Mateo 6:10 - A Nitana Vure

¹⁰ a harikianga vomu ge valai. A ningaru vomu ni gi ramai koea na malala, i manga a hini ni rata meli na hunu.

Mateo 6:10 Iomraidhean Croise

Mateo 12:50

A viri i muri mai a ningaru ne Tata na hunu, ia e turagu, e kurabagu, e nana.”

Mateo 16:28

A taki muholi mua, i ranga ne mua, ra mu pepesi koea, i uka ma mu gu mate ma, bara mu masia a Tuna Bakovi i luve na harikianga vona.”

Mateo 26:42

Lakea i vano i vasileki tabu, i ta maea, “O Tata, ra nimadihi iea, o masia i uka ma ge polo tavula, bara kalohoa. A ningaru vomu.”

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Mateo 4:17

Ngane e Isu i vakatubu ni vara maea, “Mu pulo a vilone mua. A harikianga na hunu i tabukoi ge bele.”

Mateo 7:21

Naha ni luhoi e huriki lobo ri gale iau e ‘Bakovi Dagi, Bakovi Dagi’ ri gi dili na harikianga na hunu. E huriki bara ri dili, re huriki ri ramai a ningaru ne Tata na hunu.

Markus 11:10

Ni gi kavurike a harikia ne tamane hita, e Davit, i valai ngane. Si gi kavurikea a Vure Meli Liu!”

Markus 3:35

E rei a viri i muri mai a ningaru na Vure i manga e turagu, e kurabagu, e nana.”

Lukas 19:11

E huriki ri talangaki a ngava i taki, lakea e Isu i taki tabua ne ria tara nita vaka­kika, a vuhuna i valai tabukoi pali o Ierusalem, e huriki ri luhoi ta a harikianga na Vure i popote ge valai.

Lukas 19:38

“A Vure ge rata kamumu a hariki i valai na rane Bakovi Dagi! Ngane e huriki a bakovi a ngatavine ri gi made na nivalemu turana Vure. Si gi kavurikea a rana Vure Meli Liu!”

Lukas 22:42

“Tata, ioe bara o ngaru, o korimule iau vona a nimadihi dagi ta ga bolea. Pali naha ni muri mai a ningaru nau. O muri mai a ningaru vomu.”

Ioanes 4:34

Pali e Isu i taki ria, i ta maea, “A Vure i rudu iau a valai. A ngaru ni muri mai a ningaru vona, a ngaru ni vakalobo a maka leho vona. A rabu iea i manga a maki ni kani nau.”

Ioanes 6:40

a vuhuna e Tata i ngaru e huriki lobo ri matai iau, e Tuna, lakea ri luhoi tora iau, ri gi bole a nimahuri vakaroro. Muri na nilobona parava, bara vakamahuri mule ria na matenga.”

Ioanes 7:17

E huriki ri ngaru ni muri mai a ningaru na Vure bara ri mata­kilaka vona a vinara nau i valai na Vure, i uka ma a ngavagu kunana.

Apostolo 13:22

Muri a Vure i vakaloboa e Saulus, i ratea e Davit ge ia a hariki ne ria. A Vure i vakalongo e huriki ne Davit, i ta maea, ‘Iau a matakilalea e Davit, re tune Iesi, ia a bakovi kamumu, a vivi vona. Bara i rata lobo a maki a ngaru ge rata.’

Apostolo 21:14

Mete masia e Paulus i uka ma ge longo a ningaru ne mateu, lakea i uka ma mete toni tabu ni pulo a niluhoi vona, lakea mete ta maea, “A maki e Bakovi Dagi i ngaru ge bele, bara i bele.”

Apostolo 22:14

“Muri i taki iau, i ta maea, ‘A Vure ne huriki a gare ne hita i vulaki ioe go lohoka vona a ningaru vona, go masia a Viri Malamala, go longo a nitana.

