Mateo 6:1 - A Nitana Vure

¹ Muri e Isu i ta maea, “Na tahuna mu rata a naro kamumu, naha ni vakasiri. Mu rata kapiloho. Bara mu vakasiri, i uka ma mu gu bole a mapane mua ne Tamane mua na hunu.

Mateo 6:1 Iomraidhean Croise

Mateo 16:27

A Tuna Bakovi bara i valai na bagetuanga ne Tamana turana e huriki a agelo vona, ge habi a mapa ne huriki takutaku, ge muri mai a narone ria.

Mateo 16:6

E Isu i taki ria, i ta maea, “Mu matadoko vona a is ne huriki a Pariseo, a is ne huriki a Sadusi.”

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Mateo 23:5

“A maki lobo ri rata, ri vakaholi kunana, e huriki ri gi matai. Ri tama na dumene ria a maka puhu na nitana hinere, ri bole na limane ria ranga. Ri rata a varakia na nivasileki ne ria i ola, i bola.

Mateo 25:40

“A Hariki bara i koli, i ta maea, ‘A taki muholi mua, a ra maki mu rata virihi e huriki a turagu matasia vona, mu rata virihi iau.’

Mateo 5:16

I mavonga kunana a naro kamumu ne mua ge parai e huriki a bakovi a ngatavine, ri gi matai, ri gi kavurikea e Tamane mua na hunu.

Mateo 5:46

Mua bara mu ngaru kunana e huriki ri ngaru mua, a ra maki kamumu mu gu bolea? E huriki a bakovi ni bole a takis, ria ranga ri ngaru kunana e huriki ri ngaru ria.

Mateo 5:48

Mu laho malamala liu, a vuhuna e Tamane mua meli na hunu i malamala liu.”

Mateo 6:16

“Na tahuna mu peremu, nahea mu gu mata vitoloka i manga e huriki a tabele rua ri rata. Ri rata ria i malulu a matane ria ri gi vakasiri e huriki ta ri pile a kinani. A taki muholi mua, a mapane ria ri bole loboa pali.

Mateo 6:9

I mavonga, mu vasileki maea: ‘Tamane mia meli na hunu, mi ngaru e huriki ri gi togoa a ramu,

Markus 8:15

E Isu i taki tora ria, “Mu lelerau, mu matadoko vona a is ne huriki a Pariseo, a is ne Herod.”

Lukas 11:35

I mavonga kunana mu matakari kamumu a nipara pololilo ne mua i uka ma ge uvo.

Lukas 12:1

Na parava tara, e huriki a bakovi ala kupo ri vapopo turane Isu. Ri vaboletugu lae, a vuhuna ri ala kupo hateka. Lakea e Isu i vara muga e huriki a murimuri vona i ta maea, “Mu matadoko vona a is ne huriki a Pariseo, ra naro ni tabelebako.

Lukas 12:15

Muri i taki e huriki, i ta maea, “Mu matadoko! Naha ni ngaru ioe go tahoka a mahala ge kupo. A bakovi bara i tahoka a mahala i kupo, ra mahala vona i uka ma ge habi a nimahuri vona.”

Lukas 16:15

Lakea e Isu i taki ria, i ta maea, “Mua kunana ra mu ngaru e huriki ri gi matai mua, ri gi luhoi ta mua a bakovi kamumu. Pali a Vure i lohoka ne mua, a vuhuna a maki e huriki a bakovi a ngatavine ri luhoi ta a maki kamumu hateka, a Vure i marikoi hateka vona.

Ioanes 12:43

Ri ngarua a Vure ge kavurike ria, pali ri ngaru hateka e huriki a bakovi ri gi kavurike ria.

Ioanes 5:44

Pali mu gu luhoi tora navai iau? Mu ngaru hateka e huriki a bakovi ri gi kavurike mua. Pali i uka ma mu ngarua a Vure ge kavurike mua, ra Vure i taku kunana.

Apostolo 3:12

Na tahuna e Petrus i matai ria, i ta maea, “Mua o huriki a bakovi o Israel, i navai mu turutu? I navai mu matanono maria? Naha ni luhoi miri koria na nitora ne maria, o na hini maria a bakovi kamumu.

Galesia 6:12

Re huriki nga, ri ngaru ni tugu mua ni gi pala a kuline mua, a vuhuna ri ngaru e huriki a Iuda ranga ri gi vivi ne ria. Ri koi ni muri mai a ngava na kai tavalavala ne Kristo, a vuhuna ri koi e huriki ri gi vakamadihi ria.

Vinara 24:13

Mu habi mulea vona na tahuna a haro i uka ma i rolo ma, ge kavitagua vona na tahuna i mahita. Muri a bakovi iea bara i kavurike mua, e BAKOVI DAGI a Vure ne mua bara i ngarua a naro malamala ne mua.

Hibru 11:26

E Moses i luhoi maea, i kamumu e huriki ri gi biu ia, a vuhuna i luhoi torea e Kristo. Pali bara i hale i uka ma ge luhoi tora, pali ge bole a mahala i kupo o Egipto.

Hibru 2:1

I mavonga, si gi luhoi kamumua a ngava si longoa pali, ma si gi lohopilea.

Hibru 6:10

Mu leho tora vakaroro ni kori e huriki a tara na Vure. Mu vakasiri manga mu ngarua a Vure. I uka ma ge mata kepa vona a Vure, a vuhuna a narona i kiripiripi kunana.

2 Ioanes 1:8

Mu mata­doko, ma mu gu vakavelu a maki si leho tora hateka ni bole. A ngaru mu gu bole lobo a mapane mua.