Mateo 5:5 - A Nitana Vure

⁵ “E huriki ri vakakiroko mule ria ri gi vivi, a vuhuna a malala lobo bara ne ria.

Mateo 5:5 Iomraidhean Croise

Ni Gi 12:3

Ra bakovi e Moses, ia a bakovi ni vakakiroko mule ia. I uka tara bakovi na malala ge vakakiroko mule ia ge manga e Moses.

Mateo 11:29

Tu gu kalohoa a binole nau, a vuhuna a binole nau i uka ma i mava. O longo ga tovo ioe, a vuhuna iau a bakovi madoru, i uka ma a bakovi ni bibi rike mule iau. Ga habi a nimalo na hanumu.”

Mateo 21:5

“Mu vakalongo e huriki ri made o Sion, mu ta maea, ‘Mu masia! A hariki ne mua i valai ngane. A bakovi madoru. I rike na donki, i rike na tuna donki.’”

A Raukea e Paulus i Here Lakea ne Huriki a Rom 4:13

Hosi, a Vure i ta muholi ne Abraham turana e huriki a hamona ri gi bele muri ma. I ta muholi ri gi bole a malala lobo, ge ne ria. E Abraham i uka ma i ramai a Vinara lobo na Vure, lakea a Vure i ta muholi vona. E Abraham i luhoi torea a Vure, lakea a Vure i ta muholi vona.

Galesia 5:23

a naro ni made madoru, a naro ni pahadanu a ningaru hale na kakaimu. Ra maka naro kamumu nga, i uka tara vinara ge ta pupukari hita vona.

Epesus 4:2

Mu vakakiroko mua. Mu made madoru turana e huriki. Mu hatenono ne huriki, mu vangaru.

Kolosi 3:12

A Vure i vulaki mua pali, ge mua e huriki a tara vona, i ngaru hateka mua. Lakea ngane mu dodo e huriki ri tahoka a maregoa, mu tuhori ria. Naha ni kavurike mule mua, mu vakakiroko mua, mu made madoru turane huriki a turane mua. Mu hatenono, naha ni hinihate.

1 Timoti 6:11

Pali ioe, a bakovi na Vure, o ha taro a maka naro hale nga. O toni a bulumu ni ramai a naro malamala, a naro na Vure. O toni a bulumu ni luhoi torea a Vure, ni ngaru e huriki, ni pesi tata, ni rata kamumu e huriki.

2 Timoti 2:25

Ge leho madoru ge pelekado a niluhoi ne huriki ri longotaro a ngava. E Satan i lakavu pali ria, ri gi rata a leho vona. Pali a Vure ge ngaru, bara i kori ria ri gi bole mule a niluhoi ne ria, ri gi ha taroa a hoa na hanitu, re Satan, ri gi pulo a vilone ria, ri gi lohoka vona a nita muholi.

Titus 3:2

Nahea ri gi padi kidu. Ri gi made na nivalemu. Ri gi luhoi muga a ningaru ne huriki ranga. Nahea ri gi rata polomugamuga.

Iakop 1:21

Lakea, a ngaru mu gu pe a naro i katoki, a maka naro hale legelege ne mua. Mu vakakiroko mua, mu longototo a nitana Vure, ra ni ru na hatene mua. Ra ngava iea i kara ge korimule mua.

Iakop 3:13

E rei ne mua i luhoi ta i moro, i tahoka a lohokanga, ge vakasiria na nimade kamumu vona, na maka rabu kamumu vona i rata na lohokanga. Pali nahea ge bibi rike mule a rana. Ge vakakiroko ia.

1 Petrus 3:15

Pali mu togoa na hatene mua e Kristo, ia kikeri a Bakovi Dagi. Mu kisi mua, mu gu tuveve polo ne huriki ri nana mua, na ra maki mu pasimata vona.

1 Petrus 3:4

A bagetua ne mua ge valai pololilo na hatene mua, manga a naro ni vakakiroko mua, ni made madoru. A Vure i ngaru hateka a bagetua maea. I uka ma ge lobo.