Mateo 5:9 - A Nitana Vure

⁹ “E huriki ri rata e huriki ri valemu, ri gi vivi, a vuhuna a Vure ge gale ria e huriki e tuna.

Mateo 5:9 Iomraidhean Croise

Mateo 5:45

Bara mu rata mavonga, bara ni gale mua e huriki e tune Tamane mua meli na hunu, a vuhuna i ratea a haro i para langa ne huriki lobo: e huriki a bakovi malamala, e huriki a bakovi hale. I habi a vala ne huriki lobo: e huriki a bakovi malamala, e huriki a bakovi hale.

Mateo 5:48

Mu laho malamala liu, a vuhuna e Tamane mua meli na hunu i malamala liu.”

Lukas 20:36

a vuhuna ri manga a agelo, i uka ma ri gi mate tabu. Ria e huriki e tuna Vure, a vuhuna ri mahuri mule na nimate.

Lukas 6:35

Pali a ngaru mua mu gu ngaru e huriki a pile ne mua, mu rata kamumu ria. Na tahuna mu habi ne ria a maki, naha ni taki ria ri gi habi mule. Mu rata mavonga, a mapane mua bara i dagi hateka, bara mua e huriki e tuna Vure Meli Liu, a vuhuna i rata kamumu e huriki ri bole lupu a maki, e huriki ri naro hale.

Apostolo 7:26

Na parava muri e Moses i bele tabu ne ria. I matai a bakovi o Israel ala rua ru vaubi. Lakea i nugu kari rua, i ta maea, ‘Muru longo valai, ra marua, marua a kabu i taku, i navai muru ngaru ni varabalaki?’

A Raukea e Paulus i Here Lakea ne Huriki a Rom 12:18

Mu toni a bulune mua ni made na nivalemu turana e huriki lobo.

A Raukea e Paulus i Here Lakea ne Huriki a Rom 8:14

E huriki ri muri mai a Hanuna Vure, ria kunana a tuna Vure.

A Raukea e Paulus i Here Lakea ne Huriki a Rom 8:16

A Hanuna Vure i vakasiri, si ta muholi na tahuna si taki hita, hita e huriki a tuna Vure.

A Raukea e Paulus i Here Lakea ne Huriki a Rom 8:19

A maki lobo a Vure i ratarike ri dava, ri pasimata vona a parava a Vure ge vakasiri kavakava, ne rei e huriki e tuna muholi.

1 Korin 6:6

Pali mua mu vakapesi e turane mua na matane huriki i uka ma ri luhoi torea e Kristo.

2 Korin 13:11

Mua o huriki a turagu, a ngava nau i lobo. Mu vivi. Mu hamule mai a naro kamumu. Mu valuke. Mu pesi taku, na niluhoi ge taku. Mu made palupu na nivalemu. Na tahuna mu rata a naro nga, a Vure na naro na nivangaru, na naro na nivalemu, bara i made turane mua.

2 Korin 5:20

Na naro iea, iau a vinuru ne Kristo. A vakalongo polo ne huriki a ngavana Vure i nana tora e huriki ri gi pulo a vilone ria. I mavonga, a nana tora mua na rane Kristo, mu lobo ni pilea a Vure, mu made turana na nivalemu.

Galesia 5:22

Pali a kanena Hanu Kiripiripi, a naro kamumu nga: a naro na nivangaru, a nivivi, a nivalemu, a naro ni hatenono, a naro ni rata kamumu e huriki, a naro ni hate balala, a naro ni ta muholi,

Epesus 4:1

I mavonga, iau a nana mua, ra iau ni ru dili na bavi a vuhuna a rata a leho ne Bakovi Dagi. A nana tora mua mu gu laho na naro i karea a naro a Vure i gale mua mu gu laho vona.

Pilipai 4:2

O Eudia, o Sintike, a ngaru muru gu pesi palupu na niluhoi i taku, a vuhuna muru rihi e Bakovi Dagi.

Kolosi 3:13

Mu made kamumu turana e huriki lobo, mu lohopile a naro hale ri rata virihi mua vona. I manga kunana e Bakovi Dagi i puga vuroki a naro hale ne mua, mua ranga mu lohopile a naro hale ni rata virihi mua vona.

Hibru 12:14

Mu rura ni made na nivalemu turane huriki lobo. Mu rura ni bele malamala, a vuhuna a viri i uka ma i malamala, i uka ma ge masia e Bakovi Dagi.