A Raukea e Paulus i Here Lakea ne Huriki a Rom 12:2

Nahea mu gu laho manga a bakovi na malala. Mu takia a Vure ge pulo a niluhoi ne mua, mu gu lohoka vona a ningaru na Vure, lakea bara mu matakilaka vona a ningaru na Vure, a ra maki i kamumu, a ra maki i ngaru mu gu ratea.

Epesus 6:6

Naha ni longototo kunana na tahuna ri matai mua, ri gi vivi ne mua. Mu longototo ria manga mua a vora ne Kristo, mu rata na hatene mua a ningaru na Vure.

Kolosi 1:13

A Vure i korimule hita na nitora ne Satan, i bole hita lakea na harikianga ne Tuna a hatena.

Kolosi 1:9

Na tahuna miri longo a nuverei ne mua, miri vasileki vakaroro ne mua. Miri nana vakaroro a Vure ge rata mua, mu gu gao na maki na Vure, ge habi a lohokanga ne mua, mu gu lohoka na ningaru vona.

1 Tesalonika 4:3

A Vure i ngaru mua mu gu malamala na matana. I mavonga, mu lelerau vona a maka naro na molenga.

1 Tesalonika 5:18

A ra maki ge bele ne mua, mu kavurike kunanea a Vure, a vuhuna a Vure i ngaru mua e huriki a tara ne Isu Kristo mu gu rata mavonga.

Hibru 1:14

E huriki a agelo a hanu kunana. A Vure i rudu ria ri gi tuhori e huriki a bakovi a ngatavine a Vure i korimule ria.

Hibru 10:36

Mu pesi tora, mu muri mai a ningaru na Vure. Muri bara mu bole a maka maki a Vure i ta muholi vona hosi ge habi ne mua.

Hibru 10:7

Muri a ta maea, ‘O Vure, o longo! A valai ngane, ga ratea a ningaru vomu, i manga a ngava ni here puru virihi mai iau na Hinere.’”

Hibru 13:21

ge habi ne mua a maka maki ge tuhori mua mu gu rata a maki lobo i ngaru mu gu rata. I rata pololilo ne hita tara maki i vivi vona na nitora ne Isu Kristo. Si gi kavurikea, si gi vakabagetua ngane, na parava vakaroro. I muholi.

1 Petrus 2:15

A Vure i ngaru mu gu longototo ria. Na naro iea, bara mu tukari a ngavane huriki a bakovi manga manga.

1 Petrus 4:2

I uka ma ge ramai tabu a ningaru hale na kakaina. Bara i nunu muri mai kunana a ningaru na Vure.

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 12:10

Muri a longoa a lohona viri i gale dagi na hunu, i ta maea, “Ngane a Vure i korimule hita pali. A nitora, a harikianga na Vure ne hita i bele pali. A nitora na Kristo vona i bele pali, a vuhuna ra viri i padi virihi bala e huriki e turane hita, ni voro puru pali. Ra viri mona kuduvi i pesi na matana Vure, i padi virihi ria.

Kapiloho 19:6

Muri a longoa a maki i nangi manga a lohona e huriki ala kupo hateka ri roro. I nangi manga a bokona dari i rere, a hini i kururu i pelaka. Ri gale tala, ri ta maea, “Kavurikea a Vure! E Bakovi Dagi, a Vure ne hita i tuhaka hateka, i matakari a maki lobo!

Kapiloho 20:4

Muri a matai a maka gula hariki. E huriki ri made ne ria, a Vure i habi a leho ne ria, ri gi pelekado a narone huriki. A matai tabu a hanune huriki a bakovi. E huriki nga ri taki tala a ngava ne Isu, a nitana Vure, i uka ma ri kavurikea e Livoa, o a hanuna, i uka ma ri bole a kilakila vona na dumene ria, na limane ria, lakea ni palakudu a lohone ria. Ngane ri mahuri mule, ri matakari turane Kristo na pida i ravulu rangale.