lobo a Vure i ratarike.


Muri a longo a maki mahuri lobo na hunu, a maki mahuri lobo na malala, polotano na malala, pololilo na dari, ria lobo ri ta maea, “A viri i made na gula hariki, turana Tuna Sipsip, si gi vakabagetu, si gi togo, si gi kavurike vakaroro rua!”


Lean sinn:

Sanasan


Sanasan