Mateo 4:7 - A Nitana Vure

⁷ Lakea e Isu i koli mule, i ta maea, “Ni here puru tabu na Hinere, i ta maea, ‘Naha ni tonia e Bakovi Dagi, a Vure vomu.’”

Mateo 4:7 Iomraidhean Croise

A Nimariu 17:2

Lakea ri tahatea e Moses ri ta maea, “O matakanea ngane a naru mi gi nua!” E Moses i koli, i ta maea, “I navai mu tahate iau? Mu ngaru ni toni a nitora ne BAKOVI DAGI?”

A Nimariu 17:7

Ri galea a hini nga e Masa e Meriba, a vuhuna e huriki a Israel ri tahate, ri ta maea, “E BAKOVI DAGI i made turane hita, o i uka?” Na naro iea kunana ri ngaru ni tonia e BAKOVI DAGI.

Ni Gi 14:22

I muholi hateka e huriki a bakovi a ngatavine ri longotaro ri toha iau, i uka ma ri gi lakea na robo ta ga habia ne ria. Ri masia a nipara i vakasiri ria ne nau a made turane ria. Ri matai a maka nivakasiri a rata pali o Egipto a rata pali na tabeke i ngeki. Pali ri longotaro vakaroro a nitagu.

Mateo 21:16

Lakea ri nanea e Isu, “A ngava i taki e huriki a koma kiroko, o longo?” I koli i ta maea, “A longo. Pali mua, a ngava ni here hosi na Hinere, mu longoa o i uka? Ni here maea: ‘E huriki a koma kiroko, a koma ri ruru, o rata ria ri kavurike ioe.’”

Mateo 21:42

Lakea e Isu i taki ria, i ta maea, “A ngava ni here puru na Hinere, i maea, ‘Ra kedo e huriki a mari ni hae a ruma ri marikoi vona, ngane i bele a vuhu kedo ni hae a ruma vona. A rabu iea, e Bakovi Dagi i ratea, i mata kamumu hateka na matane hita.’ “Ra mua, mu longo pali a ngava iea, o i uka?

Mateo 4:10

Lakea e Isu i takia, “Satan, o ha nau! A ngava ni here puru na Hinere i maea, ‘O kavurikea e Bakovi Dagi, a Vure vomu, o ramai kunana ia.’”

Mateo 4:4

E Isu i koli, “A ngava ni here puru na Hinere, i ta maea, ‘A bakovi i uka ma ge mahuri na maki ni kani kunana. A bakovi bara i mahuri na tahuna i longototo a ngava lobo na Vure.’”

Lukas 4:12

Pali e Isu i koli, i ta maea, “A ngava ni here puru na Hinere i maea, ‘Naha ni tonia e Bakovi Dagi, a Vure vomu.’”

Apostolo 15:10

Pali i navai ngane mu ngaru ni tonia a Vure? I navai mu ngaru ni habi a nimava iea ne huriki nga, ri luhoi torea e Kristo? A nimava iea, hita si keri ni kalohoa. E huriki a gare ne hita hosi, ria ranga ri keri ni kalohoa.

Apostolo 5:9

Lakea e Petrus i takia i ta maea, “Pali i navai muru valongo mai a ngava ni tonia a Hanune Bakovi Dagi? Mata lakea! E huriki a riau ri tanua pali e girihimu, ri laho valai. Ioe tara, bara ri kaloho tala a podamu.”

1 Korin 10:9

Nahea si gi tonia e Kristo, i manga e huriki ranga ne ria ri rata. Ri rata mavonga, a maka mata ri kani mate ria.

Vinara 6:16

“Naha ni toni a nitora ne BAKOVI DAGI a Vure ne hita, i manga a hini mu rata na tanga e Masa.

Hibru 3:9

A rata a maka nivakasiri dagi na matane ria na pida i ravulu va, pali ri tabana ni toni iau. I mavonga, a rihate ne huriki nga, a ta maea, ‘I uka ma ri lohoka vona a narogu. Ri lohopile vakaroro iau.’