Mateo 5:12 - A Nitana Vure

¹² Mu vivi hateka, a vuhuna a Vure ge kona dagi hateka mua meli na hunu. E huriki a propet hosi, ria ranga, e huriki ri vakamadihi ria, a vuhuna ri ramai iau.

Mateo 5:12 Iomraidhean Croise

A Vuhuna 15:1

Muri a nitane BAKOVI DAGI i bele ne Abram na vurena, i ta maea, “Abram, naha ni mangenge, iau a galeu vomu, ga rata kamumu hateka ioe.”

Mateo 16:27

A Tuna Bakovi bara i valai na bagetuanga ne Tamana turana e huriki a agelo vona, ge habi a mapa ne huriki takutaku, ge muri mai a narone ria.

Mateo 6:16

“Na tahuna mu peremu, nahea mu gu mata vitoloka i manga e huriki a tabele rua ri rata. Ri rata ria i malulu a matane ria ri gi vakasiri e huriki ta ri pile a kinani. A taki muholi mua, a mapane ria ri bole loboa pali.

Lukas 13:34

Muri e Isu i ta maea, “Ierusalem, Ieru­salem! Mu rabalaki e huriki a propet, mu padimate na kedo e huriki a rudu valai ne mua. Balaka kupo a ngaru ni kali­popo palupu mua, i manga a kinana kureko i kavi­tagu a maka tuna na kara­pana, ga mata­kari mua. Pali mu koi mua.

Lukas 6:23

Hosi e huriki e tubune ria ri rata mavonga e huriki a propet. Lakea na tahuna ri rata mavonga mua, mu vivi hateka, mu pitei, a vuhuna a Vure bara i kona dagi mua meli na hunu.

Lukas 6:35

Pali a ngaru mua mu gu ngaru e huriki a pile ne mua, mu rata kamumu ria. Na tahuna mu habi ne ria a maki, naha ni taki ria ri gi habi mule. Mu rata mavonga, a mapane mua bara i dagi hateka, bara mua e huriki e tuna Vure Meli Liu, a vuhuna i rata kamumu e huriki ri bole lupu a maki, e huriki ri naro hale.

Apostolo 16:25

Na kuru rodo e huriki pololilo na bavi ri longo e Paulus e Sailas ru vasileki na Vure, ru kalolo a linge vasileki.

Apostolo 5:41

E huriki a apostolo ri pe a vaponga, ri vano. Ri vivi vona a hini a Vure i matai ria, i kara ria ni bole a maregoa na rane Kristo.

A Raukea e Paulus i Here Lakea ne Huriki a Rom 5:3

Si vivi tabu na tahuna e huriki ri vakamadihi hita a vuhuna si luhoi torea e Kristo. Si vivi, a vuhuna si lohoka vona na tahuna si bole a nimadihi, si tovo ni hatenono na nimadihi.

1 Korin 3:8

A viri i varo, a viri i kisi a hania, ru palupulupu kunana. Rua varago bara ru bole a mapane rua, i muri mai a leho ne rua.

2 Korin 4:17

A maka maregoa a bole na parava i popote ngane, i uka ma a maki dagi hateka, a vuhuna i rata puru nau a bagetuanga i dagi hateka, ge tabuli vakaroro. A bagetua nga ri rangi hateka a maka maregoa a bole ngane.

Pilipai 1:29

A naro a Vure i kisi puru ne mua, i ngaru mu gu luhoi torea e Kristo. Pali i uka ma ngi kunana. I ngaru tabu mu gu bole a nimadihi na rana,

Pilipai 2:17

Iau bara vivi kunana ni bele turane mua manga a nihabi na vain, ni gi guru tala langa na nihabi ne mua, a leho ne mua, ra hini mu luhoi torea e Kristo, bara vivi turane mua.

Kolosi 1:24

Ngane a vivi, a vuhuna a bole a ni­madihi ga kori mua, ga tuhori mua e huriki a tara na Vure, mua a kakaine Kristo. A nimadihi a bole na kakaigu na rane Kristo, i uka ma ge lobo mala­viriri. Bara i tabana.

Kolosi 3:24

a vuhuna mu lohoka vona, muri ma e Kristo a Bakovi Dagi bara i kona kamumu mua. Bara mu bolea ra mapa i ta muholi vona ge habi ne huriki a tara vona. E Kristo kunana a viri mu vora vona.

1 Tesalonika 2:15

Re huriki a Iuda, ri rabalaki hosi e huriki a propet. Ri rabalakia e Isu a Bakovi Dagi. Muri ri lili tala mateu vonga. A Vure i uka ma i vivi ne ria. Ri gege e huriki lobo,

Hibru 10:34

Mu dodo, mu kori e huriki ni ru dili na bavi. Na tahuna e huriki ri radi a maka maki ne mua, mu vivi kunana, a vuhuna mu lohoka vona, a maki muholi ne mua i tabuli na hunu, bara i tabuli vakaroro.

Hibru 11:26

E Moses i luhoi maea, i kamumu e huriki ri gi biu ia, a vuhuna i luhoi torea e Kristo. Pali bara i hale i uka ma ge luhoi tora, pali ge bole a mahala i kupo o Egipto.

Hibru 11:33

Ria lobo ri luhoi torea a Vure, ri mulangi na vabinga, ri ratapile a robo i kupo. Ri vakamadihi e huriki a bakovi, a maka tanga ri gegea a Vure. Ri bole a maka maki a Vure i ta muholi ge habi ne ria. Ri nugu pupu a ngavana maka laion.

Hibru 11:6

E rei a viri i uka ma i luhoi torea a Vure, a Vure i uka ma i vivi vona. E rei a viri i ngaru ni lakea tabukoi na Vure, ge lohoka vona a Vure i made, ge luhoia a Vure ra viri i rata kamumu e huriki ri matakanea.

Iakop 1:2

Mua e huriki a turagu, a ngaru mu gu vivi hateka na tahuna a nitoni ge bele ne mua,

Iakop 5:10

Mua e huriki a turagu, mu luhoi e huriki a propet hosi ri vakalongo a ngava na rane Bakovi Dagi. E huriki a pile ri rata hale ria, pali ri pesi tora. Mu ramai a narone ria.

1 Petrus 4:13

Na tahuna ri bele, mu vivi, a vuhuna mu bole a maregoa i manga e Kristo i bole a maregoa. Muri bara mu vivi hateka na tahuna a bagetuanga vona i bele kavakava.

E Rut A Nita Vakalohoka 2:12

E BAKOVI DAGI ge rata kamumu ioe, a vuhuna o rata a rabu kamumu. E BAKOVI DAGI, a Vure ne Israel, ra viri o valai vona go taru na karapana, ge koli kamumu a rabu o ratea.”