Mateo 5:10 - A Nitana Vure

¹⁰ “E huriki ni vakamadihi vakaroro a vuhuna ri malamala, ri gi vivi, a vuhuna a Vure ge habi ne ria a harikianga na hunu.

Mateo 5:10 Iomraidhean Croise

Mateo 10:23

Na tahuna a tanga tara i vakamadihi mua, mu ha taroa, mu lakea na tanga tara. A taki muholi mua, i uka ma mu gu paha lobo ma a tanga o Israel, a Tuna Bakovi bara i valai pali.

Mateo 19:14

Lakea e Isu i taki ria, i ta maea, “Naha ni hatekakari e huriki a koma. Mu taparaki ria ri gi valai nau, a vuhuna a harikianga na hunu ne vone ria e huriki a hulu nga.”

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Mateo 5:3

“E huriki ri ngaru hateka a Vure ge korimule ria, ri gi vivi, a vuhuna a Vure ge habi ne ria a harikianga na hunu.

Markus 10:14

Na tahuna e Isu i matai a naro ri rata, i madihi a hatena, i taki ria, “Naha ni hatekakari e huriki a koma. Mu taparaki ria ri gi valai nau, a vuhuna a harikianga na hunu ne vone ria e huriki a hulu nga.

Markus 10:30

bara ri bole balaka kupo tabu koea na malala. Bara ri bole a maka tanga i kupo, e turane ria i kupo, e kurabane ria i kupo, e kinane ria i kupo, e tune ria i kupo, a hania ne ria i kupo. A maka nimadihi ranga bara ri bole i kupo. Pali na tahuna muri ma, bara ri bole a nimahuri vakaroro.

Lukas 21:12

“Pali muga, bara ni lakavu mua ni ratapile mua a vuhuna mu muri mai iau. Bara ni pelekado mua na roho na vaponga, ni ru dili mua na bavi. Bara ni lakavu mua, ni vakapesi mua na matane huriki a hariki a matakari, a vuhuna mu ramai iau.

Lukas 22:29

Lakea a habia ne mua a harikianga, i manga e Tata i habia nau a harikianga.

Lukas 6:20

E Isu i mata lakea ne huriki a murimuri vona, i ta maea, “Mua o huriki a matasia mu vivi, a vuhuna a Vure bara i habi ne mua a harikianga vona.

Lukas 6:22

E huriki bara ri tepu mua, ri lohopile mua, ri harogi mua, ri taki mua ta mu hale a vuhuna mu muri mai a Tuna Bakovi. Pali mu vivi!

Ioanes 15:20

Mu luhoi mulea a ngava a taki mua vona, ‘A vora i uka ma i muga na matakari vona.’ E huriki ri rata hale iau, bara ri rata hale mua. E huriki ri longo mai a vinara nau, bara ri longo mai a vinara ne mua.

Apostolo 5:40

Muri ri gale dili tabu e huriki a apostolo, ri hotu ria. Ri pupukari ria nahea ri gi ta tabu vona a rane Isu. Muri ri tono tala ria ri vano.

Apostolo 8:1

Na matane Saulus, a naro ri rata virihia e Stepan vona i kamumu hateka. Na parava iea kunana ri vakatubu ni vakamadihi e huriki a tara ne Kristo o Ierusalem, lakea ri ha vapida lae, ri vano ri made na tabeke ne Iudea, a tabeke ne Samaria. Pali e huriki a apostolo i uka ma ri vano.

2 Korin 4:17

A maka maregoa a bole na parava i popote ngane, i uka ma a maki dagi hateka, a vuhuna i rata puru nau a bagetuanga i dagi hateka, ge tabuli vakaroro. A bagetua nga ri rangi hateka a maka maregoa a bole ngane.

Pilipai 1:28

Naha ni mangenge ne huriki a pile ne mua. Na tahuna mu rata mavonga, bara i vakasiri kavakava ria, ria bara ri vurua, pali a Vure bara i korimule mua.

2 Timoti 2:12

E huriki ri hatenono na tahuna ri bole a nimadihi, bara ni rata ria a hariki, ri matakari turane Kristo; E huriki ri lohopilea e Kristo, ia tara bara i lohopile ria;

2 Timoti 3:11

O lohoka vona a maka naro hale ni rata virihi iau vona, a nimadihi a bole o Antiok, o Ikonium, o Listra. A bole a nimadihi hateka. Pali e Bakovi Dagi i korimule iau na maka maregoa nga.

Iakop 1:12

A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

Iakop 5:11

Si lohoka vona, e huriki ri hatenono bara ri vivi. Mu longoa pali a nuverei ne Iob, i hatenono na tahuna i bole a maregoa dagi. Muri e Bakovi Dagi i korimulea. Muholi hateka, e Bakovi Dagi a Mari ni dodo, a Mari ni rata kamumu hateka hita.

1 Ioanes 3:12

Nahea si gi naro manga e Kain. Ia a bakovi ne Satan, lakea i rabalakia e tarina, i mate. I rabalakia a vuhuna a narona i hale, a narone tarina i malamala.

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.