Mateo 5:3 - A Nitana Vure

³ “E huriki ri ngaru hateka a Vure ge korimule ria, ri gi vivi, a vuhuna a Vure ge habi ne ria a harikianga na hunu.

Mateo 5:3 Iomraidhean Croise

Mateo 11:25

Muri e Isu i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa a nitamu ne huriki ri luhoi ta ri lohoka hateka.

Mateo 11:6

E huriki ri matai a maki a rata, pali i uka ma ri koi nau, a Vure bara i rata kamumu ria.”

Mateo 13:16

Pali a Vure i rata kamumu mua, mu matakilala a maki a rata, mu longokilala a ngavagu.

Mateo 19:14

Lakea e Isu i taki ria, i ta maea, “Naha ni hatekakari e huriki a koma. Mu taparaki ria ri gi valai nau, a vuhuna a harikianga na hunu ne vone ria e huriki a hulu nga.”

Mateo 24:46

Muri, na tahuna a bakovi dagi i hamule valai, i masia a bolekori iea i rata kamumu a leho vona, bara i rata kamumu hatekea.

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Mateo 8:11

A taki mua, e huriki ala kupo i uka ma ria a Iuda bara ri valai na tabeke lobo na malala, bara ri made turane Abraham, e Isak, e Iakop na habu na harikianga na hunu.

Markus 10:14

Na tahuna e Isu i matai a naro ri rata, i madihi a hatena, i taki ria, “Naha ni hatekakari e huriki a koma. Mu taparaki ria ri gi valai nau, a vuhuna a harikianga na hunu ne vone ria e huriki a hulu nga.

Lukas 11:28

Pali e Isu i koli i ta maea, “I uka. E huriki ri gi vivi, re huriki ri longo a nitana Vure, ri muri mai a ngavana.”

Lukas 18:14

“A taki mua, a Vure i puga vuroki a naro hale na bakovi ni bole a takis, pali a Pariseo iea, i uka ma i puga vuroki a naro hale vona, a vuhuna e rei a viri i bibi rike mule ia, a Vure bara i vakakirokoa. Pali e rei a viri i vakakiroko mule ia, a Vure bara i kavurikea.”

Lukas 22:29

Lakea a habia ne mua a harikianga, i manga e Tata i habia nau a harikianga.

Lukas 22:30

Muri bara mu kani mu ninu turagu na harikianga nau, bara mu made na gula-hariki mu pelekado e huriki a kabu ne Israel ala ravulu a polona i rua.”

Lukas 4:18

“A Hanune Bakovi Dagi i made turagu, a vuhuna i vulaki iau ga vakalongo a Velenga Kamumu ne huriki a matasia. I rudu iau ga vakalongo e huriki ni ru dili na bavi, ne ria ri gi matukapaga. I rudu iau ga vakamatapara e huriki a kepa. I rudu iau ga rata e huriki ni rata hale, ri gi matukapaga.

Ioanes 20:29

Muri e Isu i takia, i ta maea, “Ngane o luhoi tora iau, a vuhuna o matai iau. Pali e huriki i uka ma ri matai iau, pali ri luhoi tora iau, a nipitei ne ria bara i dagi hateka.”

Vinara 8:2

Mu luhoi kamumua e BAKOVI DAGI a Vure ne hita, i muga mua, i tuhori mua vona a nilaho dagi mu ratea. Mu laho viliha na malala golea na pida i ravulu va. Lakea i rudu valai ranga maregoa ge toni mua, ge lohoka vona, mu gu ramai lobo a vinara vona o ge uka.

Iakop 1:10

Pali e huriki ri tahoka a mahala i kupo ri gi vivi na tahuna a Vure ge vakakiroko ria, a vuhuna bara ri mate tavula manga a hurumade.

Iakop 1:12

A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

Iakop 2:5

Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

Kapiloho 19:9

Muri a agelo i taki iau, i ta maea, “O here maea: E huriki a Vure i gale ria ri gi valai na habu na parangia na Tuna Sipsip, ri gi vivi.” Muri i taki iau, “A ngava nga, a ngava muholi na Vure.”

Kapiloho 22:14

“E huriki ri loi a varakia ne ria ri gi vivi, a vuhuna a Vure bara i taki ria ri kani na kai na nimahuri, ri gi dili na logo, ri gi dili na tanga.

Kapiloho 3:17

a vuhuna mu taki ta mu tahoka a mahala, mu ru kadolu a maki i kupo, i uka ma mu ngarua tara maki. Pali mu matasia hateka, mu bala a maki, mu kepa, mu kabobo.